மின்கம்பத்தை நடுவில் வைத்து கால்வாய் கட்டப்பட்டதாக பரவும் படம் தமிழகத்தில் எடுக்கப்பட்டதா?

Claim: தமிழகத்தில் மின்கம்பத்தை நடுவில் வைத்து கால்வாய் கட்டப்பட்டதாக பரவும் படம்.

Fact: இச்சம்பவம் தமிழகத்தில் நடக்கவில்லை; யூனியன் பிரதேசமான புதுச்சேரியில் நடந்துள்ளது.

“திராவிட மாடல் அரசில் புதிய தொழில் நுட்பத்தை பயன்படுத்தி கட்டப்பட்ட நவீன கழிவுநீர் கால்வாய் … இதைக் கட்டிய இன்ஜினியருக்கும், இப்படிப்பட்ட புத்திசாலி இன்ஜினியர்களை வைத்திருக்கும் சுடலையின் விடியா அரசுக்கும் பாராட்டுக்கள்” என்று குறிப்பிட்டு புகைப்படம் ஒன்று சமூக வலைத்தளங்களில் பரவி வருகின்றது. அப்படத்தில் மின்கம்பம்  ஒன்றை நடுவில் வைத்து கழிவுநீர் கால்வாய் கட்டப்பட்டதாக இருந்தது.

Facebook Link | Archive Link

Archive Link

Archive Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: டிரம்ப், எலான் மஸ்க் காவி உடையில் இருப்பதாக பரவும் எடிட் படம்!

Fact Check/Verification

தமிழகத்தில் மின்கம்பத்தை நடுவில் வைத்து கால்வாய் கட்டப்பட்டதாக புகைப்படம் ஒன்று பரவியதை தொடர்ந்து, அப்படத்தை ரிவர்ஸ் சர்ச் முறைக்கு உட்படுத்தி அப்படம் குறித்து தேடினோம்.

இத்தேடலில் தமிழ் ஸ்பார்க் எனும் இணைய ஊடகத்தில் வைரலாகும் இப்படம் குறித்து செய்தி வெளியிடப்பட்டிருந்ததை காண முடிந்தது. அச்செய்தியில் மின்கம்பத்தை நடுவில் வைத்து கால்வாய் கட்டப்பட்ட இச்சம்பவம் புதுச்சேரி உறுவையாறு பகுதியில் நடந்ததாக தெரிவிக்கப்பட்டிருந்தது.

தொடர்ந்து தேடுகையில் தந்தி தொலைக்காட்சியிலும் இச்சம்பவம் புதுச்சேரியில்  நடந்ததாக செய்தி வெளியிடப்பட்டிருந்ததை காண முடிந்தது.

Also Read: இளம் பெண் போன்ற ரோபோ சீனத் தெருக்களில் சுற்றித்திரிவதாகப் பரவும் வீடியோ உண்மையா?

Conclusion

தமிழகத்தில் மின்கம்பத்தை நடுவில் வைத்து கால்வாய் கட்டப்பட்டதாக பரவும் தகவல் தவறானதாகும். உண்மையில் இச்சம்பவம் தமிழகத்தை ஒட்டிய யூனியன் பிரதேசமான புதுச்சேரியில் நடந்துள்ளது. இந்த உண்மையானது கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Result: False

Our Sources
Report from Tamil Spark, Dated November 06, 2024
Report from Thanthi TV, Dated November 03, 2024

உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.

எங்கள் இணையத்தளத்தில் உள்ள  Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்