Fact Check: آٹھ سال پرانی تصویر کو حالیہ فرانس میں ہو رہے احتجاج سے منسوب کرکے کیا گیا شیئر

ان دنوں فرانس میں پینشن اصلاحات کے خلاف لاکھوں افراد سڑک پر اتر آئے ہیں۔ ڈی ڈبلو اردو کے مطابق پولس اور مظاہرین کے درمیان مختلف مقامات پر جھڑپیں بھی ہوئیں ہیں۔ فرانس میں احتجاج کی وجہ سے ٹرانسپورٹ اور آمد و رفت متاثر ہو گیا ہے۔

اسی کے پیش نظر سوشل میڈیا پر فضا سے لی گئی ایک تصویر شیئر کی جا رہی ہے، جس میں سڑک پر انسانوں کی بھیڑ نظر آرہی ہے۔ دعویٰ کیا جار ہا ہے یہ تصویر فرانس کے شہر پیرس میں پینشن اصلاحات کے خلاف احتجاج کے لئے جمع ہوئے لوگوں کی ہے۔

Fact check / Verification

فرانس میں ہو رہے احتجاج سے منسوب کرکے شیئر کی گئی تصویر کو ہم نے گوگل ین ڈیکس سرچ کیا۔ جہاں ہمیں 101 گریٹ گولس نیوز ویب سائٹ کے آفیشل فیس بک پیج پر 10 جولائی 2014 کو شیئر شدہ ہوبہو تصویر ملی۔ جس کے ساتھ دی گئی معلومات کے مطابق یہ تصویر ارجینٹیا کی ٹیم کے ورلڈ کپ فائنل میں پہنچنے کے بعد بیونس آئرس کی سڑک پر 9 جولائی 2014 کی رات میں جمع ہوئے مداحوں کی ہے۔ اس تصویر کو ارجنٹینا کے بیونس آئرس کا بتاکر کئی ویری فائڈ ٹویٹر ہینڈلس سے بھی شیئر کیا گیا ہے۔

اس کے علاوہ سرچ کے دوران ہمیں اسنو برینس نام کی نیوز ویب سائٹ پر مذکورہ تصویر کے ساتھ 10 جولائی 2014 کی ایک رپورٹ ملی۔ جس کے کیپشن میں دی گئی معلومات کے مطابق تصویر 2014 ورلڈ کپ کے سیمی فائن میں ڈچ سے ارجنٹینا کی جیت کے بعد جمع ہوئے مداحوں کی ہے۔

مذکورہ معلومات سے واضح ہوا کہ وائرل تصویر کا حالیہ فرانس میں ہو رہے احتجاج سے کوئی تعلق نہیں ہے۔ پھر ہم نے جیو لوکیشن کی مدد سے گوگل ارتھ پر “اوبلسک بیونس آئرس، ارجنٹینا” کیورد سرچ کیا۔ جہاں وائرل تصویر سے ملتے جلتے مناظر دیکھے جا سکتے ہیں۔

یہ بھی پڑھیں:فرانس میں چل رہے حالیہ پینشن تنازع سے نہیں ہے اس ویڈیو کا کوئی تعلق

Conclusion

اس طرح نیوز چیکر کی تحقیقات سے یہ ثابت ہوا کہ حالیہ فرانس میں ہورہے احتجاج سے منسوب کرکے شیئر کی گئی تصویر انٹرنیٹ پر کم از کم 8 سالوں سے موجود ہے۔ رپورٹ میں تصویر 2014 ورلڈ کپ میں ڈچ سے ارجنٹینا کی جیت کے بعد جمع ہوئے مداحوں کی بتائی گئی ہے۔

Result: False

نوٹ: کسی بھی مشتبہ خبر کی تحقیق، ترمیم یا دیگر تجاویز کے لئے ہمیں واہٹس ایپ نمبر 9999499044 پر آپ اپنی رائے ارسال کرسکتے ہیں۔