Copyright © 2022 NC Media Pvt. Ltd. All Rights Reserved.
Fact Check
பீகார் தேர்தல் முடிவைத் தொடர்ந்து கேரளாவில் காங்கிரஸ் கட்சியினர் ஆர்ப்பாட்டம் என்று பரவும் வீடியோ உண்மையா?
Claim
பீகார் தேர்தல் முடிவைத் தொடர்ந்து கேரளாவில் காங்கிரஸ் கட்சியினர் ஆர்ப்பாட்டம்
Fact
வைரலாகும் வீடியோ கடந்த அக்டோபரில் எடுக்கப்பட்டதாகும். பீகார் தேர்தல் முடிவுகளுடன் தொடர்புடையதல்ல.
பீகார் தேர்தல் முடிவைத் தொடர்ந்து கேரளாவில் காங்கிரஸ் கட்சியினர் ஆர்ப்பாட்டம் என்று வீடியோ ஒன்று சமூக வலைத்தளங்களில் பரவுகிறது.
“பீகாரில் காங்கிரஸ் 20 தொகுதிகளை மட்டுமே வென்றதை பொறுத்துக் கொள்ள முடியாமல். கேரளா காங்கிரஸ் பயங்கரவாதிகள். கேரளாவில் அராஜகத்தில் ஈடுபட்டுள்ளனர் வன்மையாக.கண்டிக்கத்தக்கது” என்று இந்த வீடியோ பரவுகிறது.
சமூக ஊடகங்களில் வெளிவந்த இத்தகவலின் உண்மைத்தன்மை குறித்து அறிய நியூஸ்செக்கர் தமிழ் சார்பில் ஆய்வு செய்ய முடிவு செய்தோம்.
Also Read: ராகுல் காந்தி இளம்பெண் ஒருவருடன் இன்பச்சுற்றுலா சென்றதாகப் பரவும் வீடியோ தகவல் உண்மையா?
Fact Check/Verification
பீகார் தேர்தல் முடிவைத் தொடர்ந்து கேரளாவில் காங்கிரஸ் கட்சியினர் ஆர்ப்பாட்டம் என்று பரவும் வீடியோ குறித்த உண்மையறிய அதுபற்றிய ஆய்வில் ஈடுபட்டோம்.
வைரலாகும் வீடியோவைக் கீ-ப்ரேம்களாகப் பிரித்து ரிவர்ஸ் சர்ச் முறைக்கு உள்ளாக்கியபோது கடந்த அக்டோபரில் இருந்தே இந்த வீடியோ சமூக வலைத்தளங்களில் பரவி வருகிறது என்பதை நம்மால் அறிய முடிந்தது.
ஆனால், பீகார் தேர்தல் முடிவுகள் கடந்த நவம்பர் 14ஆம் தேதியன்றே வெளியானது என்பது குறிப்பிடத்தக்கது.
ஒரு சில பதிவுகளில் இந்த ஆர்ப்பாட்டம் ஷபி பரம்பில் மீதான தாக்குதலுக்கு பிறகானது என்பதாக குறிப்பிடப்பட்டிருந்தாலும் இது தொடர்பான உறுதியான செய்தியை அறிய முடியவில்லை.
விரைவில் அதையும் இங்கே இணைக்கிறோம். எனினும், கடந்த அக்டோபர் மாதமே நடைபெற்ற இந்த நிகழ்வு பீகார் தேர்தல் முடிவுகளுடன் தொடர்பு படுத்தி பரப்பப்படுவது தவறானது என்பது நமக்கு உறுதியாகிறது.
Also Read: அமித் ஷாவின் காலணிகளை ஊடகவியலாளர் நவிகா குமார் துடைத்ததாக பரவும் வீடியோ உண்மையானதா?
Conclusion
பீகார் தேர்தல் முடிவைத் தொடர்ந்து கேரளாவில் காங்கிரஸ் கட்சியினர் ஆர்ப்பாட்டம் என்று பரவும் வீடியோ கடந்த அக்டோபர் முதலே சமூக வலைத்தளங்களில் பரவி வருகிறது என்பது நமக்குக் கிடைத்த ஆதாரங்களின் வாயிலாக தெளிவாகியுள்ளது.
ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.
Sources
Facebook Post by, ChenkodiyudeKaavalkkar, Dated October 12, 2025
Instagram Post by, keraladeservesbetter, Dated October 13, 2025
RESULT
Missing Context
Missing Context
உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91-9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in. என்ற மின்னஞ்சல் முகவரிக்கோ உங்கள் கேள்விகளை அனுப்பலாம். மேலும், எங்கள் இணையத்தளத்தில் உள்ள Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்.
