Fact Check: لوگوں کے ہجوم کی یہ تصویر اسلام آباد مظاہرے کی نہیں بلکہ بھارت کی ہے

Claim

24 نومبر کو پاکستان تحریک انصاف کی جانب سے ڈی چوک پر مظاہرے کے لئے ‘فائنل کال’ دی گئی تھی ۔جس سے منسوب کرکے متعدد تصاویر اور ویڈیو فرضی دعوے کے ساتھ شیئر کی جا رہی ہیں۔ ان دنوں سمندر کنارے لوگوں کے ہجوم کی ایک تصویر سوشل میڈیا پر خوب گردش کر رہی ہے۔ صارفین کا دعویٰ ہے کہ یہ تصویر پاکستان کے اسلام آباد میں پی ٹی آئی کی جانب سے ڈی چوک پر مظاہرہ کے لئے دی گئی فائنل کال پر جمع ہوئی بھیڑ کی ہے۔ تصویر کے ساتھ ایک صارف کیپشن میں لکھا ہے “اسلام آباد کی موجودہ صورتحال ہر طرف عوام”۔

Fact

لوگوں کے ہجوم کی وائرل تصویر کو ہم نے گوگل لینس پر تلاش کیا۔ اس دوران ہمیں 7 جولائی 2024 کو اوم پسیرام نامی انسٹاگرام پر ہوبہو تصویر موصول ہوئی۔ جس میں اس تصویر کو ممبئی کے مرین ڈرائیو کا بتایا گیا ہے۔ جہاں ٹی20 کرکٹ ورلڈ کپ 2024 کے چیمپیئنز کا استقبال کیا گیا تھا اور وکٹری پریڈ عمل میں آئی تھی۔

مزید تحقیقات کے دوران ہمیں 5 جولائی 2024 کو شائع ہونے والی این ڈی ٹی وی اسپورٹ کی ویب سائٹ پر دیگر تصاویر کے ساتھ مذکورہ وائرل تصویر بھی موصول ہوئی۔ جس میں بھی اس تصویر کو ممبئی کے مرین ڈرائیو کا بتایا گیا ہے۔ اس حوالے سے دیگر میڈیا رپورٹس یہاں اور یہاں پڑھ سکتے ہیں۔

نیوز چیکر کی تحقیقات کے دوران ملنے والے شواہد سے یہ ثابت ہوا کہ لوگوں کے ہجوم کی یہ تصویر اسلام آباد مظاہرے کی نہیں ہے بلکہ پرانی ہے اور بھارت کے ممبئی میں ٹی 20 ورلڈ کپ جیتنے کے بعد کی گئی وکٹری پریڈ کی ہے۔

Result: False

Sources
Instagram post by @ompsyram on 07 July 2024
Reports published by NDTV Sports, Times Now and Newstrack on July 2024

نوٹ: کسی بھی مشتبہ خبر کی تحقیق، ترمیم یا دیگر تجاویز کے لئے ہمیں واہٹس ایپ نمبر 9999499044 پر آپ اپنی رائے ارسال کر سکتے ہیں۔ ساتھ ہی ہمارے واہٹس ایپ چینل کو بھی فالو کریں۔