Claim
یہ تصویر پاکستان کے اسلام آباد میں مظاہرین کو روکنے کے لئے سڑکوں پر لگائے گئے کنٹینرز کی ہے۔
Fact
نہیں، یہ تصویر پرانی اور یو ایس-میکسیکو کی سرحد پر لگائے گئے کنٹینرس کی ہے۔
قطار میں لگے کنٹینرز کی ایک تصویر سوشل میڈیا پر خوب شیئر کی گئی۔ جسے پاکستان کے اسلام آباد میں مظاہرین کو روکنے کےلئے لگائے گئے کنٹینرز کا بتاکر شیئر کیا جارہا ہے۔ 30 نومبر کو شائع ہونے والی وائس آف امریکہ کی ایک رپورٹ کے مطابق پاکستان تحریک انصاف کی جانب سے 24 نومبر کو ڈی چوک پر مظاہرہ کے لئے ‘فائنل کال’ دی گئی تھی ۔یہ احتجاج عمران خان کی رہائی کو لےکر کیا گیا تھا۔ جسے روکنے کے لئے فوجی عملہ تعینات کیا گیا تھا اور سڑکوں پر کنٹینرز بھی لگائے گئے تھے۔ اب اسی تناظر میں قطار میں لگے کنٹینرز کی ایک تصویر اسلام آباد احتجاج سے جوڑ کر شیئر کی جا رہی ہے۔
آرکائیو لنک یہاں اور یہاں دیکھیں۔
Fact Check/Verification
اسلام آباد میں مظاہرین کو روکنے کے لئے لگائے گئے کنٹینرز کا بتاکر شیئر کی گئی تصویر کو سب سے پہلے ہم نے ریورس امیج سرچ کیا۔ اس دوران ہمیں وائرل تصویر کے ساتھ شائع 2022 کی متعدد میڈیا رپورٹس موصول ہوئی۔ 14 دسمبر 2022 کو شائع ہونے والی این بی سی نیوز ویب سائٹ کے مطابق قطار میں لگے کنٹینرز کی یہ تصویر یو ایس-میکسیکو سرحد کی ہے۔ تصویر کا کریڈٹ گیٹی امیجز کو دیا گیا ہے۔
گیٹی امیجز کی ویب سائٹ پر مذکورہ کیورڈ سرچ کیا۔ جس میں بھی اس تصویر کو یو ایس-میکسیکو سرحد پر لگائے گئے شپنگ کنٹینرز کا بتایا گیا ہے۔ یہ تصویر 11 دسمبر 2022 کی ہے۔ کوچیس کاؤنٹی، ایریزونا، یو ایس میں کوروناڈو نیشنل میموریل پر امریکہ اور میکسیکو کی سرحد پر لگے ہوئے کنٹینرز ہیں۔
تصویر کے ساتھ فراہم کردہ مزید معلومات میں اے زیڈ سینٹرل کی رپورٹ کے حوالے سے لکھا ہے کہ “امریکی حکومت اور ایریزونا کے ماہرین ماحولیات سبکدوش ہونے والے گورنر ڈوگ ڈوسی کی ریاست سے خریدے گئے شپنگ کنٹینرز کا استعمال کرتے ہوئے میکسیکو کے ساتھ ریاستوں کی سرحد کے حصوں کو دیوار سے بند کرنے کی جاری کوششوں کا مقابلہ کر رہے ہیں”۔ لہٰذا اس کا حالیہ اسلام آباد کے داخلی راستوں پر لگائے گئے کنٹینرز سے کوئی تعلق نہیں ہے۔ مذکورہ تصویر کے حوالے سے تفصیلی رپورٹ یہاں پڑھیں
Conclusion
اس طرح نیوز چیکر کی تحقیقات سے یہ ثابت ہوا کہ اس تصویر کا تعلق پاکستان کے اسلام آباد کی سڑکوں پر مظاہرین کو روکنے کے لئے لگائے گئے کنٹینرز سے نہیں ہے بلکہ یہ تصویر پرانی اور یو ایس-میکسیکو کی سرحد پر لگے شپنگ کنٹینرز کی ہے۔
Result: False
Sources
Reports published by NBC News and USTN on Dec 14, 2022
Image found on Getty Images
نوٹ: کسی بھی مشتبہ خبر کی تحقیق، ترمیم یا دیگر تجاویز کے لئے ہمیں واہٹس ایپ نمبر 9999499044 پر آپ اپنی رائے ارسال کر سکتے ہیں۔ ساتھ ہی ہمارے واہٹس ایپ چینل کو بھی فالو کریں۔
