புதுப்பேட்டை பட பாணியில் பின்புறம் நின்ற பெண்ணுக்கு தாலி கட்டிய மணமகன் என்று பரவும் வீடியோ உண்மையா?

Claim: புதுப்பேட்டை பட பாணியில் திருமணத்தில் Twist.. Girl Bestie மீது பாய்ந்து தாலி கட்டிய மாப்பிள்ளை

Fact: இத்தகவல் தவறானதாகும். வைரலாகும் வீடியோ சீரியல் காட்சியாகும்.

புதுப்பேட்டை பட பாணியில் பின்புறம் நின்ற பெண்ணுக்கு மணமகளுக்கு பதிலாக தாலி கட்டிய மணமகன் என்று வீடியோ ஒன்று சமூக வலைத்தளங்களில் பரவி வருகிறது.

”புதுப்பேட்டை பட பாணியில் திருமணத்தில் Twist.. Girl Bestie மீது பாய்ந்து தாலி கட்டிய மாப்பிள்ளை,
வேறொரு பெண்ணின் கழுத்தில் தாலி கட்டியதன் மூலம் மணப்பெண்ணை நம்ப வைத்து ஏமாற்றி விட்டார் அந்த மாப்பிள்ளை. இதெல்லாம் எவ்வளவு பெரிய பாவம் தெரியுமா? வேறொரு பெண்ணை விரும்பி இருந்தால் இந்த கல்யாணத்திற்கு ஏன் ஒப்புதல் அளித்திருக்க வேண்டும்?” என்று இந்த வீடியோ பரவுகிறது.

X Link/Archived Link

X Link/Archived Link

X Link/Archived Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.      

Also Read: உதயநிதிக்கு துணை முதல்வர் பதவி அளித்தது பலருக்கு உடன்பாடில்லை என்றாரா திருச்சி சிவா?

Fact Check/Verification

புதுப்பேட்டை பட பாணியில் பின்புறம் நின்ற பெண்ணுக்கு தாலி கட்டிய மணமகன் என்று பரவும் வீடியோ குறித்த உண்மையறிய அதுபற்றிய ஆய்வில் ஈடுபட்டோம்.

வைரலாகும் வீடியோவைக் கீ-ப்ரேம்களாகப் பிரித்து ரிவர்ஸ் சர்ச் முறைக்கு உள்ளாக்கியபோது அக்காட்சி Muthyamantha Muddu என்கிற ZEE Telugu சீரியலில் வெளியான காட்சி என்பதை நம்மால் அறிய முடிந்தது.

கடந்த ஜூன் 07, 2024 அன்று இக்காட்சி அவர்களுடைய அதிகாரப்பூர்வ யூடியூப் பக்கத்தில் “Govind ties ‘mangalsutram’ to Geetha” என்று எபிசோட் 112 காட்சியாக பதிவிடப்பட்டுள்ளது. கடந்த வருடம் பதிவிடப்பட்டிருந்தாலும் கூட இந்த சீரியல் கடந்த 2021ஆம் ஆண்டு ஆரம்பிக்கப்பட்டதாகும்.

வைரலாகிய காட்சி படமாக்கப்படும்போது அங்கிருந்த ஒருவர் இக்காட்சியை செல்போனில் படம்பிடித்து சமூக வலைத்தளத்தில் பகிர்ந்துள்ளார்.

அந்த வீடியோவே உண்மை நிகழ்வு என்பதாக செய்தி ஊடகங்களில் வெளியிடப்பட்டு தற்போது மீண்டும் பரவி வருகிறது.

Also Read: மண்டபத்தில் செட் போட்டு மருத்துவமனையில் ஆய்வு நடத்தியதாக பொய்யுரைத்தாரா ஸ்டாலின்?

Conclusion

புதுப்பேட்டை பட பாணியில் பின்புறம் நின்ற பெண்ணுக்கு தாலி கட்டிய மணமகன் என்று பரவும் வீடியோ, சீரியல் ஒன்றின் காட்சி என்பது நமக்கு கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Result: False

Our Sources
YouTube Video From, Zee Telugu Classics, Dated June 07, 2024

(உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.

எங்கள் இணையத்தளத்தில் உள்ள  Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்)