ਜੰਮੂ ਵਿਖੇ ਮਿੰਨੀ ਵੈਨ ਹੜ੍ਹ ਦੇ ਪਾਣੀ ਵਿੱਚ ਰੁੜ ਗਈ?

ਪੰਜਾਬ ਵਿੱਚ ਲਗਾਤਾਰ ਮੀਂਹ ਕਾਰਨ ਪੰਜਾਬ ਦੇ ਕਈ ਜ਼ਿਲ੍ਹਿਆਂ ਵਿੱਚ ਹੜ੍ਹ ਕਾਰਨ ਹਾਲਾਤ ਕਾਫੀ ਬਦਤਰ ਬਣੇ ਹੋਏ ਹਨ। ਹੜ੍ਹ ਦੇ ਕਾਰਨ ਹੜ੍ਹ ਪੀੜਤਾਂ ਦੀ ਮਦਦ ਲਈ ਪੰਜਾਬ ਦੇ ਪਿੰਡਾਂ ਵਿੱਚੋਂ ਲੋੜੀਂਦੀ ਸਮੱਗਰੀ ਇਕੱਠੀ ਕਰ ਕੇ ਹੜ੍ਹ ਪ੍ਰਭਾਵਿਤ ਇਲਾਕਿਆਂ ਵਿੱਚ ਪਹੁੰਚਾਈ ਜਾ ਰਹੀ ਹੈ। ਸਮਾਜਿਕ ਕਾਰਕੁਨ, ਗਾਇਕ , ਸਮਾਜ ਸੇਵੀ ਸੰਸਥਾਵਾਂ ਅਤੇ ਧਾਰਮਿਕ ਸਖ਼ਸ਼ੀਅਤਾਂ ਇਸ ਮੁਸੀਬਤ ਦੀ ਘੜੀ ਦੇ ਵਿੱਚ ਹੜ੍ਹ ਪੀੜਤਾਂ ਦੀ ਮਦਦ ਲਈ ਅੱਗੇ ਆਈਆਂ ਹਨ।

ਇਸ ਵਿਚਾਲੇ ਸੋਸ਼ਲ ਮੀਡਿਆ ਤੇ ਹੜ੍ਹ ਸੰਬੰਧੀ ਕਈ ਦਾਅਵੇ ਵਾਇਰਲ ਹੋ ਰਹੇ ਹਨ। ਸੋਸ਼ਲ ਮੀਡਿਆ ਤੇ ਵਾਇਰਲ ਹੋ ਰਹੀ ਇੱਕ ਵੀਡੀਓ ਦੇ ਵਿੱਚ ਹਰੇ ਰੰਗ ਦੀ ਮਿੰਨੀ ਵੈਨ ਨੂੰ ਪਾਣੀ ਵਿੱਚ ਰੁੜਦਿਆਂ ਦੇਖਿਆ ਜਾ ਸਕਦਾ ਹੈ। ਵੀਡੀਓ ਨੂੰ ਸ਼ੇਅਰ ਕਰ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਵੀਡੀਓ ਜੰਮੂ ਦੀ ਹੈ।

Fact Check/Verification

ਅਸੀਂ ਸੋਸ਼ਲ ਮੀਡਿਆ ਤੇ ਵਾਇਰਲ ਹੋ ਰਹੀ ਵੀਡੀਓ ਨੂੰ ਕੀ ਫਰੇਮ ਵਿੱਚ ਵੰਡਕੇ ਇੱਕ ਫਰੇਮ ਨੂੰ ਰਿਵਰਸ ਇਮੇਜ ਸਰਚ ਕੀਤਾ । ਸਰਚ ਦੜੇ ਦੌਰਾਨ ਸਾਨੂੰ ਵੈਨ ਦੇ ਹੜ੍ਹ ਦੇ ਪਾਣੀ ਵਿੱਚ ਵਹਿ ਜਾਣ ਦਾ ਇਹ ਵੀਡੀਓ ਮਿਲਿਆ ਜੋ ਸਾਲ 2022 ਵਿੱਚ ਵੱਖ-ਵੱਖ ਪਲੇਟਫਾਰਮਾਂ ‘ਤੇ ਸਾਂਝਾ ਕੀਤਾ ਗਿਆ ਸੀ।

