ਸੰਜੇ ਦੱਤ ਨੇ ਬਿਹਾਰ ਦੇ ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਦੀ ਕੀਤੀ ਆਲੋਚਨਾ? 

15 ਦਸੰਬਰ, 2025 ਨੂੰ ਪਟਨਾ ਵਿੱਚ ਇੱਕ ਸਰਕਾਰੀ ਸਮਾਗਮ ਦੌਰਾਨ ਬਿਹਾਰ ਦੇ ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਨੇ ਇੱਕ ਮਹਿਲਾ ਡਾਕਟਰ ਦਾ ਹਿਜਾਬ ਉਤਾਰ ਦਿੱਤਾ, ਜਿਸ ਤੋਂ ਬਾਅਦ ਵਿਵਾਦ ਪੈਦਾ ਹੋ ਗਿਆ। ਵਿਰੋਧੀ ਧਿਰ ਦੇ ਨੇਤਾਵਾਂ ਨੇ ਨਿਤੀਸ਼ ਕੁਮਾਰ ਦੀ ਆਲੋਚਨਾ ਕੀਤੀ ਤੇ ਇਸ ਘਟਨਾ ਨੂੰ ਸ਼ਰਮਨਾਕ ਦੱਸਿਆ ਤੇ ਮੁਆਫ਼ੀ ਮੰਗਣ ਦੀ ਮੰਗ ਕੀਤੀ।

ਹੁਣ ਇਸ ਘਟਨਾ ਨਾਲ ਜੋੜਕੇ ਫਿਲਮ ਅਦਾਕਾਰ ਸੰਜੇ ਦੱਤ ਦਾ ਇੱਕ ਵੀਡੀਓ ਟਵਿੱਟਰ ‘ਤੇ ਵਾਇਰਲ ਹੋ ਰਿਹਾ ਹੈ । ਇਸ 28 ਸਕਿੰਟ ਦੇ ਵੀਡੀਓ ਵਿੱਚ, ਉਹ ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਦੀ ਆਲੋਚਨਾ ਕਰਦੇ ਦਿਖਾਈ ਦੇ ਰਹੇ ਹਨ। ਵੀਡੀਓ ਨੂੰ ਇਸ ਦਾਅਵੇ ਨਾਲ ਸਾਂਝਾ ਕੀਤਾ ਜਾ ਰਿਹਾ ਹੈ ਕਿ ਸੰਜੇ ਦੱਤ ਨੇ ਨਿਤੀਸ਼ ਕੁਮਾਰ ਨੂੰ ਆਪਣੇ ਕੰਮਾਂ ਲਈ ਮੁਆਫੀ ਮੰਗਣ ਲਈ ਕਿਹਾ ਹੈ।

Fact Check/Verification

ਸੰਜੇ ਦੱਤ ਵੱਲੋਂ ਨਿਤੀਸ਼ ਕੁਮਾਰ ਦੀ ਆਲੋਚਨਾ ਕਰਨ ਦੇ ਦਾਅਵੇ ਨਾਲ ਵਾਇਰਲ ਵੀਡੀਓ ਦੀ ਜਾਂਚ ਕਰਨ ਲਈ ਅਸੀਂ ਪਹਿਲਾਂ ਗੂਗਲ ‘ਤੇ “ਸੰਜੇ ਦੱਤ ਨੇ ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਦੀ ਆਲੋਚਨਾ ਕੀਤੀ” ਕੀ ਵਰਡ ਨਾਲ ਸਰਚ ਕੀਤੀ। ਸਾਨੂੰ ਇਸ ਦਾਅਵੇ ਦੀ ਪੁਸ਼ਟੀ ਕਰਨ ਵਾਲੀ ਕੋਈ ਭਰੋਸੇਯੋਗ ਰਿਪੋਰਟ ਨਹੀਂ ਮਿਲੀ।

ਫਿਰ ਅਸੀਂ ਫਿਲਮ ਅਦਾਕਾਰ ਸੰਜੇ ਦੱਤ ਦੇ ਅਧਿਕਾਰਕ ਸੋਸ਼ਲ ਮੀਡੀਆ ਅਕਾਊਂਟ ਤੇ ਖੋਜ ਕੀਤੀ, ਪਰ ਉਥੇ ਵੀ ਸਾਨੂੰ ਇਹ ਵੀਡੀਓ ਨਹੀਂ ਮਿਲਿਆ।

Also read: ਕੀ Bhagwant Mann ਨੇ ਨਵਜੋਤ ਸਿੰਘ ਸਿੱਧੂ ਦਾ ਆਮ ਆਦਮੀ ਪਾਰਟੀ ਵਿੱਚ ਕੀਤਾ ਸਵਾਗਤ?

