Authors
A post-graduate in Mass Communication, Ram has an experience of 8 years in the field of Media. He has worked for radio, television, e-commerce. Appalled by the spread of fake news and disinformation, he found it both challenging and satisfying to bring out the truth and nullify the effects of fake news in society.
Claim: சூரியன் படத்துக்கு மாலையிட்டு பொங்கலை கொண்டாடினார் தவெக தலைவர் விஜய்.
Fact: வைரலாகும் படம் எடிட் செய்யப்பட்டதாகும். விஜய் வேலு நாச்சியார் படத்திற்கு மாலையிட்டு மரியாதை செய்த படத்தை எடிட் செய்து இப்படம் உருவாக்கப்பட்டுள்ளது.
நடிகரும் தவெக தலைவருமான விஜய் சூரியன் படத்துக்கு மாலையிட்டு பொங்கலை கொண்டாடியதாக புகைப்படம் ஒன்று சமூக ஊடகங்களில் பரவி வருகின்றது.
சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.
Fact Check/Verification
தவெக தலைவர் விஜய் சூரியன் படத்துக்கு மாலையிட்டு பொங்கலை கொண்டாடியதாக புகைப்படம் ஒன்று வைரலானதை தொடர்ந்து, விஜய் இவ்வாறு செய்துள்ளாரா என உறுதி செய்ய அவரது சமூக ஊடகப் பக்கங்களில் ஆய்வு செய்தோம்.
அதில் ஜனவரி 13, 2025 அன்று பொங்கல் வாழ்த்து தெரிவித்து பதிவு ஒன்று அவரது எக்ஸ் பக்கத்தில் பதிவிட்டிருந்ததை காண முடிந்தது.
இதுத்தவிர்த்து பொங்கல் தொடர்பாக எவ்வித பதிவும் விஜயின் சமூக ஊடகப் பக்கங்களில் பதிவிட்டிருக்கவில்லை. ஆகவே வைரலாகும் படம் குறித்த உண்மை அறிய, அப்படத்தை ரிவர்ஸ் முறைக்கு உட்படுத்தி, அப்படம் குறித்து தேடினோம்.
இத்தேடலில், “மண்ணைக் காக்க வாளேந்திப் போர்க்களம் புகுந்த வீரப் புரட்சியாளர், இந்தியாவின் முதல் விடுதலைப் பெண் போராளி, அனைத்துச் சமூகத்தினரோடும் நல்லிணக்கத்தோடு நாடாண்ட தமிழச்சி, எம் கழகத்தின் கொள்கைத் தலைவர், வீரமங்கை, ராணி வேலு நாச்சியார் அவர்களின் நினைவு தினத்தையொட்டி, எமது அலுவலகத்தில் அவரது திருவுருவப் படத்திற்கு மலர் தூவி மரியாதை செலுத்தினேன்” என்று குறிப்பிட்டு விஜய் அவரது எக்ஸ் பக்கத்தில் புகைப்படத்துடன் பதிவு ஒன்றை பதிவிட்டிருந்ததை காண முடிந்தது.
இப்பதிவில் பயன்படுத்தப்பட்டிருந்த படத்தை வைரலாகும் படத்துடன் ஒப்பிட்டு பார்க்கையில், விஜய் வேலு நாச்சியாருக்கு மரியாதை செய்த படத்தை எடிட் செய்தே வைரலாகும் படம் உருவாக்கப்பட்டுள்ளது என உறுதியானது.
Also Read: முதலமைச்சர் மு.க.ஸ்டாலினை பிச்சைக்காரராக சித்தரித்து கார்ட்டூன் வெளியிட்டதா கலைஞர் நியூஸ்?
Conclusion
தவெக தலைவர் விஜய் சூரியன் படத்துக்கு மாலையிட்டு பொங்கலை கொண்டாடியதாக பரவும் புகைப்படம் எடிட் செய்யப்பட்டு மாற்றப்பட்டதாகும். வேலு நாச்சியார் நினைவு தினத்தன்று அவர் படத்திற்கு விஜய் மாலையிட்டு மரியாதை செலுத்திய படத்தை எடிட் செய்து வைரலாகும் படம் உருவாக்கப்பட்டுள்ளது.
இந்த உண்மையானது கிடைத்த ஆதாரங்களின் வாயிலாக தெளிவாகியுள்ளது. ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.
Result: Altered Photo
Our Sources
X post by Vijay, President, TVK, Dated January 13, 2025
உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.
எங்கள் இணையத்தளத்தில் உள்ள Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்
Authors
A post-graduate in Mass Communication, Ram has an experience of 8 years in the field of Media. He has worked for radio, television, e-commerce. Appalled by the spread of fake news and disinformation, he found it both challenging and satisfying to bring out the truth and nullify the effects of fake news in society.
