Fact Check: دبئی میں دیوالی کے تہوار پر کی گئی آتش بازی کی نہیں ہے یہ وائرل ویڈیو

Claim
دبئی میں دیوالی کے تہوار کے موقع پر کی گئی آتش بازی کا منظر۔
Fact
اس ویڈیو کا حالیہ دیوالی سے کوئی تعلق نہیں ہے۔

ٹائمس آف انڈیا کی ایک رپورٹ کے مطابق دنیا کی سب سے اونچی عمارت برج خلیفہ پر بھارتی ہندوؤں کے تہوار دیوالی کے موقع پر فلک بوس عمارت پر “دیا اور دیوالی مبارک’ لکھ کر اسے روشن کیا گیا۔ اسی تناطر میں دیوالی سے منسوب کرکے ایک اور ویڈیو شیئر کی جا رہی ہے۔ جس میں سڑک پر شدید آتش بازی کو دیکھا جا سکتا ہے۔ صارفین کا دعویٰ ہے کہ یہ منظر گزشتہ دنوں دبئی میں دیوالی کے موقع پر کی گئی آتش بازی کا ہے۔

ویڈیو کے ساتھ ایک صارف نے کیپشن میں لکھا ہے “یہ دبئی میں دیوالی کے تہوار پر فائر ورکس ہو رہے ہیں۔ اس سال امریکہ، کینیڈا اور کئ مغربی ممالک میں بھی ماضی سے ہٹ کر زیادہ گرم جوشی سے صدور، وزیر اعظم، وائیس پریزیڈنٹ کملا ہیرس اور دیگر اداروں کے علاوہ گوروں نے بھی خوب دیوالی منائی”۔

Fact Check/Verification

دبئی میں دیوالی کے تہوار پر کی گئی آتش بازی کا بتاکر شیئر کی گئی ویڈیو کے ایک فریم کو ہم نے گوگل ریورس امیج سرچ کیا۔ جہاں ہمیں 11 اپریل 2024 کو آسٹریلین کمیونیٹی میڈیا نامی یوٹیوب چینل پر ہوبہو ویڈیو موصول ہوئی۔ جس کے ساتھ فراہم کردہ معلومات کے مطابق یہ ویڈیو عید الفطر کے موقع پر کی گئی آتش بازی کی ہے۔

مزید تحقیقات کے دوران ہمیں یہی ویڈیو ابوظہبی، متحدہ عرب امارات نامی فیس بک پیج پر ایک جنوری 2024 کو شیئر شدہ موصول ہوا۔ جس میں آتش بازی کی اس ویڈیو کو ‘نیا سال 2024’ کا بتایا گیا ہے۔

اس کے علاوہ یہی ویڈیو ہمیں ٹک ٹاک پر ہیش ٹیگ ‘قطر’ 26 دسمبر 2023 لکھا ہوا موصول ہوا۔ یہاں یہ واضح ہوچکا کہ وائرل ویڈیو انٹر نیٹ پر 2023 سے موجود ہے۔ اس برس ہونے والی دیوالی کے تہوار سے ویڈیو کا کوئی تعلق نہیں ہے۔ لیکن ہم آزادانہ طور پر یہ تصدیق نہیں کرتے ہیں کہ ویڈیو کس ملک اور کس موقع پر کی گئی آتش بازی کی ہے۔

Conclusion

اس طرح نیوز چیکر کی تحقیقات سے یہ ثابت ہوا کہ وائرل ویڈیو کو 2023 سے سوشل میڈیا پر شیئر کیا جا رہا ہے اور اس کا تعلق حالیہ دیوالی سے نہیں ہے۔

Result: Missing Context

Sources
Video published by YouTube Channel Australian Community Media on 11 Apr 2024
Facebook post by AbuD7abi on 01 Jan 2024
TikTok post by @priince558 on 26 Dec 2023

نوٹ: کسی بھی مشتبہ خبر کی تحقیق، ترمیم یا دیگر تجاویز کے لئے ہمیں واہٹس ایپ نمبر 9999499044 پر آپ اپنی رائے ارسال کر سکتے ہیں۔ ساتھ ہی ہمارے واہٹس ایپ چینل کو بھی فالو کریں۔