ਆਪਰੇਸ਼ਨ ਸਿੰਦੂਰ ਤੋਂ ਬਾਅਦ ਸ਼ਿਖਰ ਧਵਨ ਨੇ ਪਾਕਿਸਤਾਨ ਤੇ ਤੰਜ ਕਸਿਆ?

ਪਹਿਲਗਾਮ ਅੱਤਵਾਦੀ ਹਮਲੇ ਦੇ ਤਕਰੀਬਨ ਦੋ ਹਫਤੇ ਬਾਅਦ ਭਾਰਤ ਸਰਕਾਰ ਨੇ ਪਾਕਿਸਤਾਨ ਦੇ ਅੱਤਵਾਦੀ ਠਿਕਾਨਿਆਂ ਤੇ ਹਮਲਾ ਕੀਤਾ। ਭਾਰਤੀ ਸੈਨਾ ਨੇ ਇਸ ਕਾਰਵਾਈ ਨੂੰ ਆਪਰੇਸ਼ਨ ਸਿੰਦੂਰ ਦਾ ਨਾਮ ਦਿੱਤਾ। 25 ਮਿੰਟ ਵਿੱਚ ਪੂਰੇ ਹੋਏ ਆਪਰੇਸ਼ਨ ਸੰਦੂਰ ਵਿੱਚ 9 ਟਾਰਗੇਟ ਤਬਾਹ ਕੀਤੇ ਗਏ ਹਨ।

ਇਸ ਵਿੱਚ ਸੋਸ਼ਲ ਮੀਡੀਆ ਤੇ ਭਾਰਤੀ ਕ੍ਰਿਕਟਰ ਸ਼ਿਖਰ ਧਵਨ ਦੀ ਪੋਸਟ ਵਾਇਰਲ ਹੋ ਰਹੀ ਹੈ ਜਿਸ ਵਿੱਚ ਉਹ ਸਵਿਮਿੰਗ ਪੂਲ ਵਿੱਚ ਖੜੇ ਕੁਝ ਪੀਂਦੇ ਦਿਖਾਈ ਦੇ ਰਹੇ ਹਨ। ਪੋਸਟ ਨੂੰ ਸ਼ੇਅਰ ਕਰ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਆਪਰੇਸ਼ਨ ਸਿੰਦੂਰ ਤੋਂ ਬਾਅਦ ਸ਼ਿਖਰ ਧਵਨ ਨੇ ਪਾਕਿਸਤਾਨ ਤੇ ਤੰਜ ਕਸਦਿਆਂ ਲਿਖਿਆ,”ਚਾਹ ਕਿਵੇਂ ਦੀ ਲੱਗੀ ਗੁਆਂਡਿਓ।”

Fact Check/Verification

ਅਸੀਂ ਵਾਇਰਲ ਹੋ ਰਹੀ ਪੋਸਟ ਨੂੰ ਲੈ ਕੇ ਆਪਣੀ ਜਾਨ ਸ਼ੁਰੂ ਕੀਤੀ ਅਸੀਂ ਸਭ ਤੋਂ ਪਹਿਲਾਂ ਕ੍ਰਿਕਟਰ ਸ਼ਿਖਰ ਧਵਨ ਦੇ ਅਧਿਕਾਰਿਕ ਟਵਿਟਰ ਹੈਂਡਲ ਨੂੰ ਖੰਗਾਲਿਆ।

Also read: ਕੀ Bhagwant Mann ਨੇ ਨਵਜੋਤ ਸਿੰਘ ਸਿੱਧੂ ਦਾ ਆਮ ਆਦਮੀ ਪਾਰਟੀ ਵਿੱਚ ਕੀਤਾ ਸਵਾਗਤ?

