‘ஊழலை விட பாஜக எதிர்ப்பே முக்கியமானது’ என்றாரா திருமாவளவன்?

ஊழலை விட பாஜக எதிர்ப்பே முக்கியமானது என்று விடுதலை சிறுத்தைகள் கட்சி தலைவர் திருமாவளவன் கூறியதாக நியூஸ்கார்ட் ஒன்று சமூக வலைத்தளங்களில் பரவி வருகின்றது.

பொங்கல் ஊழல் என்று சொல்லி வழக்கு போட்டு, அதை சிபிஐக்கு மாற்றி திமுக ஆட்சியை கலைக்க நினைக்கிறது பாஜக. ஊழலைவிட மதவாதம்தான் எங்களுக்கு முக்கிய பிரச்சனை. ஆகவே ஊழலைவிட பாஜக எதிர்ப்பே முக்கியமானது என்று விசிக தலைவர் திருமாவளவன் பேசியதாக நியூஸ்கார்ட் ஒன்று பரவி வருகின்றது.

Facebook Link

Facebook Link

Facebook Link

Also Read: பாஜக வெல்லும் இடங்களில் மாட்டிறைச்சிக்கு தடை; வைரலாகும் நியூஸ்கார்ட் உண்மையானதா?

சமூக வலைத்தளங்களில் பரவி வரும் இத்தகவலின் உண்மைத்தன்மைக் குறித்து அறிய இத்தகவல் குறித்து நியூஸ்செக்கர் தமிழ் சார்பில் ஆய்வு செய்ய முடிவு செய்தோம்.

Fact Check/Verification

ஊழலை விட பாஜக எதிர்ப்பே முக்கியமானது என்று விசிக தலைவர் திருமாவளவன் கூறியதாக நியூஸ்கார்ட் ஒன்று வைரலானதைத் தொடர்ந்து இதுகுறித்த ஆய்வில் ஈடுபட்டோம்.

திருமாவளவன் இவ்வாறு கூறினாரா என்பதை உறுதி செய்ய அவரது  அதிகாரப் பூர்வ சமூக ஊடகப் பக்கங்களிலும் பொது ஊடகங்களிலும் இதுக்குறித்து தேடினோம். இதில் மேற்கண்ட தகவலை அவர் கூறியதாக எந்த ஒரு செய்தியும் கிடைக்கவில்லை.

இதனைத் தொடர்ந்து விசிக துணைப் பொதுச் செயலாளர் வன்னி அரசைத் தொடர்பு கொண்டு வைரலாகும் தகவல் குறித்து கேட்டதற்கு, இத்தகவல் பொய்யானது என விளக்கமளித்தார்.

இதனையடுத்து தந்தி தொலைக்காட்சியின் நியூஸ்கார்ட் டெம்ப்ளேட்டை பயன்படுத்தி இத்தகவல் பரப்பப்படுவதால், இந்த நியூஸ்கார்டை தந்தி தொலைக்காட்சி வெளியிட்டுள்ளதா என அதன் சமூக ஊடகப் பக்கங்களில் தேடினோம். இதில் தந்தி தொலைக்காட்சி வைரலாகும் நியூஸ்கார்டை வெளியிட்டதற்கான எந்த தரவும் கிடைக்கவில்லை.

இதனையடுத்து தந்தி தொலைக்காட்சியின் டிஜிட்டல் துறையினரைத் தொடர்புக்கொண்டு வைரலாகும் நியூஸ்கார்ட் குறித்து கேட்டோம். இதற்கு அவர்கள், ”இது பொய்யான நியூஸ்கார்ட், இதை நாங்கள் வெளியிடவில்லை.” என்று விளக்கமளித்தனர்.

Also Read: காவல்துறை தலைமை காவலர் முதலமைச்சருக்கு எழுதியதாக பரவும் போலி புகார் கடிதம்!

Conclusion

ஊழலை விட பாஜக எதிர்ப்பே முக்கியமானது என்று விசிக தலைவர் திருமாவளவன் கூறியதாக பரவும் நியூஸ்கார்ட் போலியானதாகும். இதனை உரிய ஆதாரங்களுடன் விளக்கியுள்ளோம்.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Result: Fabricated

Our Sources

Thanthi Tv

Vanni Arasu, VCK

(உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.

எங்கள் இணையத்தளத்தில் உள்ள  Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்)