Claim: ஸ்டாலின் ஆட்சியில் ரேஷன் கடையில் முறைகேடு நடப்பதாக பரவும் வீடியோ.
Fact: வைரலாகும் வீடியோ கடந்த 2017 ஆம் ஆண்டிலிருந்தே சமூக ஊடகங்களில் பரவி வருவதை காண முடிகின்றது. இவ்வீடியோவுக்கும் நடந்துக்கொண்டிருக்கும் திமுக ஆட்சிக்கும் எவ்வித தொடர்புமில்லை.
“பல எலைட் மக்கள் ரேஷன் பொருட்களே வாங்குறதில்ல அந்த அரிசியை கூட இவங்க எடுத்துக்கலாம். ஆனால் அதையும் மீறி விடியா திமுக ஸ்டாலின் ஆட்சியில் அடிதட்டு மக்களோட வயித்துல அடிக்கிறாங்க… அப்ப இதுதான் அந்த ஸ்டாலின் மாடலா ?!!? ரேஷன் கடையில் எடை போடுபவரின் கையில் பாருங்கள்” என்று குறிப்பிட்டு வீடியோ ஒன்று சமூக ஊடகங்களில் பரவி வருகின்றது.
சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.
Also Read: கலைஞரை கூட விமர்சியுங்கள்; பெரியாரை விமர்சிக்க வேண்டாம் என்றாரா முதலமைச்சர் மு.க.ஸ்டாலின்?
Fact Check/Verification
ஸ்டாலின் ஆட்சியில் ரேஷன் கடையில் முறைகேடு நடப்பதாக வீடியோ ஒன்று பரவியதை தொடர்ந்து, அவ்வீடியோவை தனித்தனி கீஃபிரேம்களாக பிரித்து, அவற்றை ரிவர்ஸ் சர்ச் முறைக்கு உட்படுத்தி, அவ்வீடியோ குறித்து தேடினோம்.
இத்தேடலில் Isaac K Victor எனும் பயனர் ஐடியை கொண்ட ஃபேஸ்புக் பக்கத்தில் ஆகஸ்ட் 04, 2017 அன்று இதே வீடியோ பகிரப்பட்டிருந்ததை காண முடிந்தது.
தொடர்ந்து தேடுகையில் மேலும் சிலர் 2017 ஆகஸ்டில் இவ்வீடியோவை அவர்களது சமூக ஊடகப் பக்கங்களில் பகிர்ந்திருந்ததை காண முடிந்தது. அப்பதிவுகளை இங்கே, இங்கே மற்றும் இங்கே காணலாம்.
இதனையடுத்து தேடுகையில் அக்டோபர் 06, 2019 அன்று ஜெயா பிளஸ் யூடியூப் பக்கத்த்தில் இவ்வீடியோ குறித்து செய்தி வெளிவந்திருப்பதை காண முடிந்தது.
கிடைத்த ஆதாரங்களின்படி பார்க்கையில் 2017 ஆம் ஆண்டிலிருந்தே வைரலாகும் இவ்வீடியோ சமூக ஊடகங்களில் பரவி வருவதை காண முடிகின்றது. ஆனால் ஸ்டாலின் தலைமையிலான திமுக ஆட்சி 2021 ஆம் ஆண்டே பொறுப்புக்கு வந்தது. ஆகவே ஸ்டாலினின் ஆட்சியில் இச்சம்பவம் நடந்ததாக பரப்பப்படும் தகவல் முற்றிலும் தவறானது என்பது உறுதியாகின்றது.
Also Read: பட்ஜெட் தொடங்கும் முன்பே எதிர்க்கட்சி எம்.பி.க்கள் கேண்டீன் சென்றதாக பரவும் தகவல் உண்மையானதா?
Conclusion
ஸ்டாலின் ஆட்சியில் ரேஷன் கடையில் முறைகேடு நடப்பதாக சமூக ஊடகங்களில் பரவும் வீடியோ தவறானதாகும். அவ்வீடியோவானது ஸ்டாலின் முதலமைச்சராக ஆவதற்கு முன், 2017 ஆம் ஆண்டிலிருந்தே சமூக ஊடகங்களில் பரவி வருகின்றது.
இந்த உண்மையானது நமக்குக் கிடைத்த ஆதாரங்களின் வாயிலாக தெளிவாகியுள்ளது. ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.
Result: Partly False
Our Sources
Facebook post from the user, Isaac K Victor, Dated August 04, 2017
Youtube video from Jaya Plus, Dated October 06, 2019
உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.
எங்கள் இணையத்தளத்தில் உள்ள Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்
