Authors
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.
Claim
امریکی ریاست الاسکا میں آئے زلزلے کی ویڈیو۔
Fact
ویڈیو پرانی ہے اور حالیہ الاسکا میں آنے والے زلزلے سے اس کا کوئی تعلق نہیں ہے۔
میڈیا رپورٹ کے مطابق اتوار 16 جولائی 2023 کو امریکہ کے الاسکا میں 7.2 شدت کا زلزلہ آیا۔ جس کے بعد سے سوشل میڈیا پر ایک گھر کے اندر کی ویڈیو گردش کر رہی ہے۔ جس میں ایک شخص زلزلے کے جھٹکے محسوس کرتے ہی جلدی سے بچوں کو گھر سے باہر لےکر بھاگتا ہوا نظر آرہا ہے۔ صارفین کا دعویٰ ہے کہ ویڈیو امریکی ریاست الاسکا میں 7.3 شدت سے آئے زلزلے کی ہے۔ صارف نے ویڈیو کے کیپشن میں لکھا ہے کہ “امریکی ریاست “الاسکا” میں 7.3 شدت کا زلزلہ، زلزلے کے بعد سونامی کے خطرہ کا اعلان”۔
اس ویڈیو کو عربی کیپشن کے ساتھ بھی متعدد صارفین حالیہ الاسکا زلزلے کا بتاکر شیئر کر رہے ہیں۔
Fact Check/Verification
ہم نے وائرل ویڈیو کے ایک فریم کو گوگل ین ڈیکس کے ساتھ انگلش میں “ارتھ کوئک” کیورڈ سرچ کیا۔ اس عمل میں ہمیں وائرل ویڈیو سے متعلق لٹل تھنگس نامی ویب سائٹ پر 2022 کا ایک مضمون ملا۔ رپورٹ کے مطابق مذکورہ وائرل ویڈیو کو وائرل ہاگ نام کے یوٹیوب چینل پر 5 دسمبر 2018 کو شیئر کیا گیا تھا۔
وائرل ہاگ کی جانب سے شائع شدہ مذکورہ ویڈیو کی تفصیل کے مطابق یہ 30 نومبر 2018 کو الاسکا کے اینکریج میں آنے والے زلزلے کی ہے۔
قابل ذکر بات یہ ہے کہ ڈبلو کے آر سی لوکل 12 کی جانب سے 2 دسمبر 2018 کو شائع ہونے والے مضمون میں ویڈیو کو الاسکا کے اینکریج کے رہنے والے جیسی ایلمور کے گھر کا بتایا گیا ہے۔
یہ بھی پڑھیں: راجستھان: مگ 21 لڑاکا طیارہ حادثے کی پرانی تصویر وائرل
Conclusion
اس طرح ہماری تحقیقات میں یہ ثابت ہوا کہ امریکی ریاست الاسکا میں زلزلے کے شدید جھٹکوں کے نام پر وائرل ویڈیو گمراہ کن دعوے کے ساتھ شیئر کی جا رہی ہے۔ دراصل یہ ویڈیو 2018 میں الاسکا میں آئے زلزلے کی ہے، جسے ابھی شیئر کیا جا رہا ہے۔
Result: Partly False
Our Sources
YouTube video published by ViralHog on 5 December, 2018
Article published by WKRC Local 12 on 2 December, 2018
نوٹ: کسی بھی مشتبہ خبر کی تحقیق، ترمیم یا دیگر تجاویز کے لئے ہمیں واہٹس ایپ نمبر 9999499044 پر آپ اپنی رائے ارسال کرسکتے ہیں۔
Authors
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.
