فتح پور درگاہ پر حملہ کرنے والے ملزم کی نہیں بلکہ سورت کے آلوک اگروال کے قتل کے ملزم کی ہے یہ ویڈیو

رواں ماہ کی 11 تاریخ کو اترپردیش کی فتح پور درگاہ پر توڑپھوڑ کا معاملہ پیش آیا تھا، ابونگر ریڈڈیا میں موجود عبدالصمد کے مقبرے پر ہندو تنظیموں کی جانب سے توڑپھوڑ اور پتھراؤ کیا گیا تھا۔ اس معاملے میں فتح پور پولس نے 160 افراد کے خلاف ایف آئی آر درج کی ہے۔

اسی کے پیش نظر ایک ویڈیو شیئر کی جا رہی ہے، جس کے بالائی حصے پر پرانی عمارت نظر آرہی اور تھوڑا نیچے پیلے پگڑی والے شخص کی ایک تصویر دکھائی دے رہی, نیچے کی جانب پولس گرفت میں ایک شخص کو دیکھا جا سکتا ہے جو ہاتھ جوڑ کر معافی مانگ رہا ہے اور اس کے ایک پاؤں میں پلاسٹر بھی نظر آ رہا ہے۔ صارفین کا دعویٰ ہے کہ یہ وہی شخص ہے جس نے فتح پور درگاہ نواب عبدالصمد میں توڑپھوڑ کی تھی، اب پولس اسے زخمی کرکے سرعام معافی منگوا رہی ہے۔

فیس بک صارف نے ویڈیو کے ساتھ رومن زبان میں کیپشن لکھا ہے “یہ وہی لوگ ہے جو حملہ کیا تھا فتح پور درگاہ پر”۔

Fact Check/Verification

وائرل ویڈیو کے ایک فریم کو ہم نے گوگل لینس کی مدد سے تلاش کیا۔ اس دوران ہمیں وائرل کلپ رواں ماہ کی 9 تاریخ کو شیئر شدہ راجیش-969 نامی انسٹاگرام پر موصول ہوئی۔ جس پر سورت پولس اور ایک ‘لوگو’ نظر آیا، جس میں ‘سورت اپڈیٹس آفیشل’ لکھا ہوا تھا۔

پھر ہم نے گوگل پر” سورت پولس اریسٹ، سورت اپڈیٹس آفیشل” کیورڈ سرچ کیا۔ اس دوران ہمیں 9 اگست 2025 کو سورت اپڈیٹس آفیشل نامی انسٹاگرام پر ہوبہو ویڈیو موصول ہوئی۔ جس کے ساتھ فراہم کردہ معلومات کے مطابق پولس گرفت میں معافی مانگ رہے اس شخص کو سورت پولس نے آلوک اگروال قتل کیس کے تیسرے ملزم کے طور پرگرفتار کیا ہے۔ آلوک کا قتل سورت کے ڈمبھل، لیمبایت میں ہوا تھا۔

پھر ہم نے گوگل پر “سورت، آلوک اگروال قتل، تیسرا ملزم گرفتار” کیورڈ تلاش کیا۔ اس دوران ہمیں نیوز18 گجرات اور بھاسکر انگلش کی ویب سائٹ پر وائرل ویڈیو سے متعلق خبریں موصول ہوئیں۔ جس کے مطابق ویڈیو میں نظر آرہا شخص ٹیکسٹائل بروکرآلوک قتل کیس کا اہم ملزم ابرار عرف راسی ابراہیم شیخ ہے، جسے پولس نے گرفتار کرلیا۔

مزید تحقیقات کے دوران ہمیں یہی ویڈیو سورت پولس کے آفیشل انسٹاگرام پر 8 اگست کو شیئر شدہ موصول ہوئی۔

Conclusion

اس طرح نیوز چیکر کو تحقیقات کے دوران ملے شواہد سے یہ ثابت ہوا کہ وائرل ویڈیو میں نظر آرہے شخص کا فتح پور درگاہ واقعے سے کوئی تعلق نہیں ہے بلکہ یہ سورت کے ٹیکسٹائل بروکر آلوک قتل کیس کا اہم ملزم ابرار عرف راسی ابراہیم شیخ ہے، جسے پولس نے گرفتار کیا ہے۔

Our Sources
Instagram posts by @rajesh__969 and @suratupdatesofficial on 09 Aug 2025
Reports published by Bhaskar English and News18 Gujarat on 09 Aug 2025
Instagram post by @suratcitypolice on 08 Aug 2025