پاکستان کے فیصل مسجد کے نزدیک بھارتی ڈرون حملے کا نہیں بلکہ آگزنی کا ہے یہ معاملہ

Claim

بھارت اور پاکستانی تنازعہ کے درمیان سوشل میڈیا پر فرضی خبروں کی باڑھ آگئی ہے۔ ان دنوں ایک ویڈیو اور تصویر شیئر کی جا رہی ہے۔ جس میں مسجد کے قریب آگ کے شعلے نظر آرہے ہیں۔ صارفین کا دعویٰ ہے کہ یہ منظر بھارت کی جانب سے پاکستان کے اسلام آباد میں موجود فیصل مسجد کے قریب کئے گئے ڈرون حملے کا ہے۔

آرکائیو لنک یہاں، یہاں اور یہاں دیکھیں۔

Fact

فیصل مسجد پر ڈرون حملے کا بتاکر شیئر کی گئی ویڈیو اور تصویر کی حقیقت جاننے کے لئے ہم نے انہیں چند ٹولز کی مدد سے تلاش کیا۔ اس دوران ہمیں وائرل ویڈیو کا طویل ورژن 28 مئی 2024 کو اپلوڈ شدہ ایک یوٹیوب چینل پر موصول ہوا۔ جس میں اس ویڈیو کو اسلام آباد میں موجود فصیل مسجد کے جوار میں لگی آگ کا بتایا گیا ہے۔

مزید تحقیقات کے دوران ہمیں وائرل ویڈیو سے متعلق پاکستانی نیوز ویب سائٹس پاکستان آبزرور، ڈیلی اوصاف اور سیفٹی سکیورٹی ٹوڈے نامی ویب سائٹس پر مئی 2024 کی خبریں موصول ہوئیں۔ خبروں کے مطابق یہ آگ اسلام آباد میں ہیٹ ویو کے باعث شام کے وقت فیصل مسجد کے قریب گرین بیلٹ میں لگی تھی۔ لہٰذا مذکورہ معلومات سے یہ واضح ہوا کہ وائرل ویڈیو تقریباً ایک برس پرانی ہے۔

اس طرح نیوز چیکر کی تحقیقات سے یہ ثابت ہوا کہ یہ منظر پاکستان کے اسلام آباد میں فیصل مسجد کے قریب بھارت کی جانب سے کئے گئے ڈرون حملے کا نہیں ہے بلکہ پرانا ہے اور مسجد کے قریب جھاڑی میں لگی آگ کا ہے۔

Sources
Video published by YouTube Channel @firesafetytechniques4844 on 08 May 2024
Reports published by Pak Observer and Safety & Security Today on May 2024