ਦਰਬਾਰ ਸਾਹਿਬ ਦੇ ਵਿੱਚ ਤੇਜ਼ ਹਵਾ ਦਾ ਇਹ ਵੀਡੀਓ 3 ਸਾਲ ਪੁਰਾਣਾ ਹੈ

ਸੋਸ਼ਲ ਮੀਡਿਆ ‘ਤੇ ਦਰਬਾਰ ਸਾਹਿਬ, ਅੰਮ੍ਰਿਤਸਰ ਦਾ ਦਾ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ। ਵਾਇਰਲ ਹੋ ਰਹੀ ਵੀਡੀਓ ਦੇ ਵਿੱਚ ਦਰਬਾਰ ਸਾਹਿਬ ਦੇ ਵਿੱਚ ਤੇਜ਼ ਹਵਾ ਦੇ ਕਾਰਨ ਟੇਂਟ ਉੱਡਦੇ ਦੇਖੇ ਜਾ ਰਹੇ ਹਨ। ਇਸ ਵੀਡੀਓ ਨੂੰ ਹਾਲੀਆ ਦੱਸਕੇ ਸ਼ੇਅਰ ਕੀਤਾ ਜਾ ਰਿਹਾ ਹੈ।

ਫੇਸਬੁੱਕ ਯੂਜ਼ਰ Aunumeha Rai Diwan ਨੇ ਵੀਡੀਓ ਨੂੰ ਪੋਸਟ ਕਰਦਿਆਂ ਲਿਖਿਆ,”ਅਕਾਲ ਤਖ਼ਤ ਦੇ ਦਰਵਾਜ਼ੇ ‘ਤੇ ਮੁਸੀਬਤ, ਹਰਿਮੰਦਰ ਸਾਹਿਬ ਵਿੱਚ ਮੱਚਿਆ ਹਾਹਾਕਾਰ, ਅੰਮ੍ਰਿਤਸਰ ਦੇ ਪਵਿੱਤਰ ਸ਼੍ਰੀ ਹਰਿਮੰਦਰ ਸਾਹਿਬ ਵਿਖੇ ਅਚਾਨਕ ਹਫੜਾ-ਦਫੜੀ ਨੇ ਸ਼ਰਧਾਲੂਆਂ ਨੂੰ ਹਿਲਾ ਕੇ ਰੱਖ ਦਿੱਤਾ। ਚਾਰੇ ਪਾਸੇ ਚੀਕ-ਚਿਹਾੜਾ ਸੀ, ਲੋਕ ਆਪਣੀਆਂ ਜਾਨਾਂ ਬਚਾਉਣ ਲਈ ਇਧਰ-ਉਧਰ ਭੱਜਦੇ ਦਿਖਾਈ ਦੇ ਰਹੇ ਸਨ।

Fact Check/Verification

ਸੀਂ ਸੋਸ਼ਲ ਮੀਡੀਆ ਤੇ ਵਾਇਰਲ ਹੋ ਰਹੀ ਇਸ ਵੀਡੀਓ ਦੀ ਸੱਚਾਈ ਜਾਨਣ ਦੇ ਲਈ ਆਪਣੀ ਜਾਂਚ ਸ਼ੁਰੂ ਕੀਤੀ। ਅਸੀਂ ਵੀਡੀਓ ਨੂੰ ਕੀ ਫਰੇਮ ਵਿੱਚ ਵੰਡਕੇ ਇੱਕ ਫਰੇਮ ਨੂੰ ਰਿਵਰਸ ਇਮੇਜ ਸਰਚ ਦੀ ਮਦਦ ਨਾਲ ਖੰਗਾਲਿਆ।

Also read: ਕੀ Bhagwant Mann ਨੇ ਨਵਜੋਤ ਸਿੰਘ ਸਿੱਧੂ ਦਾ ਆਮ ਆਦਮੀ ਪਾਰਟੀ ਵਿੱਚ ਕੀਤਾ ਸਵਾਗਤ?

ਸਰਚ ਦੇ ਦੌਰਾਨ ਸਾਨੂੰ ਇਹ ਵੀਡੀਓ ਇੰਸਟਾਗ੍ਰਾਮ ਯੂਜ਼ਰ “jaskaran_singh_khalsa_ji” ਦੁਆਰਾ ਜੁਲਾਈ 22, 2022 ਨੂੰ ਅਪਲੋਡ ਮਿਲੀ। ਯੂਜ਼ਰ ਨੇ ਵੀਡੀਓ ਨੂੰ ਸ਼ੇਅਰ ਕਰਦਿਆਂ ਲਿਖਿਆ,”ਰਾਤ ਨੂੰ ਕੁਝ ਮਿੰਟਾ ਲਈ ਆਏ ਤੂਫ਼ਾਨ ਦੀਆਂ ਸ੍ਰੀ ਦਰਬਾਰ ਸਾਹਿਬ ਦੀਆਂ ਤਸਵੀਰਾਂ ਜਿਸਨੇ ਡੱਬੀ ਦੀਆਂ ਤੀਲਿਆਂ ਵਾਂਗ ਇਕ ਮਜਬੂਤ ਟੈਂਟ ਉਡਾ ਦਿੱਤਾ | ਗੁਰੂ ਰਾਮਦਾਸ ਜੀ ਦੀ ਕਿਰਪਾ ਨਾਲ ਕਿਸੇ ਸ਼ਰਧਾਲੂ ਨੂੰ ਸੱਟ ਨਹੀਂ ਲੱਗੀ।”

ਸਾਨੂੰ ਇਹ ਵੀਡੀਓ Ludhiana Times ਦੁਆਰਾ ਵੀ ਜੂਨ 23, 2022 ਨੂੰ ਅਪਲੋਡ ਮਿਲੀ। ਵੀਡੀਓ ਰਿਪੋਰਟ ਵਿੱਚ ਇਸ ਨੂੰ 21 ਜੂਨ ਦੀ ਰਾਤ ਨੂੰ ਆਈ ਤੇਜ਼ ਹਵਾ ਦਾ ਦੱਸਿਆ ਗਿਆ ਸੀ।

ਸਾਨੂੰ ਇਹ ਵੀਡੀਓ ਮੀਡਿਆ ਅਦਾਰਾ ਨਿਰਪੱਖ ਪੋਸਟ ਦੁਆਰਾ ਵੀ ਜੂਨ 22, 2022 ਨੂੰ ਅਪਲੋਡ ਮਿਲੀ ਜਿਸ ਤੋਂ ਸਪਸ਼ਟ ਹੁੰਦਾ ਹੈ ਕਿ ਵਾਇਰਲ ਹੋ ਰਹੀ ਵੀਡੀਓ ਹਾਲੀਆ ਨਹੀਂ ਸਗੋਂ 3 ਸਾਲ ਪੁਰਾਣੀ ਹੈ।

Our Sources
Video report published by Nirpakh Post, Dated June 22, 2022
Video report published by Dainik Savera, Dated June 22, 2022