Authors
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.
Claim
بھارتی وزیرِ ٹرانسپورٹ نئے ٹریکٹر افتتاح کے دوران حادثے میں بال بال بچے۔
Fact
ویڈیو اترپردیش کی ہے اور یہ کسان آندولن کے دوران مظاہرین کی جانب سے کئے گئے ٹریکٹر اسٹنٹ کی ہے۔
سوشل میڈیا پر ایک منٹ سے زائد کی ویڈیو وائرل ہو رہی ہے۔ جس میں ٹریکٹر اسٹینٹ کرتا ہوا ایک شخص نظر آرہا ہے۔ اسٹینٹ کے دوران اچانک ٹریکٹر پلٹ جاتی ہے اور ڈرائیور اس سے باہر نکل آتا ہے، پھر ٹریکٹر دوبارہ بغیر ڈرائیور کے چلنے لگتی ہے۔ اس ویڈیو کے ساتھ دعویٰ کیا جا رہا ہے کہ بھارتی وزیر ٹرانسپورٹ ایک نئے ٹریکٹر کا افتتاح کرتے ہوئے بال بال بچے۔
مذکورہ ویڈیو کے ساتھ ایک دوسرے فیس بک صارف نے دعویٰ کیا ہے کہ بھارتی وزیر زراعت کے جموں کشمیر میں ٹریکٹر کا افتتاح کے دوران حادثہ پیش آیا، لیکن ٹریکٹر بغیر ڈرائیور کے چلتی رہی اور وہ بچ گئے۔
ٹویٹر اور یوٹیوب پر بھی یہ ویڈیو مختلف کیپشن کے ساتھ شیئر کی جا رہی ہے۔
Fact Check/ Verification
بھارتی وزیر ٹرانسپورٹ ٹریکٹر کے افتتاح کا بتاکر شیئر کی گئی ویڈیو کے ایک فریم کو ہم نے گوگل پر سرچ کیا۔ جہاں ہمیں ریا میواتی نام کے فیس بک پیج پر شیئر شدہ 27 جنوری 2021 کی ہوبہو ویڈیو ملی، جس میں اس ویڈیو کو کسان آندولن کے دوران کا بتایا گیا ہے۔
پھر ہم نے ریورس امیج سرچ کے ساتھ “ٹریکٹر اسٹنٹ کسان آندولن” کیورڈ سرچ کیا۔ جہاں ہمیں نیوز یو پی-اتراکھنڈ، اے بی پی نیوز اور امرجالا کے آفیشل یوٹیوب چینل پر 27 ،28 اور 30 جنوری کو شائع ویڈیو رپورٹس میں یہی ویڈیو ملی۔ ان رپورٹس کے مطابق ٹریکٹر اسٹنٹ کی یہ وائرل ویڈیو اترپردیش کے متھرا کی ہے، جہاں چند کسانوں نے 26 جنوری کے کسان ٹریکٹر مارچ سے پہلے دہلی پہنچنے کی کوشش کی تھی۔
نوح جھیل باجنا کے مورکی انٹر کالج کے پاس ایک کسان نے ٹریکٹر اسٹنٹ دکھانے کی کوشش کی۔ کرتب ناکام ہو گیا اور ڈرائیور گر گیا۔ کچھ ہی دیر بعد ٹریکٹر نے بغیر کسی ڈرائیور کے کچھ فاصلہ طے کیا اور بعد میں ایک ڈرائیور نے اس پر پیچھے سے چڑھ کر روکا۔
یہ بھی پڑھیں: 2019 میں جرمنی میں ہوئے احتجاج کی تصویر کو بھارت کے کسان آندولن سے جوڑ کر کیا جارہاہے شیئر
Conclusion
اس طرح ہماری تحقیقات سے یہ ثابت ہوا کہ وائرل ویڈیو بھارتی وزیر ٹرانسپورٹ کی جانب سے نئے ٹریکٹر کے افتتاح کرنے کی نہیں ہے۔ بلکہ کسان آندولن کے دوران ایک کسان کے ٹریکٹر اسٹینٹ دکھانے کی ہے۔
Result: False
Our Sources
Facebook post by Riyamewat on 27 Jan 2021
Video reports published by ABP News, NYOOOZ UP-Utrakhand and Amar Ujala on 27, 28, 30 jan 2021
نوٹ: کسی بھی مشتبہ خبر کی تحقیق، ترمیم یا دیگر تجاویز کے لئے ہمیں واہٹس ایپ نمبر 9999499044 پر آپ اپنی رائے ارسال کرسکتے ہیں۔
Authors
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.