ਸੰਜੇ ਦੱਤ ਦੇ ਵਾਇਰਲ ਵੀਡੀਓ ਦੀ ਧਿਆਨ ਨਾਲ ਜਾਂਚ ਕਰਨ ‘ਤੇ ਸਾਨੂੰ ਕੁਝ ਖਾਮੀਆਂ ਨਜ਼ਰ ਆਈਆਂ। ਖਾਸ ਤੌਰ ‘ਤੇ, ਵੀਡੀਓ ਵਿੱਚ ਆਵਾਜ਼ ਸੰਜੇ ਦੱਤ ਦੇ ਲਿਪ ਸਿੰਕ ਨਾਲ ਮੇਲ ਨਹੀਂ ਖਾਂਦੀ। ਇਸ ਕਾਰਨ ਸਾਨੂੰ ਸ਼ੱਕ ਹੋਇਆ ਕਿ ਵੀਡੀਓ AI ਜਨਰੇਟਡ ਹੈ।

ਏਆਈ ਡਿਟੈਕਸ਼ਨ ਟੂਲ ਹਾਈਵ ਮਾਡਰੇਸ਼ਨ ਦੇ ਮੁਤਾਬਕ ਇਹ ਵੀਡੀਓ 68.2 ਪ੍ਰਤੀਸ਼ਤ ਏਆਈ ਦੁਆਰਾ ਤਿਆਰ ਕੀਤਾ ਗਿਆ ਸੀ।

Aurigin.ai ਦੇ ਮੁਤਾਬਕ ਵੀ ਵਾਇਰਲ ਵੀਡੀਓ ਵਿੱਚ ਆਡੀਓ 100 ਪ੍ਰਤੀਸ਼ਤ AI ਦੁਆਰਾ ਤਿਆਰ ਕੀਤਾ ਗਿਆ ਸੀ।

Resemble.ai ਨੇ ਵਾਇਰਲ ਵੀਡੀਓ ਵਿੱਚ ਆਡੀਓ ਨੂੰ ਫਰਜ਼ੀ ਦੱਸਿਆ।

ਇਹ ਸਪੱਸ਼ਟ ਤੌਰ ਹੈ ਕਿ ਇਸ ਵੀਡੀਓ ਵਿੱਚ ਆਡੀਓ ਨਕਲੀ ਹੈ ਅਤੇ AI ਦੁਆਰਾ ਤਿਆਰ ਕੀਤੀ ਗਈ ਹੈ। ਹੁਣ, ਅਸੀਂ ਇਹ ਪਤਾ ਲਗਾਉਣ ਦੀ ਕੋਸ਼ਿਸ਼ ਕੀਤੀ ਕਿ ਸੰਜੇ ਦੱਤ ਦਾ ਇਹ ਵੀਡੀਓ ਅਸਲ ਵਿੱਚ ਕਦੋਂ ਦਾ ਹੈ।

ਅਸੀਂ ਗੂਗਲ ਲੈਂਸ ਦੀ ਵਰਤੋਂ ਕਰਕੇ ਵਾਇਰਲ ਵੀਡੀਓ ਦੇ ਇੱਕ ਫਰੇਮ ਦੀ ਸਰਚ ਕੀਤੀ ਅਤੇ ਸਾਨੂੰ 25 ਅਗਸਤ, 2019 ਨੂੰ ਮਿਡ-ਡੇ ਦੁਆਰਾ ਪ੍ਰਕਾਸ਼ਿਤ ਇੱਕ ਰਿਪੋਰਟ ਮਿਲੀ ਜਿਸ ਵਿੱਚ ਇਹ ਵੀਡੀਓ ਮੌਜੂਦ ਸੀ।

ਮਿਡ-ਡੇਅ ਦੁਆਰਾ ਪ੍ਰਕਾਸ਼ਿਤ ਇੱਕ ਰਿਪੋਰਟ ਦੇ ਮੁਤਾਬਕ ਅਸਲ ਵੀਡੀਓ ਵਿੱਚ ਸੰਜੇ ਦੱਤ ਆਪਣੀ ਮਰਾਠੀ ਫਿਲਮ “ਬਾਬਾ” ਨੂੰ ਮਿਲੇ ਪਿਆਰ ਲਈ ਦਰਸ਼ਕਾਂ ਦਾ ਧੰਨਵਾਦ ਕਰ ਰਹੇ ਸਨ। ਸੰਜੇ ਦੱਤ ਨੇ ਇਹ ਵੀਡੀਓ 8 ਅਗਸਤ, 2019 ਨੂੰ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਪੋਸਟ ਕੀਤਾ ਸੀ।

ਸਿੱਟਾ

ਇਸ ਤਰ੍ਹਾਂ ਸਾਡੀ ਜਾਂਚ ਤੋਂ ਇਹ ਸਪਸ਼ਟ ਹੁੰਦਾ ਹੈ ਕਿ ਵਾਇਰਲ ਦਾਅਵਾ ਫਰਜ਼ੀ ਹੈ। ਸੰਜੇ ਦੱਤ ਦੁਆਰਾ ਨਿਤੀਸ਼ ਕੁਮਾਰ ਦੀ ਆਲੋਚਨਾ ਕਰਨ ਵਾਲੇ ਵਾਇਰਲ ਵੀਡੀਓ ਵਿੱਚ ਆਡੀਓ AI ਦੁਆਰਾ ਤਿਆਰ ਕੀਤੀ ਗਈ ਹੈ।

Our Sources

Analysis by Hive Moderation
Analysis by Aurigin.ai
Analysis by Resemble.ai
News Report Published by Mid-Day on 25th August, 2019
Instagram Post by Sanjay Dutt on 8th August, 2019