مغربی بنگال میں مسلمان پولس افسروں کی جانب سے ہندو شخص کو زدوکوب کئے جانے کا بتاکر پرانی ویڈیو وائرل

سوشل میڈیا پر ایک ویڈیو کے حوالے سے صارفین کا دعویٰ ہے کہ یہ معاملہ مغربی بنگال کے بیر بھوم کا ہے جہاں ہنومان جینتی کے موقع پر پربھات پھیری کا اہتمام کرنے والے ہندو شخص پر دو مسلمان پولس افسر ایس پی نشاط پرویز اور اے ڈی ایس پی فرحت عباس تشدد کر رہے ہیں۔

ہنومان جینتی 12 اپریل 2025 کو منائی گئی، وہیں مغربی بنگال میں وقف ترمیمی بل کی منظوری کے بعد مرشد آباد میں تشدد کے واقعات پیش آئے۔ اسی تناظر میں ایک ویڈیو ہندی کیپشن کے ساتھ وائرل ہو رہی ہے، جس میں دو پولس اہلکار ایک شخص کو مارتے ہوئے دکھائی دے رہے ہیں، جسے مغربی بنگال کے بیر بھوم میں مسلمان پولس افسروں کے ہاتھوں ہندو شخص کی پیٹائی کا بتاکر شیئر کیا جا رہا ہے۔

Fact check/Verification

وائرل ویڈیو کی تصدیق کے لئے ہم نے اس کے ایک فریم کو گوگل لینس کی مدد سے تلاش کیا، تو ہمیں یہی ویڈیو انڈیا زون نامی یوٹیوب چینل پر 10 ستمبر 2014 کو اپلوڈ شدہ موصل ہوئی۔ ویڈیو کے ساتھ انگلش میں لکھا تھا، جس کا ترجمہ: “بھارتی پولس ایک شخص کی پیٹائی کر رہی ہے”۔ تاہم ویڈیو کے سلسلے میں کسی بھی طرح کی کوئی معلومات نہیں دی گئی ہیں۔

اس کے علاوہ مزید تلاش کرنے پر ہمیں 12 جولائی 2017 کو مغربی بنگال کے سی آئی ڈی کے ایکس ہینڈل سے کیا گیا ایک ٹویٹ موصول ہوا۔ جس میں بتایا گیا ہے کہ مغربی بنگال کے آسنسول میں بی جے پی آئی ٹی سیل کے سیکریٹری ترون سین گُپتا کو وائرل ویڈیو شیئر کرنے اور اس کے ساتھ فرقہ وارانہ افواہیں پھیلانے کے الزام میں گرفتار کیا گیا ہے۔

اس کے علاوہ پڑتال کے دوران ہمیں مغربی بنگال کے سائبر کرائم ونگ کے آفیشل فیس بک پیج “فیکٹ چیک: دی ٹروتھ” پر رواں ماہ کی 19 تاریخ کو شیئر شدہ وائرل ویڈیو سے متعلق ایک پوسٹ موصول ہوا۔ جس میں اس ویڈیو کے بارے میں بتایا گیا ہے یہ مغربی بنگال کا معاملہ نہیں ہے بلکہ اترپردیش کا ہے۔

Conclusion

اس طرح نیوز چیکر کی تحقیقات سے یہ ثابت ہوا کہ وائرل ویڈیو 10 برس سے زائد پرانی ہے اور مغربی بنگال کی نہیں ہے۔ مغربی بنگال کے سائبر کرائم ونگ کے مطابق یہ معاملہ اترپریش کا ہے۔

Sources
Video published by YouTube channel INDIA ZONE on 30 Sept 2014
X post by @CIDWestBengal on 12 July 2017
Facebook post by FactCheckTheTruth on 19 April 2025