தந்தையும் மகனும் ஒரே பெண்ணை மணந்ததாக பரவும் வீடியோத்தகவல் உண்மையானதா?

Claim: தந்தையும் மகனும் ஒரே பெண்ணை மணந்தனர்.

Fact: வைரலாகும் வீடியோ ஒரு புனைவு வீடியோவாகும்.

“நம்ம நாடு எங்கே சென்று கொண்டுருக்கிறது.. தந்தைக்கும் மகனுக்கும் ஒரே மனைவி” என்று குறிப்பிட்டு வீடியோ ஒன்று சமூக வலைத்தளங்களில் பரவி வருகின்றது.

X Link | Archive Link

Archive Link

Archive Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய இத்தகவல் குறித்து நியூஸ்செக்கர் தமிழ் சார்பில் ஆய்வு செய்ய முடிவு செய்தோம்.

Also Read: 2026 தேர்தல் தொடர்பாக உதயநிதி-அண்ணாமலை ரகசிய சந்திப்பு; வைரலாகும் தகவல் உண்மையானதா?

Fact Check/Verification

தந்தையும் மகனும் ஒரே பெண்ணை மணந்ததாக பரப்பப்படும் வீடியோவின் 7 ஆவது நொடியில் அவ்வீடியோவானது பொழுதுப்போக்குக்காக உருவாக்கப்பட்டது என்ற அறிவிப்பு வருவதை காண முடிந்தது. அந்த அறிவிப்பில் ‘கன்னையா சிங்’ என்ற பெயரும் இடம்பெற்றிருந்தது.

இதனையடுத்து வைரலாகும் வீடியோவை தனித்தனி கீஃபிரேம்களாக பிரித்து, அவற்றை ரிவர்ஸ் சர்ச் முறைக்கு உட்படுத்தி, அவ்வீடியோ குறித்து தேடினோம். இத்தேடலில் ‘Kanhiyakashyap02’ என்கிற பயனர் ஐடியை கொண்ட ஃபேஸ்புக் பக்கத்தில் வைரலாகும் இதே வீடியோவை நவம்பர் 05, 2024 அன்று பகிர்ந்திருப்பதை காண முடிந்தது.

அவ்வீடியோவின் 7 ஆவது நொடியில் அவ்வீடியோவானது சித்தரிக்கப்பட்ட வீடியோ என தெளிவுப்படுத்தி இருப்பதையும் காண முடிந்தது. 

இந்த ஃபேஸ்புக் பக்கத்தில் இதுபோன்ற சித்தரிப்பு வீடியோக்கள் தொடர்ந்து பகிர்ந்து வரப்படுவதையும் காண முடிந்தது. இப்பக்கத்தின் முகப்பில் பிராங்க் மற்றும் எக்ஸ்போஸ் வீடியோக்கள் பகிரப்படுவதாக தெரிவிக்கப்பட்டிருந்தது.

தொடர்ந்து தேடுகையில் ‘Kanhaiya Singh shorts‘ என்கிற யூடியூப் பக்கத்திலும் நவம்பர் 10, 2024 அன்று பொழுதுப்போக்கு வீடியோ என்ற அறிவிப்புடன் வைரலாகும் வீடியோ பதிவிடப்பட்டிருந்ததை காண முடிந்தது.

இந்த யூடியூப் பக்கத்தின் முகப்பு பக்கத்திலும் பிராங்க் மற்றும் எக்ஸ்போஸ் வீடியோக்கள் பகிரப்படுவதாக தெரிவிக்கப்பட்டிருந்தது.

கிடைத்த ஆதாரங்களின்படி பார்க்கையில் வைரலாகும் வீடியோவில் காணப்படும் சம்பவம் உண்மையானதல்ல, பொழுதுப்போக்குக்காக உருவாக்கப்பட்ட புனைவு சம்பவம் என்பது தெளிவாகின்றது.

 Also Read: குத்துச்சண்டை வீரர் மைக் டைசன் பாலஸ்தீன கொடியுடன் இருப்பதாகப் பரவும் AI புகைப்படம்!

Conclusion

தந்தையும் மகனும் ஒரே பெண்ணை மணந்ததாக பரப்பப்படும் வீடியோ சித்தரிக்கப்பட்ட ஒரு புனைவு வீடியோவாகும். இந்த உண்மையை உரிய ஆதாரங்களுடன் விளக்கியுள்ளோம்.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Result: Partly False

Our Sources
Facebook Video by Kanhiyakashyap02 on November 5,2024
YouTube video by Kanhaiya Singh Shorts on November 10,2024
Self Analysis

இச்செய்தியானது நியூஸ்செக்கர் மலையாளத்தில் ஏற்கனவே பிரசுரமாகியுள்ளது.    

(உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.

எங்கள் இணையத்தளத்தில் உள்ள  Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்)