பாஜக அண்ணாமலையுடன் புகைப்படம் எடுத்துக் கொண்டாரா அஜீத் குமார் மீது புகாரளித்த நிகிதா?

பாஜக முன்னாள் மாநிலத் தலைவர் அண்ணாமலையுடன் புகைப்படம் எடுத்துக்கொண்ட நிகிதா என்று புகைப்படம் ஒன்று சமூக வலைத்தளங்களில் பரவி வருகிறது.

” நிகிதா பாஜக உடன் நெருங்கிய தொடர்பில் இருப்பவர் என்று ஆதாரங்களுடன் செய்திகள் வரத்தொடங்கிவிட்டன… இனி நடுநிலையாளர்கள் !! அஜீத்குமார் படுகொலை குறித்து பேசுவதை வேகமாக நிறுத்துவார்கள்” என்று இந்த புகைப்படம் பரவுகிறது.

X Link

X Link

X Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: சிவகங்கை இளைஞர் அஜித்குமார் மாரடைப்பால் மரணமடைந்தார் என்று மு.க.ஸ்டாலின் கூறினாரா?

Fact Check/Verification

பாஜக முன்னாள் மாநிலத் தலைவர் அண்ணாமலையுடன் புகைப்படம் எடுத்துக்கொண்ட நிகிதா என்று பரவும் புகைப்படத்தகவல் குறித்த உண்மையறிய அதுபற்றிய ஆய்வில் ஈடுபட்டோம்.

வைரலாகும் புகைப்படத்தை ரிவர்ஸ் சர்ச் முறைக்கு கடந்த ஜூன் 4ஆம் தேதியன்று ”பாரதிய ஜனதா கட்சியின் முன்னாள் மாநில தலைவர் என்னோட அன்பு அண்ணன் திரு கே அண்ணாமலை ஐபிஎஸ் இன்று போல் என்றும் பல்லாண்டு காலம் வாழ எம்பெருமான் ஈசனை வேண்டி வாழ்த்துகிறேன் திருவள்ளூர் கிழக்கு மாவட்டம் செயலாளர் பிஜேபி ராஜினி ” என்று இந்த புகைப்படம் இடம்பெற்றிருந்தது.

தொடர்ந்து, அவரது அதிகாரப்பூர்வ சமூக வலைத்தளப்பக்கத்திலும் ” அனைவருக்கும் வணக்கம் பாரதிய ஜனதா கட்சி திருவள்ளூர்கிழக்கு மாவட்டம் மாவட்ட செயலாளர் பிஜேபி ராஜினி அண்ணாமலையுடன் இருப்பது நிகிதா கிடையாது நான் தான் நன்றி” என்று பதிவிட்டு பாலிமர் டிவி செய்தி ஒன்றை இணைத்திருந்தார்.

எனவே, அந்த பாலிமர் டிவி காட்சியை ஆராய்ந்தபோது வைரலாகும் புகைப்படத்தில் இருப்பவர் அவர்தான் என்றும், நிகிதா என்பதாக அவருடைய புகைப்படம் தவறாக பயன்படுத்தப்படுகிறது என்றும் அவர் அளித்திருந்த பேட்டியும் இடம்பெற்றிருந்தது.

Also Read: சிவகங்கை லாக் அப் மரணம்: ஸ்டாலின் ஆட்சியில் உடனடி நடவடிக்கை எடுத்துள்ளனர்; ஈபிஎஸ் ஆட்சி மரணம் இன்னும் விசாரணையில்தான் உள்ளது என்றாரா சீமான்?

Conclusion

பாஜக முன்னாள் மாநிலத் தலைவர் அண்ணாமலையுடன் புகைப்படம் எடுத்துக்கொண்ட நிகிதா என்று பரவும் புகைப்படத்தகவல் தவறானது என்பது நமக்குக் கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.  

Sources
Facebook Post From, Bjp Rajini, Dated June 04, 2025
Facebook Post From, Polimer News, Dated July 04, 2025