ਆਪਣੀ ਸਰਚ ਦੇ ਦੌਰਾਨ ਸਾਨੂੰ ਸੋਸ਼ਲ ਮੀਡੀਆ ਤੇ ਵਾਇਰਲ ਪੋਸਟ ਸ਼ਿਖਰ ਧਵਨ ਦੇ ਅਧਿਕਾਰਿਕ ਟਵਿੱਟਰ ਹੈਂਡਲ ਤੇ ਨਹੀਂ ਮਿਲੀ। ਹਾਲਾਂਕਿ, ਸਾਨੂੰ ਸ਼ਿਖਰ ਧਵਨ ਦੁਆਰਾ ਭਾਰਤੀ ਫੌਜ ਦੁਆਰਾ ਪਾਕਿਸਤਾਨ ਵਿਰੁੱਧ ਕੀਤੀ ਗਈ ਕਾਰਵਾਈ ਦੀ ਸ਼ਲਾਘਾ ਕਰਦਿਆਂ ਇੱਕ ਪੋਸਟ ਮਿਲੀ। ਅਸੀਂ ਸ਼ਿਖਰ ਧਵਨ ਦੇ ਅਧਿਕਾਰਿਕ ਫੇਸਬੁੱਕ ਤੇ ਇੰਸਟਾਗ੍ਰਾਮ ਅਕਾਊਂਟ ਵੀ ਸਰਚ ਕੀਤੇ। ਉਥੇ ਵੀ ਸਾਨੂੰ ਵਾਇਰਲ ਪੋਸਟ ਨਹੀਂ ਮਿਲੀ।

ਹੁਣ ਅਸੀਂ ਵਾਇਰਲ ਹੋ ਰਹੀ ਪੋਸਟ ਵਿੱਚ ਦਿਖ ਰਹੇ ਅਕਾਊਂਟ ਨੂੰ ਸਰਚ ਕੀਤਾ ਅਤੇ ਅਸੀਂ ਪਾਇਆ ਕੀ ਇਸ ਆਈਡੀ ਤੇ ਸ਼ਿਖਰ ਧਵਨ ਦਾ ਨਾਮ ਗਲਤ ਲਿਖਿਆ ਹੋਇਆ ਹੈ ਅਤੇ ਯੂਜਰਨੇਮ ਵੀ ਗਲਤ ਹੈ। ਇਸ ਦੇ ਨਾਲ ਹੀ ਹੈਂਡਲ ਦੇ ਨਾਮ ਨਾਲ ਬਲੂ ਟਿਕ ਵੀ ਨਹੀਂ ਲੱਗਿਆ ਹੋਇਆ ਹੈ। ਇਸ ਅਕਾਊਂਟ ਨੇ ਆਪਣੀ ਬਾਇਓ ਵਿੱਚ ਪਰੋਡੀ ਅਕਾਊਂਟ ਲਿਖਿਆ ਹੋਇਆ ਹੈ।

ਇਸ ਦੇ ਨਾਲ ਹੀ ਸਾਨੂੰ ਵਾਇਰਲ ਹੋ ਰਹੀ ਪੋਸਟ ਵਿੱਚ ਇਸਤੇਮਾਲ ਕੀਤੀ ਗਈ ਸ਼ਿਖਰ ਧਵਨ ਦੀ ਤਸਵੀਰ ਧਵਨ ਦੇ ਅਧਿਕਾਰਿਕ ਇੰਸਟਾਗ੍ਰਾਮ ਅਕਾਊਂਟ ਤੇ ਫਰਵਰੀ 7, 2024 ਨੂੰ ਅਪਲੋਡ ਮਿਲੀ।

ਸਾਡੀ ਜਾਂਚ ਤੋਂ ਸਪਸ਼ਟ ਹੁੰਦਾ ਹੈ ਕਿ ਕ੍ਰਿਕਟਰ ਸ਼ਿਖਰ ਧਵਨ ਦੇ ਫਰਜ਼ੀ ਅਤੇ ਪੈਰੋਡੀ ਅਕਾਊਂਟ ਨੂੰ ਸ਼ੇਅਰ ਕਰ ਦਾਅਵਾ ਕੀਤਾ ਗਿਆ ਕਿ ਸ਼ਿਖਰ ਧਵਨ ਨੇ ਪੋਸਟ ਪਾ ਪਾਕਿਸਤਾਨ ‘ਤੇ ਤੰਜ ਕਸਿਆ।

Sources

X account of @SDhawan25
X account of @76off43