ਈਰਾਨੀ ਮੀਡੀਆ ਰਿਪੋਰਟਾਂ

ਜਾਂਚ ਦੌਰਾਨ, ਸਾਨੂੰ ਜੁਲਾਈ 2022 ਵਿੱਚ ਈਰਾਨੀ ਨਿਊਜ਼ ਏਜੰਸੀਆਂ ਮੇਹਰ ਨਿਊਜ਼ , ਅਪਾਰਤ ਅਤੇ ਸ਼ਾਹਰਾ ਨਿਊਜ਼ ਵੈਬਸਾਈਟ ‘ਤੇ ਰਿਪੋਰਟਾਂ ਮਿਲੀਆਂ, ਜਿਨ੍ਹਾਂ ਨੇ ਵੱਖ-ਵੱਖ ਕੋਨਿਆਂ ਤੋਂ ਫਿਲਮਾਏ ਇਸ ਵੀਡੀਓ ਨੂੰ ਪ੍ਰਕਾਸ਼ਿਤ ਕੀਤਾ। ਰਿਪੋਰਟ ਵਿੱਚ ਸਪੱਸ਼ਟ ਤੌਰ ‘ਤੇ ਜ਼ਿਕਰ ਕੀਤਾ ਗਿਆ ਹੈ ਕਿ ਇਹ ਵੀਡੀਓ ਈਰਾਨ ਵਿੱਚ ਆਏ ਹੜ੍ਹਾਂ ਦਾ ਹੈ। ਵੈਨ ਵਿੱਚ ਸਵਾਰ 13 ਇਰਾਕੀ ਨਾਗਰਿਕਾਂ ਵਿੱਚੋਂ 7 ਲੋਕਾਂ ਦੀ ਮੌਤ ਹੋ ਗਈ।

ਸਾਨੂੰ ਇਹ ਵੀਡੀਓ 31 ਜੁਲਾਈ, 2022 ਨੂੰ ਇੰਡੀਪੈਂਡੈਂਟ ਪਰਸ਼ੀਅਨ ਦੇ ਅਧਿਕਾਰਤ ਯੂਟਿਊਬ ਚੈਨਲ ‘ਤੇ ਅਪਲੋਡ ਕੀਤਾ ਗਿਆ ਮਿਲਿਆ। ਇਸ ਨਾਲ ਦਿੱਤੀ ਗਈ ਜਾਣਕਾਰੀ ਦੇ ਮੁਤਾਬਕ, ਇਹ ਘਟਨਾ ਈਰਾਨ ਦੇ ਖੁਰਾਸਾਨ ਰਜ਼ਾਵੀ ਵਿੱਚ ਮਿਆਮੀ ਤੋਂ ਚਿਨਾਰਕ ਜਾਣ ਵਾਲੀ ਸੜਕ ‘ਤੇ ਵਾਪਰੀ ਜਿੱਥੇ ਇੱਕ ਵੈਨ ਵਿੱਚ ਸਵਾਰ 13 ਯਾਤਰੀਆਂ ਵਿੱਚੋਂ 7 ਅਚਾਨਕ ਆਏ ਹੜ੍ਹ ਵਿੱਚ ਮਾਰੇ ਗਏ।

Also read: ਕੀ Bhagwant Mann ਨੇ ਨਵਜੋਤ ਸਿੰਘ ਸਿੱਧੂ ਦਾ ਆਮ ਆਦਮੀ ਪਾਰਟੀ ਵਿੱਚ ਕੀਤਾ ਸਵਾਗਤ?

Conclusion

ਵਾਇਰਲ ਹੋ ਰਿਹਾ ਵੀਡੀਓ ਸਾਲ 2022 ਦਾ ਅਤੇ ਈਰਾਨ ਦੇ ਖੁਰਾਸਾਨ ਦਾ ਹੈ। ਇਸ ਵੀਡੀਓ ਨੂੰ ਜੰਮੂ ਦਾ ਦੱਸਕੇ ਫਰਜ਼ੀ ਦਾਅਵਾ ਸ਼ੇਅਰ ਕੀਤਾ ਜਾ ਰਿਹਾ ਹੈ।

Our Sources

Reports published by Mehr News, Shahrara News and Aparat on July 2022
Video published by YouTube Channel IndyPersian on 31 July 2022