اے آئی سے تیار کردہ تصویر کو پہلگام حملے میں شہید ہوئے لیفٹیننٹ ونے نروال اور ان کی اہلیہ کا بتاکر کیا جا رہا ہے شیئر

پہلگام حملے کے بعد ایک جوڑے کی تصویر خوب شیئر کی جا رہی ہے۔ جس میں ایک مرد زمین پر لیٹا ہوا ہے اور خاتون اس کے سینے پر ہاتھ رکھے ہوئے اداس نظر آرہی ہے۔ صارفین کا دعویٰ ہے کہ یہ تصویر بھارتی نیوی کے لیفٹیننٹ ونے نروال اور ان کی اہلیہ کی ہے، جنہیں پہلگام میں دہشت گردوں نے ہلاک کردیا۔

ایک فیس بک صارف نے تصویر کے ساتھ کیپشن میں لکھا ہے”اِس تصویر نے بہت زیادہ دُکھی کردیا، کیا مِلا تمہیں اِس جوڑے کو جُدا کرکے، اِن کی اُمیدوں پر پانی پھیرکر اِن کی اولاد اور والدین کو دُکھ دیکر، واللہ انسانیت کو شرمسار کردیا تم نے، کِس سہارے یہ بہن اپنے شوہر کی لاش لیکر گھر پُہونچے گی، بہت افسوس ہو رہا ہے سینہ پھٹنے کو آرہا ہے اِس تصویرکو دیکھ کر”۔

Fact Check

نیوز چیکر کو پہلگام دہشت گردانہ حملے میں جوڑے کی وسیع میڈیا کوریج میں وائرل تصویر نہیں ملی۔ جس تصویر کو سوشل میڈیا پر بڑے پیمانے پر شیئر کیا گیا تھا، اسے نیوز ایجنسی پریس ٹرسٹ آف انڈیا نے سری نگر کے ایک اسٹرنگر سے حاصل ہونے کے بعد اپنی خبر میں شائع کیا تھا۔

نیوز چیکر نے اپنی تحقیقات کے دوران یہ تجزیہ کیا کہ وائرل تصویر کی اصل گرینی کوالٹی کے برعکس نئی تصاویر حد سے زیادہ ہموار تھیں و ان کا ٹیکسچر پینٹنگ جیسا لگ رہا تھا، جس سے ہمارے شک کو مزید تقویت ملی کہ یہ اے آئی سے تیارکردہ ہو سکتی ہے۔

پھر ہم نے اے آئی سے تیار کردہ مواد کا پتہ لگانے والے ٹولز ہائیو ماڈریشن کی مدد لی۔ جس نے جوڑے کی اس تصویر میں 99.9 فیصد اے آئی یا ڈیپ فیک سے تیار کردہ مواد ہونے کے امکانات ظاہر کئے ہیں، جبکہ سائٹ انجن کے مطابق بھی اس تصویر میں 99 فیصد اے آئی مواد ہونے کا امکان ہے۔

یہ بھی پڑھیں: یہ ویڈیو پہلگام حملے میں شہید ہوئے لیفٹیننٹ ونے نروال اور ان کی اہلیہ ہمانشی کی نہیں ہے

Conclusion

اس طرح آن لائن ملنے والے شواہد سے یہ ثابت ہوا کہ اپنے شوہر نیوی افسر ونے نروال کی لاش کے قریب صدمے میں بیٹھی ہمانشی کی تصویر اے آئی سے تیار شدہ ہے۔ بتادوں کہ ونے کو پہلگام میں دہشت گردوں نے ہلاک کردیا تھا۔

Sources
Report published by Hindustan Times on 23 April 2025
Hive Moderation tool
Sight Engine tool

( اس آرٹیکل کو انگلش سے ترجمہ کیا گیا ہے، جسے کشل مدھوسودن نے لکھا ہے)