Newchecker.in is an independent fact-checking initiative of NC Media Networks Pvt. Ltd. We welcome our readers to send us claims to fact check. If you believe a story or statement deserves a fact check, or an error has been made with a published fact check
Contact Us: checkthis@newschecker.in
Fact Check
Claim: “திமுக உபி வரான்! பயமா இருக்கு அண்ணா!!” என்று குறிப்பிட்டு விகடன் அட்டைப்படம் வெளியிட்டது.
Fact: வைரலாகும் படம் எடிட் செய்து மாற்றப்பட்டதாகும். விகடன் வெளியிட்ட உண்மையான அட்டைப்படத்தில் “திமுக உபி வரான்! பயமா இருக்கு அண்ணா!!” என்கிற வாசகம் இடம்பெற்றிருக்கவில்லை.
அண்ணா பல்கலைக்கழக விவகாரத்தில் பாஜக, அதிமுக உள்ளிட்ட கட்சிகள் ஆளும் கட்சியான திமுகவுக்கு எதிராக போராட்டங்கள் நடத்தி வரும் நிலையில்“அண்ணா உடையாள்” மற்றும்“திமுக உபி வரான்! பயமா இருக்கு ணா!!” என்கிற வாசகங்களுடன் அறிஞர் அண்ணா சிலைக்குப்பின் மாணவி ஒருவர் அச்சமுடன் நிற்பதாக விகடன் அட்டைப்படம் ஒன்று சமூக ஊடகங்களில் பரவி வருகின்றது.
சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.
Also Read: ஐயப்பன் மாலையை அறுத்து மாணவனை வெளியே தள்ளிய கிறித்தவ பள்ளி; வைரலாகும் வீடியோத்தகவல் உண்மையானதா?
“திமுக உபி வரான்! பயமா இருக்கு அண்ணா!!” என்று குறிப்பிட்டு விகடன் அட்டைப்படம் வெளியிட்டதாக புகைப்படம் ஒன்று வைரலானதை தொடர்ந்து, இப்படத்தை விகடன் வெளியிட்டதா என அதன் சமூக ஊடகப் பக்கங்களில் தேடினோம்.
இத்தேடலில் வைரலாகும் படம் எடிட் செய்யப்பட்டது என அறிய முடிந்தது. அண்ணா உடையாள் என்று தலைப்பிட்டு விகடன் இன்ஸ்டாகிராம் பக்கத்தில் வெளியிடப்பட்டிருந்த உண்மையான அட்டைப்படத்தில் “திமுக உபி வரான்! பயமா இருக்கு ணா!!” என்கிற வாசகம் இடம்பெற்றிருக்கவில்லை.
வாசகர்களின் புரிதலுக்காக உண்மையான அட்டைப்படத்தையும் எடிட் செய்யப்பட்ட படத்தையும் கீழே ஒப்பிட்டுக் காட்டியுள்ளோம்.
தொடர்ந்து விகடன் ஆசிரியர் பிரிட்டோவை தொடர்புக்கொண்டு பேசுகையில், வைரலாகும் அட்டைப்படம் எடிட் செய்யப்பட்டது என்பதை அவரும் உறுதி செய்தார்.
Also Read: புதுப்பேட்டை பட பாணியில் பின்புறம் நின்ற பெண்ணுக்கு தாலி கட்டிய மணமகன் என்று பரவும் வீடியோ உண்மையா?
“திமுக உபி வரான்! பயமா இருக்கு அண்ணா!!” என்று குறிப்பிட்டு விகடன் அட்டைப்படம் வெளியிட்டதாக வைரலாகும் புகைப்படம் எடிட் செய்யப்பட்டதாகும். உண்மையான படத்தில் இவ்வாசகம் இடம்பெற்றிருக்கவில்லை. இந்த உண்மையானது கிடைத்த ஆதாரங்களின் வாயிலாக தெளிவாகியுள்ளது.
ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.
Our Sources
Instagram post by Ananda Vikatan, Dated January 02, 2025
Phone Conversation with Britto, Editor, Ananda Vikatan
உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.
எங்கள் இணையத்தளத்தில் உள்ள Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்
Vijayalakshmi Balasubramaniyan
March 7, 2025
Ramkumar Kaliamurthy
March 6, 2025
Ramkumar Kaliamurthy
March 3, 2025