பாஜகவை கொச்சைப்படுத்தினால் தொழிலுக்கு பிரச்சனை கொடுப்போம் என்றாரா அண்ணாமலை?

பாஜகவை கொச்சைப்படுத்தினால் தொழிலுக்கு பிரச்சனை கொடுப்போம் என்ற தொனியில்  தமிழக பாஜக தலைவர் அண்ணாமலை பேசியதாக தகவல் ஒன்று சமூக வலைத்தளங்களில் பரவி வருகின்றது.

கர்நாடக அரசின் மேகதாது அணை திட்டத்தை கண்டித்து தமிழக பாஜக சார்பில் கடந்த வியாழனன்று (ஆகஸ்ட் 5) தஞ்சாவூரில் உண்ணாவிரதப் போராட்டம் நடைப்பெற்றது. இப்போராட்டத்தில் தமிழக பாஜகவின் முக்கியத் தலைவர்கள் கலந்துக் கொண்டனர்.

இப்போராட்டத்தில் அண்ணாமலை அவர்கள் பேசும்போது, “தமிழக அரசியலில் யாராவது பாஜகவை கொச்சைப்படுத்தினால் விட மாட்டோம். மீறி பேசினால் அவர்களின் பிசினஸில், அடிப்படையில் கையை வைப்போம். அவர்கள் செய்யும் துரோகத்தை பட்டியலிட்டு பதிலடியை சம்மட்டி அடி போல கொடுப்போம்.”  என்று பேசியதாக ஜூனியர் விகடன் செய்தி ஒன்றை வெளியிட்டிருந்தது.

Archive Link

இந்த செய்தியானது சமூக வலைத்தளங்களில் மிகப்பெரிய அதிர்வலையை ஏற்படுத்தியுள்ளது. ஒரு கட்சி குறித்து நேர்மறையாகவும், எதிர்மறையாகவும் ஒவ்வொருவருக்கும் பலவித கருத்துக்கள் இருக்கும். இதில் எதிர்மறையாக கருத்துக்கள் கூறுவர்களின் தொழிலுக்கு பிரச்சனை தருவோம் என்று கூறுவது சர்வாதிகாரத்தனம் என்று கூறி பலரும் இதுக்குறித்து கருத்துகளைத் தெரிவித்து வருகின்றனர்.

Facebook Link

Facebook Link

Facebook Link

சமூக வலைத்தளங்களில் பரவி வரும் இத்தகவலின் உண்மைத்தன்மைக் குறித்து அறிய, இதுகுறித்து நியூஸ்செக்கர் தமிழ் சார்பில் ஆய்வு செய்ய முடிவு செய்தோம்.

Also Read: அதிகம் பொய் பேசும் நபராக அருணன் முதலிடம்; வைரலாகும் நியூஸ்கார்ட் உண்மையானதா?

Fact Check/Verification

தஞ்சைப் போராட்டத்தில், பாஜகவை கொச்சைப்படுத்தினால் தொழிலுக்கு பிரச்சனை கொடுப்போம் என்ற தொனியில் அண்ணாமலை பேசியதாக தகவல் பரவியதைத் தொடர்ந்து, உண்மையிலேயே அண்ணாமலை இவ்வாறு பேசினாரா என்பது குறித்து தேடினோம்.

நம் தேடலில் “அண்ணாலை அவர் ஹோப்” (Annamalai Our Hope) எனும் யூடியூப் பக்கத்தில் தஞ்சாவூர் உண்ணாவிரதப் போராட்டத்தின் முழு நிகழ்வும் பதிவேற்றம் செய்யப்பட்டிருந்ததைக் காண முடிந்தது.

இதில் அண்ணாமலை அவர்கள் பேசும்போது திமுகவினரையும்,  பாஜகவை விமர்சித்த மற்ற கட்சியினரையும் விமர்சித்து பேசினார். இதில் முக்கியமாக திமுக எம்.பியான தயாநிதி மாறன் அவர்களை மிகவும் கடுமையாக விமர்சித்து பேசினார் அண்ணாமலை.  

என்று  அண்ணாமலை பேசினார்

மேலும் அவர் பேசுகையில்,

என்று அண்ணாமலை பேசினார்.

இதன்மூலம் நமக்கு தெளிவாகுவது என்னவென்றால் பாஜகவை கொச்சைப்படுத்தினால் தொழிலுக்கு பிரச்சனை கொடுப்போம் என்ற தொனியில்  தமிழக பாஜக தலைவர் பேசியதாக பரவும் தகவல் முற்றிலும் தவறானதாகும்.

அண்ணாமலை அவர்கள் தயாநிதிமாறன் அவர்களின் விமர்சனத்துக்கு பதில் விமர்சனம் அளித்துள்ளார். மேலும் பிஸ்னஸில் கை வைத்து அடிப்படை வரை பேசுவோம் என்று பேசியது கூட விவசாயிகளை கொச்சைப்படுத்துபவர்களைத் தானேயொழிய மற்றவர்களை கிடையாது.

Also Read: பாகிஸ்தான் வீரர் அர்ஷத் நதீம் ட்விட்டரில் நீரஜ் சோப்ராவிற்கு வாழ்த்து தெரிவித்தாரா?

Conclusion

பாஜகவை கொச்சைப்படுத்தினால் தொழிலுக்கு பிரச்சனை கொடுப்போம் என்ற தொனியில்  தமிழக பாஜக தலைவர் அண்ணாமலை பேசியதாக பரவும் தகவல் திரித்து பரப்பப்பட்ட தகவல் என்பதை உரிய ஆதாரத்துடன் விளக்கியுள்ளோம்.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Result: Misleading

Our Sources

Annamalai Our hope YouTube Channel video

(உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.

எங்கள் இணையத்தளத்தில் உள்ள  Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்)