Newchecker.in is an independent fact-checking initiative of NC Media Networks Pvt. Ltd. We welcome our readers to send us claims to fact check. If you believe a story or statement deserves a fact check, or an error has been made with a published fact check
Contact Us: checkthis@newschecker.in
Fact Check
Claim: இஸ்ரேலிய பிரதமர் பெஞ்சமின் நெதன்யாகு பாராளுமன்றத்தில் தாக்கப்பட்டார்.
Fact: இத்தகவல் தவறானதாகும். வைரலாகும் வீடியோவில் காணப்படும் நிகழ்வு 2013 ஆம் ஆண்டில் பல்கேரியாவில் நடந்ததாகும். பல்கேரிய நாட்டில் இயங்கும் ஒரு அரசியல் கட்சித் தலைவருக்கு எதிராக இச்சம்பவம் நடந்துளது.
இஸ்ரேலிய பாராளுமன்றத்தில் இஸ்ரேலிய பிரதமர் பெஞ்சமின் நெதன்யாகு பாராளுமன்ற உறுப்பினர் (கெனசட்) ஒருவரால் தாக்கப்பட்டதாக கூறி வீடியோ ஒன்று சமூக ஊடகங்களில் பரவி வருகின்றது.
சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.
Also Read: பெஞ்சல் புயலில் மக்கள் தவிக்கும்போது ஈபிஎஸ் திருமண விருந்தில் கலந்துக்கொண்டாரா?
இஸ்ரேலிய பிரதமர் நெதன்யாகு பாராளுமன்றத்தில் தாக்கப்பட்டதாக பரப்பப்படும் வீடியோவை தனித்தனி கீஃபிரேம்களாக பிரித்து, அவற்றை ரிவர்ஸ் சர்ச் முறைக்கு உட்படுத்தி, வைரலாகும் வீடியோ குறித்து தேடினோம்.
இத்தேடலில் ‘ஆன் டிமாண்ட் நியூஸ்’ எனும் யூடியூப் பக்கத்தில் பல்கேரிய நாட்டின் அரசியல் கட்சித் தலைவர் அகமது தோகன் தொலைக்காட்சி கூட்டம் ஒன்றில் பங்குப்பெற்றிருக்கும்போது, அவர் முன் பொதுமக்களில் ஒருவர் துப்பாக்கியுடன் வந்ததாக கூறி வைரலாகும் இவ்வீடியோவை பதிவிட்டிருந்ததை காண முடிந்தது. இவ்வீடியோவானது 2013 ஆம் ஆண்டு ஜனவரியில் பதிவிடப்பட்டிருந்தது.
தொடர்ந்து தேடுகையில் அசோஸியேட்டட் பிரஸ் யூடியூப் பக்கத்திலும் இதே வீடியோ இதே தகவலுடன் பதிவிடப்பட்டிருந்ததை காண முடிந்தது.
தொடர்ந்து தேடுகையில் இந்த குற்ற செயலில் ஈடுபட்டவர் பெயர் ஓக்தாய் எனிமேமெதாவ் என்றும், அவர் பயன்படுத்திய துப்பாக்கியில் உண்மை குண்டு இல்லாமல் பெப்பர் ஸ்பிரேவும் ஒலியை எழுப்பும் இரண்டு குண்டுகளுமே இருந்ததாக தி கார்டியன் வெளியிட்டிருந்த செய்தியின் வாயிலாக அறிய முடிந்தது.
கிடைத்த ஆதாரங்களின்படி பார்க்கையில் தெளிவாகுவது யாதெனில்,
Also Read: சென்னை வெள்ளநீரில் அறுந்து விழுந்து எரியும் மின்சார கம்பி என்று பரவும் வீடியோ உண்மையா?
இஸ்ரேலிய பிரதமர் பெஞ்சமின் நெதன்யாகு பாராளுமன்றத்தில் தாக்கப்பட்டதாக பரப்பப்படும் தகவல் தவறானதாகும். இந்த உண்மையானது கிடைத்த ஆதாரங்களின் வாயிலாக தெளிவாகியுள்ளது.
ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.
Our Sources
YouTube Video By @OnDemandNew, Dated January 19, 2013
YouTube Video By AP, Dated January 19, 2013
Report By The Guardian, Dated January 20, 2013
இந்த செய்தியானது நியூஸ்செக்கர் ஆங்கிலத்தில் ஏற்கனவே பிரசுரமாகியுள்ளது.
உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.
எங்கள் இணையத்தளத்தில் உள்ள Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்
