Authors
Vijayalakshmi leads our Tamil team. She’s worked in the media industry for more than eight years. This includes her work as a senior correspondent for Times Now before joining Newschecker. She turned to fact-checking to create awareness around misinformation through her writing.
Claim: கழுத்தில் சிலுவையுடன் ஜேசன் சஞ்சய்
Fact: வைரலாகும் புகைப்படம் எடிட் செய்யப்பட்டதாகும்.
தவெக தலைவர் விஜய் மகன் ஜேசன் சஞ்சய் கழுத்தில் மிகப்பெரிய சிலுவை அணிந்திருப்பதாகப் புகைப்படம் ஒன்று சமூக வலைத்தளங்களில் பரவி வருகிறது.
“ஆங்கிலேயர்கள் படிக்கும் அமெரிக்கன் பள்ளியில் ஜோசப் விஜய்யின் மகனுக்கு எப்படி இடம் கிடைத்தது?
அமெரிக்கா மற்றும் ஐரோப்பிய நாடுகளில் இருந்து இந்தியா வந்தவர்கள் படிக்கும் பள்ளி தான் அமெரிக்கன் ஸ்கூல். இதில் படிப்பதற்காக விஜய்யின் மகன் ஜேசன் சஞ்சய் UK குடியுரிமை பெற்றுள்ளாராம். அவரை இந்தியர் என்று கூற முடியாது.” என்று இந்த புகைப்படம் பரவுகிறது.
சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.
Also Read: டிரம்ப், எலான் மஸ்க் காவி உடையில் இருப்பதாக பரவும் எடிட் படம்!
Fact Check/Verification
தவெக தலைவர் விஜய் மகன் ஜேசன் சஞ்சய் கழுத்தில் மிகப்பெரிய சிலுவை அணிந்திருப்பதாகப் பரவும் புகைப்படம் குறித்த உண்மையறிய அதுபற்றிய ஆய்வில் ஈடுபட்டோம்.
வைரலாகும் புகைப்படத்தை ரிவர்ஸ் சர்ச் முறைக்கு உள்ளாக்கியபோது கடந்த ஆகஸ்டு 28, 2023 அன்று லைகா தயாரிப்பில் புதிய திரைப்படத்தை இயக்கும் ஜேசன் சஞ்சய் என்று வெளியாகிய செய்தியில் அவரது இப்புகைப்படம் இட்ம்பெற்றுள்ளது.
அதில் இடம்பெற்றுள்ள புகைப்படத்தில் சஞ்சய் கழுத்தில் சிலுவை எதுவும் இடம்பெற்றிருக்கவில்லை. மேலும், லைகா தரப்பில் வெளியிடப்பட்டுள்ள புகைப்படத்திலும் அவருடைய கழுத்தில் எந்த சிலுவையும் இடம்பெறவில்லை.
ஆனால், குறிப்பிட்ட புகைப்படத்தில் அவருக்கு சிலுவை இருப்பது போன்று எடிட் செய்து மதச்சாயம் பூசி இப்புகைப்படத்தை பரப்பி வருகின்றனர்.
Also Read: இளம் பெண் போன்ற ரோபோ சீனத் தெருக்களில் சுற்றித்திரிவதாகப் பரவும் வீடியோ உண்மையா?
Conclusion
தவெக தலைவர் விஜய் மகன் ஜேசன் சஞ்சய் கழுத்தில் மிகப்பெரிய சிலுவை அணிந்திருப்பதாகப் பரவும் புகைப்படம் எடிட் செய்யப்பட்டது என்பது நமக்கு கிடைத்த ஆதாரங்களின் வாயிலாக தெளிவாகியுள்ளது.
ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.
Result: Altered Image
Our Sources
X Post From, Lyca Production, Dated August 28, 2023
(உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.
எங்கள் இணையத்தளத்தில் உள்ள Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்)
Authors
Vijayalakshmi leads our Tamil team. She’s worked in the media industry for more than eight years. This includes her work as a senior correspondent for Times Now before joining Newschecker. She turned to fact-checking to create awareness around misinformation through her writing.
