கூலி திரைப்படத்தில் நடித்து தவறு செய்துவிட்டேன் என்றாரா ஆமீர் கான்?

கூலி திரைப்படத்தில் நடித்து தவறு செய்துவிட்டேன் என்றார் ஆமீர் கான்.

சமூக ஊடகங்களில் வந்த பதிவை இங்கே, இங்கே மற்றும் இங்கே காணலாம்.

சமூக ஊடகங்களில் வந்த பதிவை இங்கே, இங்கே மற்றும் இங்கே காணலாம்.

Also Read: திருச்சி பரப்புரையில் ‘தொட்டபெட்டா ரோட்டு மேல முட்டை பரோட்டா’ பாடலை பாடினாரா விஜய்?

பாலிவுட் நடிகர் ஆமிர் கான் கூலி திரைப்படத்தில் நடித்து தவறு செய்துவிட்டேன் என்று கூறியதாக தகவல் ஒன்று பரவியதை தொடர்ந்து இதுக்குறித்து ஆராய்ந்தோம்.

அதில் இத்தகவல் தவறானது என அறிய முடிந்தது. ஆமீர்கானின் தயாரிப்பு நிறுவனமான ஆமீர் கான் புரொடக்ஷன்ஸின் அதிகாரப்பூர்வ இன்ஸ்டாகிராம் பக்கத்தில் இத்தகவல் தவறானது என மறுப்பு தரப்பட்டுள்ளது.

அந்த மறுப்பில் கூறப்பட்டிருந்ததாவது,

“ஆமீர் கான் கூலி திரைப்படம் குறித்து எந்த நேர்காணலும் வழங்கவில்லை என்பதை அவர் சார்பாக ஆமிர் கான் புரொடக்ஷன்ஸ் அணி திட்டவட்டமாகக் கூற விரும்புகின்றது. சமூக ஊடகங்களில் ஒரு போலி நேர்காணல் சுற்றி வருவதாகத் தெரிகிறது. அதில் ஆமிர் கான் கூலி திரைப்படத்தை விமர்சித்ததாகக் கூறப்படுகிறது. இது ஒரு போலி நேர்காணல்.

ஆமிர் கான் தான் செய்யும் அனைத்து வேலைகள் மீதும் மிகுந்த மதிப்பும் மரியாதையும் கொண்டுள்ளார்.  அவர் தனது வேலைகள் குறித்து குறை பேசுவதில்லை.

உண்மை என்னவெனில் ஆமிர் கான் கூலி திரைப்படத்தை இன்னும் பார்க்கவே இல்லை. ஆமிர் கான் படத்தைப் பார்க்கும்போது லோகேஷ் கனகராஜும் அங்கு இருக்க மிகவும் ஆர்வமாக இருந்தார். ஆனால் ஏதோ ஒரு காரணத்துக்காக இதுவரை அது நடக்கவில்லை.

கூலியின் பிரம்மாண்ட வெற்றி, அப்படத்தில் உழைத்தவர்களின் கனவு மற்றும் கடின உழைப்பை வெளிப்படுத்துகின்றது.

வைரலாகும் இந்த நேர்காணலும், அதில் குறிப்பிட்டுள்ள தகவல்களும் முற்றிலும் பொய்யானவை என தெரிவித்துக்கொள்கின்றோம்.”

Sources
Instagram story by Aamir Khan Productions, dated September 14, 2025