Erode TVK Meeting: தவெகவினர் மரத்தின்மேல் காரை ஏற்றினரா?

ஈரோடு கூட்டத்தில் தவெகவினர் மரத்தின்மேல் காரை ஏற்றியதாக பரவும் வீடியோ.

சமூக ஊடகங்களில் வந்த பதிவை இங்கே காணலாம்.

Also Read: பிரியாணிக்காக திமுகவினர் அடிதடி; வைரலாகும் வீடியோ திருவண்ணாமலையில் எடுக்கப்பட்டதா?

ஈரோடு கூட்டத்தில் தவெகவினர் மரத்தின்மேல் காரை ஏற்றியதாக வீடியோ ஒன்று பரவியதை தொடர்ந்து அவ்வீடியோ குறித்து அறிய அவ்வீடியோவை ரிவர்ஸ் சர்ச் முறைக்கு உட்படுத்தி தேடினோம்.

அத்தேடலில் @teach_editor_master எனும் இன்ஸ்டாகிராம் பக்கத்தில் வைரலாகும் இதே வீடியோ ஏப்ரல் 10, 2025 அன்று பகிரப்பட்டிருப்பதை காண முடிந்தது.

இதனடிப்படையில் பார்க்கையில்  ஈரோட்டில் தவெக கூட்டம் நடப்பதற்கு எட்டு மாதங்களுக்கு முன்பே வைரலாகும் வீடியோ சமூக ஊடகங்களில் பரவி வந்துள்ளதை காண முடிகின்றது.

இதனையடுத்து இவ்வீடியோ எங்கே எடுக்கப்பட்டது என்று தேடுகையில் D Newsis எனும் கொரிய ஊடகத்தில் இச்சம்பவம் சீனாவின் சிச்சுவான் பகுதியில் நடந்ததாக செய்தி வெளியிட்டிருப்பதை காண முடிந்தது.

டிரைவிங் ஸ்கூல் ஒன்று விளம்பர நோக்கத்திற்காக இவ்வீடியோவை உருவாக்கியதாக அச்செய்தியில் தெரிவிக்கப்பட்டிருந்தது.

தொடர்ந்து தேடுகையில் சீன ஊடகம் ஒன்றில் வைரலாகும் வீடியோ குறித்து செய்தி வெளியிட்டிருப்பதை காண முடிந்தது. அச்செய்தியிலும் இச்சம்பவம் சீனாவின் சிச்சுவான் பகுதியில் நடந்ததாகவே தெரிவிக்கப்பட்டிருந்தது.

கிடைத்த ஆதாரங்களின்படி பார்க்கையில் வைரலாகும் வீடியோவுக்கும் ஈரோடு தவெக கூட்டத்திற்கும் தொடர்பில்லை என்பது உறுதியாகின்றது.

Sources
Instagram post by @teach_editor_master, dated April 10, 2025
Report by D Newsis, dated April 18, 2025
Report by singtao.ca, dated April 13, 2025