Authors
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.
سوشل میڈیا پر کینیڈا کے وزیر اعظم جسٹن ٹروڈو کی ایک تصویر کے ساتھ دعویٰ کیا جا رہا ہے کہ ان کی یہ تصویر لنگر سے کھانا لینے کی ہے۔ صارف نے تصویر کے کیپشن میں لکھا ہے کہ “جسٹن ٹروڈو کی لنگر سے کھانا لیتے ہوئے ایک یادگار تصویر، کینیڈا کی 60فیصد عوام کھانے کے لئے پریشان،(عمران خان)”۔
مذکورہ دعوے کے ساتھ دیگر فیس بک صارف نے بھی کینیڈا کے وزیر اعظم جسٹن ٹروڈو کی تصویر کو شیئر کیا ہے۔
مذکورہ دعوے کے ساتھ ٹویٹر صارفین نے بھی کینیڈا کے وزیر اعظم جسٹن ٹروڈو کی تصویر کو شیئر کیا ہے۔ جس کا آرکائیو لنک یہاں اور یہاں دیکھ سکتے ہیں۔
Fact Check/Verification
کینیڈا کے وزیر اعظم جسٹن ٹروڈو کی تصویر کے ساتھ کئے گئے دعوے کی سچائی جاننے کے لئے ہم نے کچھ کیورڈس کی مدد سے تصویر کو گوگل ریورس امیج سرچ کیا۔ اس دوران ہمیں عالمی اور رائٹرز پر شائع شدہ وائرل تصویر ملی۔ تصویر کے ساتھ دی گئی جانکاری کے مطابق کینیڈا کے وزیر اعظم جسٹن ٹروڈو کی یہ تصویر ایک الیکشن کیمپئنگ کے دوران کی ہے۔
رائٹرز نیوز ویب سائٹ پر جسٹن ٹروڈو کی تصویر کے ساتھ دی گئی جانکاری کے مطابق “کینیڈا کے وزیر اعظم جسٹن ٹروڈو کی یہ تصویر بلین ویل،کیوبیک میں انتخابی مہم کے اسٹاپ پر رستوران سے کھانا خریدنے کی ہے”۔
مذکورہ رپورٹس سے واضح ہو چکا کہ جسٹن ٹروڈو کی یہ تصویر لنگر سے کھانا لینے کی نہیں ہے، بلکہ الیکشن کیمپئنگ کے دوران رستوران سے کھانا خریدتے وقت کی ہے۔ پھر ہم نے جسٹن ٹروڈو کے انسٹاگرام اور فیس بک کو کھنگالنا شروع کیا۔
اس دوران ہمیں جسٹن ٹروڈو کے آفیشل انسٹاگرام ہینڈل اور فیس بک پر وائرل تصویر سے ملتی جلتی تصویر ملی، جسے الگ اینگل سے رستوران میں کلک کیا گیا تھا۔ اس تصویر کو جسٹن ٹروڈو نے 17 ستمبر 2021 کو شیئر کیا تھا۔ جسٹن ٹروڈو نے اس تصویر کو ریسٹ پوتن نامی ہینڈل کو ٹیگ کرتے ہوئے فرانسوی زبان کے کیپشن کے ساتھ پوسٹ کیا ہے۔
ریسٹ پوتن کے انسٹاگرام ہینڈل کو کھنگالا تو ہمیں اور بھی تصاویر ملی، جو وائرل تصویر سے ملتی جلتی تھیں۔ جس میں کینیڈا کے وزیر اعظم جسٹن ٹروڈو کی تصاویر کے ساتھ کیپشن میں لکھا تھا کہ “رستوران میں تشریف لانے کے لئے آپ کا شکریہ”۔
ہم نے جسٹن ٹروڈو کے آفیشل انسٹاگرام ہینڈل، گوگل میپس اور وائرل تصویر کا موازنہ کیا تو ہمیں کافی کچھ ایک جیسا نظر آیا۔ جسے آپ درج ذیل میں دیکھ سکتے ہیں۔
یہ بھی پڑھیں: کینیڈا کے وزیراعظم جسٹن ٹروڈو کی 5سال پرانی تصویر کو کسان آندولن سے جوڑ کر کیاجارہاہے شیئر
کیا پاکستانی وزیر اعظم عمران خان نے اپنے بیان میں کہا کہ کینیڈا کی 60فیصد عوام کھانے کے لئے پریشان ہے؟ اس دعوے سے متعلق ہم نے کیورڈ سرچ کیا تو ہمیں اس سے متعلق کوئی رپورٹ نہیں ملی۔ البتہ کینیڈا وتھ آؤٹ پوورٹی، کینیڈا سینس پائیوریٹ اور اسٹیٹک کینیڈا نامی ویب سائٹ پر کینیڈا میں غربت سے متعلق بنیادی اعداد و شمار پیش کئے گئے ہیں۔
Conclusion
اس طرح ہماری تحقیقات میں یہ ثابت ہوتا ہے کہ کینیڈا کے وزیر اعظم جسٹن ٹروڈو کی تصویر کے ساتھ جو دعویٰ کیا گیا ہے وہ گمراہ کن ہے۔ جسٹن ٹروڈو کی جس تصویر کو لنگر سے کھانا لیتے وقت کا بتا کر شیئر کیا جا رہا ہے وہ دراصل الیکشن کیمپئنگ کے دوران ریسٹ پوتن نامی رستوران سے کھانا خریدتے وقت کی ہے۔
Result: Misleading/Partly False
Our Sources
Alamy:https://www.alamy.com/canadas-liberal-prime-minister-justin-trudeau-buys-food-at-an-election-campaign-stop-in-blainville-quebec-canada-september-16-2021-reuterscarlos-osorio-image442645715.html
Reuters:https://www.reuters.com/world/americas/canada-pm-trudeau-says-main-election-rival-has-shown-poor-leadership-covid-2021-09-16/
Instagram:https://www.instagram.com/p/CT5u84UrOKP/?utm_source=ig_web_copy_link
Googlemaps:https://www.google.com/maps/place/Restaurant+Rest-Poutine/@45.6568943,-73.8543809,3a,75y,90t/data=!3m8!1e2!3m6!1sAF1QipNba0SAhfF9kqZm2a0bUv_db6G_2rhpePBU0xHD!2e10!3e12!6shttps:%2F%2Flh5.googleusercontent.com%2Fp%2FAF1QipNba0SAhfF9kqZm2a0bUv_db6G_2rhpePBU0xHD%3Dw203-h270-k-no!7i2448!8i3264!4m7!3m6!1s0x4cc92813aec15737:0x376ba07d562c88bb!8m2!3d45.6571469!4d-73.8540774!14m1!1BCgIgAQ
Self Analysis
statcan.gc.ca:https://www.statcan.gc.ca/en/topics-start/poverty
نوٹ:کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کر سکتےہیں۔
9999499044
Authors
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.
