Claim: இறைவன் உருவாக்கிய அற்புத படைப்பு என்று குறிப்பிட்டு வைரலாகும் அழகிய பறவைகள்.

Fact: வைரலாகும் வீடியோவில் இருக்கும் பறவைகள் Ai தொழிற்நுட்பத்தை பயன்படுத்தி உருவாக்கப்பட்டதாகும்.

“இந்த அற்புதமான படைப்பை உருவாக்கிய இறைவனுக்கு, நன்றி இதை காணொளியாகப் பதிவு செய்த அந்த மனிதருக்கும் நெஞ்சம் நிறைந்த வாழ்த்துகள்” என்று குறிப்பிட்டு வீடியோ ஒன்று சமூக வலைத்தளங்களில் பரவி வருகின்றது. அதில் தலையில் குடை போன்ற அமைப்பை உடைய ஜோடி பறவைகள் மஞ்சள் மற்றும் கருப்பு நிறத்தில் காணப்பட்டது.

X Link | Archive Link

Archive Link

Archive Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய இத்தகவல் குறித்து நியூஸ்செக்கர் தமிழ் சார்பில் ஆய்வு செய்ய முடிவு செய்தோம்.

Also Read: ஒன்றிய அரசு ஊழியர்களின் ஓய்வுபெறும் வயது 62ஆக உயர்த்தப்படுகிறதா?

Fact Check/Verification

இறைவன் உருவாக்கிய அற்புத படைப்பு என்று குறிப்பிட்டு தலையில் குடை போன்ற அமைப்பை உடைய  பறவைகளின் வீடியோ ஒன்று பரவியதை தொடர்ந்து அவ்வீடியோ குறித்து ஆராய்ந்தோம்.

வைரலாகும் வீடியோவில் மஞ்சள் மற்றும் கருப்பு நிறத்தில் உடலை உடையை இரண்டு விதமான  ஜோடிப்பறவைகள் இருப்பதை காண முடிந்தது. அதில் மஞ்சள் நிறமுடைய பறவையின் குடைப்போன்ற அமைப்புக்கு மேலிருந்த கூம்பு பகுதியும், கறுப்பு நிறமுடைய பறவையின் குடைப்போன்ற அமைப்பும் அடிக்கடி மறைந்து தோன்றுவதை காண முடிந்தது.

இதனையடுத்து வைரலாகும் வீடியோ Ai தொழிற்நுட்பத்தை பயன்படுத்தி உருவாக்கப்பட்டிக்கின்றதா என அறிய Hive Moderation மற்றும் True Media ஆகிய இணைய கருவிகளை பயன்படுத்தினோம். அதில் இவ்விரு கருவிகளும் வைரலாகும் வீடியோ Ai தொழிற்நுட்பத்தை பயன்படுத்தி உருவாக்கப்பட்டது என உறுதி செய்தன.

 Also Read: விஜய் – அண்ணாமலை சந்திப்பு; வைரலாகும் படம் உண்மையானதா?

Conclusion

இறைவன் உருவாக்கிய அற்புத படைப்பு என்று குறிப்பிட்டு சமூக ஊடகங்களில் பரப்பப்படும் வீடியோவில் உள்ள பறவைகள் உண்மையான பறவைகள் அல்ல; அவை Ai தொழிற்நுட்பத்தை பயன்படுத்தி உருவாக்கப்பட்ட பறவைகளாகும்.

இந்த உண்மையை உரிய ஆதாரங்களுடன் விளக்கியுள்ளோம். ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Result: Altered Video

Our Sources
Hive Moderation
True Media

(உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.

எங்கள் இணையத்தளத்தில் உள்ள  Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்)