தவெக துண்டுடன் போதை பழக்கத்தை ஆதரித்து ரீல்ஸ் செய்த இளைஞர்; வைரலாகும் வீடியோ உண்மையானதா?

தவெக துண்டுடன் போதை பழக்கத்தை ஆதரித்து ரீல்ஸ் செய்த இளைஞர்.

சமூக ஊடகங்களில் வந்த பதிவை இங்கே, இங்கே, மற்றும் இங்கே காணலாம்.

Also Read: RSS நபர் ஒருவர் அமெரிக்க தேவாலயத்திற்குள் நுழைந்து சேதம் விளைவித்ததாகப் பரவும் வீடியோ உண்மையா?

தவெக துண்டுடன் போதை பழக்கத்தை ஆதரித்து இளைஞர் ஒருவர் ரீல்ஸ் செய்ததாக வீடியோ ஒன்று பரவியதை தொடர்ந்து அதுக்குறித்து ஆராய்ந்தோம்.

அவ்வீடியோவை கூர்மையாக கவனிக்கையில் அந்த இளைஞரின் வாயசைவு வீடியோவின் ஆடியோவுடன் ஒற்றுப்போகவில்லை. அதேபோல் உடலசைவுகளும் செயற்கை நுண்ணறிவு வீடியோவில் இருப்பதுபோல் செயற்கைத்தனமாக இருந்தது.

எனவே அவ்வீடியோவை செயற்கை நுண்ணறிவு வீடியோக்களை கண்டறியும் இணைய கருவியான Hive Moderation மூலம் பரிசோதித்தோம்.

அச்சோதனையில் வைரலாகும் வீடியோ செயற்கை நுண்ணறிவு மூலம் உருவாக்கப்பட்ட வீடியோவாகவோ அல்லது டீப்ஃபேக் வீடியோவாகவோ இருப்பதற்கு 94.8 சதவீதம் வாய்ப்புள்ளதாக பதில் வந்தது.

இதனையடுத்து Sightengine எனும் இணைய கருவியின் மூலம் பரிசோதித்தோம். அதில் 97 சதவீதம் செயற்கை நுண்ணறிவு மூலம்  உருவாக்கப்பட்டிருக்க வாய்ப்பிருப்பதாக பதில் வந்தது.

இதனைத்தொடர்ந்து ஆராய்கையில் வைரலாகும் பதிவின் கமெண்ட்ஸ் பகுதியில் அவ்வீடியோ எடிட் செய்யப்பட்டது; இதுதான் உண்மையான வீடியோ என்று குறிப்பிட்டு வீடியோ ஒன்று பதிவிட்டிருப்பதை காண முடிந்தது.

அவ்வீடியோவில் வைரலாகும் வீடியோவில் காணப்படும் இளைஞர் தவெக துண்டு இல்லாமல் வைரலாகும் ரீல்ஸை செய்வதை காண் முடிந்தது.

அதில் இளைஞரின் வாயசைவு மற்றும் உடலசைவு சரியாக இருந்தது.

கிடைத்த ஆதாரங்களின்படி பார்க்கையில் வைரலாகும் வீடியோ செயற்கை நுண்ணறிவு மூலம் எடிட் செய்யப்பட்டு உருவாக்கப்பட்டுள்ளது என உறுதியாகின்றது.

Sources
Hive Moderation
Sightengine
Comment from X user, jeeva25310, dated December 31, 2025