Fact Check: کیا ڈونالڈ ٹرمپ نے اقتدار میں آنے کے بعد عمران خان کو رہا کروانے کا کیا وعدہ؟ یہاں پڑھیں پوری حقیقت

Claim
ڈونالڈ ٹرمپ نے وعدہ کیا ہے کہ جب وہ اقتدار میں آئیں گے تو پاکستان کے سابق وزیر اعظم عمرا خان کو جیل سے رہا کروائیں گے۔
Fact
اے آئی کی مدد سے تیار کردہ آڈیو کو ٹرمپ کی ویڈیو پر لگا کر فرضی دعوے کے ساتھ شیئر کیا گیا ہے۔

سوشل میڈیا پر امریکی سابق صدر ڈونالڈ ٹرمپ کی ایک ویڈیو شیئر کی جا رہی ہے۔ جس میں ٹرمپ وعدہ کر رہے ہیں کہ جب وہ اقتدار میں آئیں گے تو پاکستان کے سابق وزیر اعظم عمرا خان کو جیل سے رہا کروائیں گے۔ صارف نے ویڈیو کے ساتھ لکھا ہے “ڈونالڈ ٹرمپ نے امریکی نژاد پاکستانیو سے اقتدار میں آ کر عمران خان کو رہا کروانے کا وعدہ کر لیا، وہ میرا دوست ہے، میں ان سے پیار کرتا ہوں، میں اس کو سپورٹ کروں گا کہ ایک بار پھر حکومت میں آئے اور ہم مل کر کام کریں”۔

یہ بھی پڑھیں: کیا ڈونالڈ ٹرمپ نے لگایا اوبامہ پر داعش کے بانی ہونے کا الزام؟ پرانی ویڈیو وائرل

Fact Check/ Verification

ڈونالڈ ٹرمپ اور عمران خان کیورڈ” سرچ کرنے پر ہمیں کوئی بھی ایسی رپورٹ نہیں ملی، جس میں اس بات کا ذکر ہو کہ سابق امریکی صدر ٹرمپ نے پاکستانی رہنما” عمران خان کی رہائی سے متعلق بیان دیا ہو۔

ویڈیو میں ہم نے یہ بھی دیکھا کہ ٹرمپ کے اوپری ہونٹوں کی حرکات و سکنات غیر معمولی ہیں۔ ساتھ ہی تقریباً 16 سیکنڈ کے بعد ویڈیو میں کچھ ٹھہراؤ محسوس ہوا، جس کے بعد پتا چلا کہ شروعاتی کچھ فریم کو ہی بار بار لوپ میں چلائے گئے ہیں۔

اس کے بعد ہم نے ویڈیو کے کچھ فریم کو گوگل لینس سرچ کیا۔ اس دوران ہمیں 17 مارچ 2024 کو اپلوڈ شدہ دی ٹی گرو نامی چینل پر ایک ویڈیو موصول ہوئی۔ ویڈیو کا بغور جائزہ لینے پر اور اس کا وائرل فوٹیج سے موازنہ کرنے پر واضح ہوا کہ دونوں ویڈیو ایک ہی ہیں، لیکن ان دونوں ویڈیوز میں آڈیو مختلف ہیں۔

مزید غور کرنے پر ہمیں دی ٹی گرو کی جانب سے اپلوڈ کی گئی ویڈیو پر ‘پیرٹ اے آئی’ کا ‘واٹرمارک’ نظر آیا۔

یہاں سے ایک ثبوت لے کر ہم نے پیرٹ اے آئی کی ویب سائٹ کھنگالی۔ جہاں معلوم ہوا کہ یہ ایک ایسا پلیٹ فارم ہے جو صارفین کو مشہور شخصیات کی اے آئ آوازیں بنانے کی سہولت مہیا کراتی ہے۔ اس ویب سائٹ پر متعدد یو ایس رہنماوں کی اے آئی آوازیں بنانے کا آپشن ہے، جس میں ڈونالڈ ٹرمپ کا بھی نام موجود ہے۔

نیوز چیکر نے اس پلیٹ فارم کا استعمال کرتے ہوئے ٹرمپ کی ایک ویڈیو یہ کہتے ہوئے بنائی کہ “ہائے! آئی ایم ڈونالڈ ٹرمپ۔ آئی ایم دی فارمر پریسیڈنٹ آف دی یونائیٹیڈ اسٹیٹس آف امریکہ”۔ اس ویڈیو میں وائرل فوٹیج جیسے ہی ہاو بھاو، ہاتھوں کی حرکات اور بیک گراونڈ دیکھنے کو ملے۔ اس ویڈیو کو مندرجہ ذیل میں دیکھا جا سکتا ہے۔

مزید تحقیقات میں ہمیں ڈونالڈ ٹرمپ کی اے آئی ویڈیوز سے متعلق اے آئی ٹرمپ-ٹیلز دی ترتھ نامی ایک یوٹیوب چینل موصول ہوا۔ اس چینل پر ٹرمپ کی متعدد اے آئی سے بنائی گئی آڈیو کے ساتھ وائرل فوٹیج دیکھنے کو ملیں۔ مزید برآں ہمیں مختلف سوشل میڈیا پوسٹس ملے، جن میں ٹرمپ کی ڈیپ فیک آڈیو کے ساتھ وائرل فوٹیج کو شیئر کیا گیا ہے۔ ایسی پوسٹس یہاں، یہاں اور یہاں دیکحی جا ستی ہیں۔

یہاں سے یہ واضح ہوا کہ ٹرمپ کی اے آئی ویڈیوز بنانے کے لئے ایک ہی ویڈیو ٹیمپلیٹ کا بارہا استعمال کیا گیا ہے۔

ہم نے اصل ویڈیو کی تلاش جاری رکھی اور وائرل ویڈیو کے کیفریم کو ٹین آئی سرچ کیا۔ اس دوران ہمیں 12 مارچ 2017 کو شائع شدہ این بی سی نیوز پر ایک ویڈیو رپورٹ فراہم ہوئی۔ جس میں ٹرمپ کا لیسٹر ہالٹ کے ساتھ انٹرویو دکھایا گیا ہے۔

وائرل فوٹیج اور انٹرویو کلپ کا موازنہ کرنے پر کچھ مماثلت نظر آئی جیسے کہ ٹرمپ کا لباس اور بیک گراؤنڈ۔ حالانکہ ہم اسے پختہ طور پر نہیں کہہ سکتے، لیکن وائرل فوٹیج اسی انٹرویو کلپ کا ایک حصہ معلوم ہوتا ہے۔

Conclusion

اس طرح تحقیقات سے یہ ثابت ہوتا ہے کہ اے آئی کی مدد سے تیار کردہ آڈیو کو ٹرمپ کی ویڈیو پر لگا کر فرضی دعوے کے ساتھ شیئر کیا گیا کہ سابق امریکی صدر ڈونالڈ ٹرمپ نے جیل میں بند عمران خان کی حمایت کی۔

Result: Altered Video

Sources
YouTube Video By The Tea Guru, Dated March 17, 2024
Parrot AI Website
Self Analysis

---

نوٹ: کسی بھی مشتبہ خبر کی تحقیق، ترمیم یا دیگر تجاویز کے لئے ہمیں واہٹس ایپ نمبر 9999499044 پر آپ اپنی رائے ارسال کر سکتے ہیں۔ ساتھ ہی ہمارے واہٹس ایپ چینل کو بھی فالو کریں۔