டெல்லி சட்டமன்றத் தேர்தலுக்கான கருத்துக் கணிப்பை வெளியிட்டதா புதியதலைமுறை?

Claim: டெல்லி சட்டமன்றத் தேர்தலுக்கான கருத்துக் கணிப்பை வெளியிட்ட புதியதலைமுறை

Fact: வைரலாகும் நியூஸ்கார்ட் போலியாக எடிட் செய்யப்பட்டு பரவுகிறது.

டெல்லி சட்டமன்றத் தேர்தலுக்கான கருத்துக் கணிப்பை வெளியிட்ட புதியதலைமுறை என்பதாக NewsTamil 24×7 நியூஸ்கார்ட் ஒன்று சமூக வலைத்தளங்களில் பரவி வருகிறது.

” புதிய தருதலை டெல்லி தேர்தலுக்கு தமிழகத்தில கருத்துக்கணிப்பு எடுத்திருப்பான் போல… அவன் ஒரு திராவிட கொத்தடிமை என்பதை தினம் தினம் நிரூபிக்க வேண்டிய கட்டாயத்தில் இருக்கிறான் போல… காங்கிரசு 59_60 இடமாம் இவனைபோல ஒரு கொத்தடிமை உண்டா” என்று இந்த நியூஸ்கார்ட் பரவுகிறது.

X Link/Archived Link

Facebook Link/Archived Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: கலைஞரை கூட விமர்சியுங்கள்; பெரியாரை விமர்சிக்க வேண்டாம் என்றாரா முதலமைச்சர் மு.க.ஸ்டாலின்?

Fact Check/Verification

டெல்லி சட்டமன்றத் தேர்தலுக்கான கருத்துக் கணிப்பை வெளியிட்ட புதியதலைமுறை என்று பரவும் NewsTamil 24×7  நியூஸ்கார்ட் குறித்த உண்மையறிய அதுபற்றிய ஆய்வில் ஈடுபட்டோம்.

வைரலாகும் கருத்துக்கணிப்பு நியூஸ்கார்டில் புதியதலைமுறை சேனலின் கருத்துக்கணிப்பு எண்ணிக்கை இடம்பெற்றிருந்த பகுதி மட்டும் வித்தியாசமாக காணப்பட்டது. எனவே,  NewsTamil 24×7 இதுபோன்ற டெல்லி தேர்தல் கருத்துக்கணிப்புகள் குறித்த நியூஸ்கார்டினை வெளியிட்டுள்ளதா என்று ஆராய்ந்தோம்.

அப்போது, அவர்களுடைய சமூக வலைத்தளப்பக்கத்தில் Times Now, NDTV உள்ளிட்ட ஊடகங்கள் வெளியிட்டிருந்த கருத்துக்கணிப்பு தொகுப்பு அடங்கிய இந்த நியூஸ்கார்ட் இடம்பெற்றிருந்தது.

ஆனால், வைரலாகிய நியூஸ் கார்டில் புதியதலைமுறையின் கருத்துக்கணிப்பு முடிவுகள் இடம்பெற்றுள்ள இடத்தில் உண்மையான நியூஸ்கார்டில் CNN சேனலின் தேர்தல் கணிப்பு முடிவுகள் இடம்பெற்றிருந்தது.

குறிப்பிட்ட நியூஸ்கார்டினை எடுத்தே அதில் புதியதலைமுறை வெளியிட்ட டெல்லி தேர்தல் கருத்துக்கணிப்பு என்று எடிட் செய்துள்ளனர் என்பதை அறிய முடிந்தது.

மேலும், இதுகுறித்து புதியதலைமுறை டிஜிட்டல் பிரிவு பொறுப்பாளர் இவானியைத் தொடர்பு கொண்டு கேட்டபோது, “வைரலாகும் கருத்துக்கணிப்பு போலியானது; நாங்கள் அவ்வாறு டெல்லி தேர்தல் குறித்து எந்த கணிப்பையும் வெளியிடவில்லை.நாங்களும் மற்ற சேனல்கள் வெளியிட்டுள்ள கருத்துக்கணிப்பை மட்டுமே செய்தியாக வெளியிட்டுள்ளோம்” என்று தெளிவுபடுத்தினார்.

Also Read: பட்ஜெட் தொடங்கும் முன்பே எதிர்க்கட்சி எம்.பி.க்கள் கேண்டீன் சென்றதாக பரவும் தகவல் உண்மையானதா?

Conclusion

டெல்லி சட்டமன்றத் தேர்தலுக்கான கருத்துக் கணிப்பை வெளியிட்ட புதியதலைமுறை என்று பரவும் NewsTamil 24×7  நியூஸ்கார்ட் எடிட் செய்யப்பட்டு பரவுகிறது என்பது நமக்குக் கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Result: Altered Image

Our Sources
Facebook post by NewsTamil 24×7 , Dated February 05, 2025
Phone Conversation with, Ivani Puthiyathalaimurai Digital, Dated February 06, 2025

(உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.

எங்கள் இணையத்தளத்தில் உள்ள  Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்)