ترکیہ طیارہ حادثے کی ویڈیو اور جہاز کریش کی اے آئی تصویر فرضی دعوے کے ساتھ وائرل

دنیا بھر سے عازمین حج، مکہ مکرمہ اور مدینہ منورہ کے لئے روانہ ہو رہے ہیں۔ اسی اثنا میں سوشل میڈیا پر موریطانیہ سے حاجیوں کو لے جا رہے طیارہ حادثے کی خبریں گردش کرنے لگیں۔ اسی کے پیش نظر سوشل میڈیا پر طیارہ حادثے کی ویڈیو اور تصاویر شیئر کی جا رہی ہیں۔ ویڈیو میں مسافر طیارے کو سمندر میں ڈوبتے ہوئے دیکھا جا سکتا ہے۔ جبکہ تصویر میں جہاز میں آگ لگی ہے اور کفن میں لاشیں زمین پر نظر آرہی ہیں۔ صارفین کا دعویٰ ہے کہ موریطانیہ کے حاجیوں کو لے جا رہا طیارہ بحیرہ احمر کے نزدیک گر کر تباہ ہو گیا، جس میں 220 حاجی موجود تھے۔

Claim1

فیس بک صارفین نے ویڈیو کے ساتھ لکھا ہے کہ “موریطانیہ کا حج کے مسافروں کا طیارہ بحیرہ احمر کے قریب گر کر تباہ 220 حاجی موجود تھے”۔

Fact Check/Verification

ہم نے سب سے پہلے طیارے حادثے کی ویڈیو کے ایک فریم کو گوگل لینس پر سرچ کیا۔ اس دوران ہمیں وائرل ویڈیو سے ملتا جلتا کلپ ایوی ایشن ڈاٹ 2025 نامی انسٹاگرام پر 3 جنور 2020 کو شیئر شدہ موصول ہوا۔ جہاں یہ واضح ہوگیا کہ وائرل کلپ پرانی ہے۔

مزید تحقیقات کے دوران ہمیں 18 جون 2019 کو ڈائیو میگزین نامی یوٹیوب چینل کا ایک لنک موصول ہوا۔ جس میں اس ویڈیو کو 14 جون 2019 کو ترکیہ کے ایربس اے330 کے ڈوبنے کا بتایا گیا ہے۔ اس حوالے سے مزید تفصیلات بی بی سی اور ترکیہ نیوز ایجنسی انادولو کی ویب سائٹس پر پڑھی جا سکتی ہیں۔ البتہ یہاں یہ معلوم ہوا کہ ویڈیو پرانی اور طیارہ ترکیہ کی ہے۔

یہ بھی پڑھیں: موریطانیہ کے حجاج اکرام کو سفر حج پر لے جا رہے طیارہ حادثے کی نہیں ہے یہ وائرل ویڈیو

Claim2

تصویر کے ساتھ ایکس صارفین نے کیپشن میں لکھا ہے “انا للّٰہ وانا الیہ راجعون : موریطانیہ سے فریضہ ادا کرنے حجاز مقدس جانے والے حجاج کا طیارہ بحیرہ احمر کے قریب گر کر تباہ ہو گیا، حادثے میں سوار تمام 200 سے زائد حجاج شہید ہو گئے”۔

Fact Check/Verification

پھر ہم نے طیارہ میں لگی آگ والی تصویر کا بغور تجزیہ کیا تو معلوم ہوا یہ تصویر کسی اے آئی ٹولز کی مدد سے تیار کی گئی ہے۔ تصدیق کے لئے ہم نے وائرل تصویر کو اے آئی سے تیار کردہ مواد کا پتہ لگانے والے ٹولزہائیو ماڈریشن کی مدد سے تلاش کیا۔ ہائیو ماڈریشن نے 70.1 فیصد ڈیپ فیک یا اے آئی سے تیار کردہ ہونے کا امکان ظاہر کیا ہے۔

موریطانیہ کے حجاج کرام کو لے جارہے طیارہ حادثے سے متعلق ہمیں موریطانیہ ایئرلائنس کے آفیشل فیس بک پیج پر وائرل دعوے سے متعلق پوسٹ موصول ہوا۔ جس میں وائرل دعوے کی تردید کی گئی ہے اور واضح کیا گیا ہے کہ حاجیوں کو سفرحج پر لے جانے والا طیارہ بحفاظت اپنی منزل مقصود تک پہنچ چکا ہے۔

Conclusion

نیوز چیکر کی تحقیقات سے یہ ثابت ہوا کہ افریقی ملک موریطانیہ کے حاجیوں کو سفر حج پر لے جا رہا طیارہ بحفاظت اپنی منزل تک پہنچ گیا ہے۔ ویڈیو اور تصویر کے ساتھ کیا گیا دعویٰ فرضی ہے، دارصل یہ ویڈیو پرانی اورترکیہ کے ایربس اے330 کے ڈوبنے کی ہے اور تصویر مصنوعی ذہانت کی مدد سے تیار کی گئی ہے۔

Sources
Video published by DiveMagazine on 18 jun 2019
Reports published by BBC and Anadolu on 14 jun 2019
Hive Moderation tool
Self Analysis
Facebook post by MauritaniaAirlines on 27 May 2025