பாஜகவின் இடைத்தேர்தல் தோல்வியைக் கொண்டாடும் தமிழிசை என்று பரவும் நியூஸ்கார்ட் உண்மையா?

Claim: பாஜக தோல்வியை வெடி வெடித்து கொண்டாடும் தமிழிசை செளந்தராஜன்

Fact: வைரலாகும் நியூஸ்கார்ட் போலியாக பரவி வருகிறது.

பாஜகவின் ஜார்க்கண்ட், வயநாடு உள்ளிட்ட இடைத்தேர்தல் களங்களின் தோல்வியைக் கொண்டாடும் தமிழிசை செளந்தரராஜன் என்று நியூஸ்கார்ட் ஒன்று சமூக வலைத்தளங்களில் பரவி வருகிறது.

”ஜார்க்கண்ட்டில் தோல்வி வயநாட்டில் தோல்வி கர்நாடகா அனைத்து இடைத்தேர்தல்களில் பாஜக தோல்வி அடைந்த நிலையில் அதை கொண்டாடும் பாஜக மூத்த தலைவர் தமிழிசை” என்று இந்த நியூஸ்கார்ட் பரவி வருகிறது.

Facebook Link/Archived Link

Facebook Link/Archived Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: ராகுல் காந்தியை தேசத்துரோகி என்றாரா டிரம்ப்?

Fact Check/Verification

பாஜகவின் இடைத்தேர்தல் களங்களின் தோல்வியைக் கொண்டாடும் தமிழிசை என்று பரவும் நியூஸ்கார்ட் குறித்த உண்மையறிய அதுபற்றிய ஆய்வில் ஈடுபட்டோம்.

வைரலாகும் நியூஸ்கார்ட் புதியதலைமுறை பெயரில் பரவும் நிலையில் அவர்களுடைய அதிகாரப்பூர்வ சமூக வலைத்தளப்பக்கத்தில் ஆராய்ந்தோம்.

அப்போது அவர்களுடைய சமூக வலைத்தளப்பக்கத்தில், “மஹாராஷ்டிரா தேர்தலில் தொடர்ந்து முன்னிலை பாஜக கூட்டணி உள்ள நிலையில், வெற்றிக் கொண்டாட்டத்தில் பாஜக மூத்த தலைவர் தமிழிசை சௌந்தரராஜன்” என்று நியூஸ்கார்ட் வெளியிட்டிருந்ததைக் காண முடிந்தது.

தொடர்ந்து, இதுகுறித்து புதியதலைமுறை டிஜிட்டல் பிரிவு பொறுப்பாளர் இவானியைத் தொடர்பு கொண்டு கேட்டபோது, “வைரலாகும் நியூஸ்கார்ட் போலியாக எடிட் செய்யப்பட்டு பரவுகிறது” என்று உறுதி செய்தார்.

Also Read: மின்கம்பத்தை நடுவில் வைத்து கால்வாய் கட்டப்பட்டதாக பரவும் படம் தமிழகத்தில் எடுக்கப்பட்டதா?

Conclusion

பாஜகவின் இடைத்தேர்தல் களங்களின் தோல்வியைக் கொண்டாடும் தமிழிசை என்று பரவும் நியூஸ்கார்ட் எடிட் செய்யப்பட்டது என்பது  நமக்கு கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Result: Altered Image 

Our Sources
Instagram post from Puthiyathalaimurai, Dated November 23, 2024

(உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.

எங்கள் இணையத்தளத்தில் உள்ள  Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்)