லாகூர் சிதறிய காட்சிகள் என்று தந்தி டிவி வெளியிட்ட வீடியோ உண்மையா?

லாகூர் சிதறிய காட்சிகள் என்று தந்தி டிவி வீடியோ ஒன்றை செய்தியாக வெளியிட்டிருந்தது.

“ஒரு இரவுக்கு தாங்குமா பாகிஸ்தான்; லாகூர் சிதறிய காட்சிகள் – தந்தி டிவி” என்று இந்த செய்தி வெளியிடப்பட்டிருந்தது.

X Link/Archived Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: இந்திய எல்லைக்குள் புகுந்த பாகிஸ்தான் விமானம் பொசுக்கி தள்ளப்பட்டதாக பரவும் வீடியோ உண்மையானதா?

Fact Check/Verification

லாகூர் சிதறிய காட்சிகள் என்று தந்தி டிவி வெளியிட்ட வீடியோ குறித்த உண்மையறிய அதுபற்றிய ஆய்வில் ஈடுபட்டோம்.

வைரலாகும் வீடியோவைக் கீ-ப்ரேம்களாகப் பிரித்து ரிவர்ஸ் சர்ச் முறைக்கு உள்ளாக்கியபோது இது தற்போதைய இந்தியா – பாகிஸ்தான் இடையேயான பிரச்சினையுடன் தொடர்புடையது அல்ல என்பது தெரிய வந்தது.

கடந்த பிப்ரவரி 2ஆம் தேதியன்று dogheartnews என்கிற சமூக வலைத்தளப்பக்கத்தில் பிலடெல்பியாவில் ஏற்பட்ட விமான விபத்து என்று இந்த வீடியோ வெளியாகியிருந்தது.

மேலும், Hakan Tuluhan என்கிற யூடியூப் பக்கத்திலும் இந்த வீடியோ கடந்த பிப்ரவரி 01, 2025 அன்று ”Update on the Plane That Crashed in Philadelphia!What is Going on” என்று இந்த வீடியோ இடம்பெற்றிருந்தது.  கடந்த பிப்ரவரி 2, 2025 அன்று பிலடெல்பியா விமான விபத்து குறித்து செய்திகளிலும் இந்த வீடியோவில் உள்ள காட்சி இடம்பெற்றுள்ளது.

எனவே, பிலடெல்பியாவில் ஏற்பட்ட இந்த விமான விபத்து வீடியோவே இந்தியா-பாகிஸ்தான் பிரச்சினையுடன் இணைந்து பரவுகிறது.

Also Read: இந்தியாவுடன் போர் புரிய மறுத்த பாகிஸ்தான் ராணுவ வீரர் அழுததாக பரவும் வீடியோ உண்மையானதா?

Conclusion

லாகூர் சிதறிய காட்சிகள் என்று தந்தி டிவி வெளியிட்ட வீடியோ பிலடெல்பியா விமான விபத்துடன் தொடர்புடையது என்பது  நமக்குக் கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.  

Sources
Instagram Post from dogheartnews, Dated February 02, 2025
YouTube Video by Hakan Tuluhan, Dated February 01, 2025