Fact Check: کیا اس ویڈیو میں جج ہمایوں دلاور خاتون کے ساتھ کر رہے ہیں بد سلوکی؟ یہاں جانیں پوری حقیقت

Claim
جج ہمایوں دلاور کی پی ٹی آئی خاتون کارکنان کے ساتھ بدسلوکی کی ویڈیو وائرل۔
Fact
ویڈیو میں خاتون کے ساتھ بد سلوکی کررہا شخص پاکستانی جج  ہمایوں دلاور نہیں، بلکہ سما ٹی وی کے صحافی سید کوثر کاظمی ہیں۔

پاکستان کے سابق وزیر اعظم عمران خان کو توشہ خانہ معاملے میں جیل بھیج دیا گیا ہے۔ جس کے بعد عمران خان کو سزا سنانے والے جج ہمایوں دلاور سوشل میڈیا پر ٹرینڈ کر رہے ہیں۔ میڈیا رپورٹس کے مطابق جج ہمایوں دلاور پاکستان کے اسلام آباد کے ضلعی سیشن جج ہیں۔ وہ اس وقت برطانیہ کی ہل یونیورسٹی میں ایک تربیتی کورس کے لئے گئے ہوئے ہیں۔

اب اسی معاملے سے منسوب کرکے ایک ویڈیو شیئر کی جا رہی ہے۔ جس میں کوٹ پینٹ میں ملبوس ایک شخص خاتون کے ساتھ بد سلوکی کرتا ہوا نظر آرہا ہے۔ دعوی کیا جا رہا ہے کہ خاتون کے ساتھ بد سلوکی کرنے والا شخص تربیتی کورس کے لئے لندن گئے جج ہمایوں دلاور ہیں۔

ویڈیو کے ساتھ ایک فیس بک صارف نے کیپشن میں لکھا ہے کہ “جج دلاور، باقی کی زندگی یہ ذلیل ہی ہوتا رہے گا”۔

فیس بک، ٹویٹر اور یوٹیوب پر ویڈیو کو الگ الگ کیپشن کے ساتھ جج ہمایو دلاور کے برطانیہ دورے سے جوڑکر شیئر کیا جا رہا ہے۔

Fact Check/Verification

پاکستان کے اسلام آباد کے ڈسٹرکٹ سیشن جج ہمایوں دلاور کا بتاکر شیئر کی جا رہی ویڈیو کو انوڈ کی مدد سے کیفریم میں تقسیم کیا اور ان میں سے چند فریم کو گوگل ریورس امیج سرچ کیا لیکن ہمیں ایسا کوئی ثبوت فراہم نہیں ہوا، جس سے یہ ثابت ہو سکے کہ ویڈیو میں گالی دے رہا شخص پاکستانی جج ہمایوں دلاور ہیں۔

پھر ہم نے ویڈیو میں خاتون کو گالی دے رہے شخص کے چہرے کو کروپ کرکے فیس چیک ٹول پر سرچ کیا تو ہمیں ہوبہو تصویر والا ٹک ٹاک، فیس بک، ٹویٹر اور لنکڈن کے ہینڈلس ملے۔ تب ہمیں پتا چلا کہ ویڈیو میں نظر آرہے شخص کا نام سید کوثر دلاور ہے جو برطانیہ میں سما ٹی وی کے کورسپونڈیڈ ہیں۔

پھر ہم نے گوگل پر “صحافی سید کوثر کاظمی نے خاتون کو گالی دی” کیورڈ سرچ کیا۔ جہاں ہمیں اکتوبر 2022 کو انگلش اور اردو زبان میں شائع کچھ میڈیا رپورٹس ملیں۔ ان رپورٹس کے مطابق یہ ویڈیو لندن کے ایون فیلڈ اپارٹمنٹس کے باہر کی ہے، جہاں صحافی سید کوثر کاظمی کی جانب سے دو خواتین کو برا بھلا کہا گیا تھا۔ جبکہ خواتین کوثر کاظمی پر مسلم لیگ(ن) کی حمایت کا الزام لگا رہی تھیں۔

مزید سرچ کے دوران ہمیں پاکستانی صحافی اکرم راعی کی جانب سے 18 اکتوبر 2022 کو ٹویٹر پوسٹ میں تین الگ الگ اینگل سے فلمائی گئی ویڈیو ملیں۔ جس کے ساتھ انہوں نے لکھا ہے کہ کوثر کاظمی ایک خاتون کو بہن کے مقدس رشتے کا نام لے کر غلیظ ترین گالی دے رہے ہیں۔ وائرل ویڈیو میں جس خاتون کے ساتھ کوثر کاظمی کی بحث ہورہی ہے اس کا نام ڈاکٹر فاطمہ علی بتایا گیا ہے۔

اس کے علاوہ ہم نے سرچ کیا کہ کیا جج ہمایوں دلاور کے خلاف احتجاج کیا جا رہا ہے تو ہمیں جیو نیوز کی تازہ رپورٹ ملی۔ جس کے مطابق جج ہمایوں دلاورلندن کی ہل یونیور سٹی میں 5 سے 13 اگست تک ٹریننگ میں شرکت کرنے گئے ہوئے ہیں۔جہاں پی ٹی آئی کےکارکنوں نے یونیورسٹی کے باہر مظاہرہ کیا ہے۔

Conclusion

اس طرح نیوز چیکر کی تحقیقات سے معلوم ہوا کہ وائرل ویڈیو میں نظر آرہا شخص پاکستانی جج ہمایوں دلاور نہیں، بلکہ برطانیہ میں موجود سما ٹی وی کے نمائندہ سید کوثر کاظمی ہیں۔ ویڈیو کے ساتھ کیا گیا دعوی بے بنیاد ہے۔

Result: False

Sources
Facebook handle Syed Kausor Kazmi
Reports published Daily Mumtaz and Global Village space on Oct 2022
Tweet by @AkramRaee on Oct 2022

نوٹ: کسی بھی مشتبہ خبر کی تحقیق، ترمیم یا دیگر تجاویز کے لئے ہمیں واہٹس ایپ نمبر 9999499044 پر آپ اپنی رائے ارسال کرسکتے ہیں۔