ਅਹਿਮਦਾਬਾਦ ਵਿੱਚ ਹਾਦਸਾਗ੍ਰਸਤ ਹੋਏ ਏਅਰ ਇੰਡੀਆ ਜਹਾਜ਼ ‘ਚ ਮੌਜੂਦ ਗੁਜਰਾਤ ਦੇ ਸਾਬਕਾ ਮੁੱਖ ਮੰਤਰੀ ਵਿਜੇ ਰੁਪਾਨੀ ਦੀ ਇਹ ਆਖਰੀ ਤਸਵੀਰ ਹੈ?

Claim

ਅਹਿਮਦਾਬਾਦ ਵਿੱਚ ਹਾਦਸਾਗ੍ਰਸਤ ਹੋਏ ਏਅਰ ਇੰਡੀਆ ਜਹਾਜ਼ ‘ਚ ਮੌਜੂਦ ਗੁਜਰਾਤ ਦੇ ਸਾਬਕਾ ਮੁੱਖ ਮੰਤਰੀ ਵਿਜੇ ਰੁਪਾਨੀ ਦੀ ਤਸਵੀਰ

Fact Check

ਪੜਤਾਲ ਦੌਰਾਨ ਅਸੀਂ ਪਾਇਆ ਕਿ ਵਾਇਰਲ ਹੋ ਰਹੀ ਤਸਵੀਰ ਦੇ ਵਿੱਚ ਯਾਤਰੀਆਂ ਨੇ ਮਾਸਕ ਪਹਿਨੇ ਹੋਏ ਸਨ ਅਤੇ ਸਾਰੇ ਦੂਰ ਬੈਠੇ ਸਨ ਜੋ ਸਮਾਜਿਕ ਦੂਰੀ ਨੂੰ ਦਰਸਾਉਂਦਾ ਹੈ ਅਤੇ ਇਹ ਤਸਵੀਰ ਕੋਵਿਡ ਮਹਾਂਮਾਰੀ ਦੌਰਾਨ ਲਈ ਗਈ ਹੋ ਸਕਦੀ ਹੈ ਜਦੋਂ 2020, 2021 ਅਤੇ ਇੱਥੋਂ ਤੱਕ ਕਿ 2022 ਤੱਕ ਯਾਤਰਾ ਤੇ ਪਾਬੰਦੀਆਂ ਸਨ।

Also read: ਕੀ Bhagwant Mann ਨੇ ਨਵਜੋਤ ਸਿੰਘ ਸਿੱਧੂ ਦਾ ਆਮ ਆਦਮੀ ਪਾਰਟੀ ਵਿੱਚ ਕੀਤਾ ਸਵਾਗਤ?

ਅਸੀਂ ਪਾਇਆ ਕਿ ਇੱਕ ਯੂਜ਼ਰ, ਮਾਜਿਦ ਲਧਾਨੀ, ਜੋ ਕਿ ਦਮਨ ਦਿਉ ਦੇ ਭਾਜਪਾ ਨੇਤਾ ਹਨ, ਉਹਨਾਂ ਨੇ ਸ਼ੇਅਰ ਕੀਤੀ ਗਈ ਇਸ ਤਸਵੀਰ ਦੇ ਜਵਾਬ ਵਿੱਚ ਕਿਹਾ ਕਿ ਇਹ ਤਸਵੀਰ 2021 ਵਿੱਚ ਲਈ ਗਈ ਸੀ। ਉਹਨਾਂ ਨੇ ਫੇਸਬੁੱਕ ਯੂਜ਼ਰ ਗੋਸਵਾਮੀ ਲੀਨਾ ਦੇ ਫੇਸਬੁੱਕ ਪੋਸਟ ਦਾ ਸਕ੍ਰੀਨਸ਼ਾਟ ਵੀ ਨਾਲ ਨੱਥੀ ਕੀਤਾ। ਲੀਨਾ ਦੀ ਪੋਸਟ ਦੇ ਮੁਤਾਬਕ, ਇਹ ਤਸਵੀਰ 2021 ਦੀ ਹੈ।

ਨਿਊਜ਼ਚੈਕਰ ਨੇ ਲੀਨਾ ਦੇ ਫੇਸਬੁੱਕ ਅਕਾਊਂਟ ਨੂੰ ਖੰਗਾਲਿਆ ਤਾਂ ਸਾਨੂੰ ਉਹਨਾਂ ਦੀ ਪ੍ਰੋਫਾਈਲ ਲਾਕ ਮਿਲੀ, ਜਿਸ ਤੋਂ ਬਾਅਦ, ਅਸੀਂ ਭਾਜਪਾ ਨੇਤਾ ਮਾਜਿਦ ਲਧਾਨੀ ਨਾਲ ਸੰਪਰਕ ਕੀਤਾ। ਲਧਾਨੀ ਨੇ ਨਿਊਜ਼ਚੈਕਰ ਨੂੰ ਦੱਸਿਆ ਕਿ ਲੀਨਾ ਗੋਸਵਾਮੀ ਉਹਨਾਂ ਦੀ ਦੋਸਤ ਹੈ, ਜੋ ਅਹਿਮਦਾਬਾਦ ਵਿੱਚ ਰਹਿੰਦੀ ਹੈ ਅਤੇ ਪੁਸ਼ਟੀ ਕੀਤੀ ਕਿ ਵਾਇਰਲ ਤਸਵੀਰ ਅਕਤੂਬਰ 2021 ਦੀ ਹੈ, ਜਦੋਂ ਉਹ ਲੰਡਨ ਦੀ ਯਾਤਰਾ ‘ਤੇ ਸੀ।

ਭਾਜਪਾ ਨੇਤਾ ਨੇ ਕਿਹਾ ਕਿ ਉਹਨਾਂ ਨੇ ਉਸ ਸਮੇਂ ਵੀ ਫੋਟੋ ਸ਼ੇਅਰ ਕੀਤੀ ਸੀ। ਲਧਾਨੀ ਨੇ ਸਾਨੂੰ ਇਹ ਵੀ ਦੱਸਿਆ ਕਿ ਲੀਨਾ ਗੋਸਵਾਮੀ ਨੇ ਕੱਲ (12 ਜੂਨ) ਨੂੰ ਪੋਸਟ ਕੀਤੀ ਇਸ ਤਸਵੀਰ ਦੇ ਵਾਇਰਲ ਹੋਣ ਤੋਂ ਬਾਅਦ ਹਟਾ ਦਿੱਤੀ। ਉਹਨਾਂ ਨੇ ਇਹ ਵੀ ਦੱਸਿਆ ਕਿ ਲੀਨਾ ਨੇ ਗਲਤੀ ਨਾਲ ਪੋਸਟ ਵਿੱਚ 12 ਜੂਨ, 2021 ਲਿਖ ਦਿੱਤਾ ਸੀ।

Sources
X post, Majid Ladhani, June 12, 2025
Conversation with Majid Ladhani, BJP leader, Daman
(with inputs from Runjay Kumar, Newschecker Hindi)