Claim
ہماچل پردیش میں مسلمان شخص کو پولس اہلکاروں نے رحمی سے پیٹا۔
Fact
ویڈیو مغربی بنگال کے ملک پور گاؤں میں دو گروپوں کے درمیان تصادم کے بعد پولس کی جانب سے کی گئی کاروائی کی ہے۔

سوشل میڈیا پر ایک ویڈیو شیئر کی جا رہی ہے۔ جس میں سفید شرٹ اور نیلے رنگ کی جینس میں ملبوث شخص کو کچھ پولس اہلکار پکڑے ہوئے ہیں اور کچھ مارتے پیٹتے ہوئے نظر آرہے ہیں۔ اس بیچ چند خواتین اسے پولس سے آزاد کروانے کی کوشش کرتی ہوئی نظر آرہی ہے، لیکن پولس اہلکار اسے گاڑی میں بٹھاکر خواتین پر بھی لاٹھیاں برساتی ہے۔ ویڈیو سے متعلق صارفین کا دعویٰ ہے کہ ہماچل پردیش میں پولس اہلکار بےقصور مسلمانوں پر ظلم و ستم کر رہی ہے۔

ویڈیو کے ساتھ صارف نے کیپشن میں لکھا ہے “مسلمانوں کے ساتھ بار بار ہماچل میں ظلم کیا جا رہا ہے، خاص کر وہاں کے جوانوں پہ زیادہ ظلم کیا جا رہا ہے”۔

Fact Check/Verification

ویڈیو کے ایک فریم کو ہم نے گوگل لینس پر سرچ کیا۔ اس دوران ہمیں رواں برس کی 24 جنوری کو شیئر شدہ ہوبہو ویڈیو پیوش نامی فیس بک پیج پر بنگلہ زبان میں کیشن کے ساتھ موصول ہوا۔ جس میں اس ویڈیو کو بیر بھوم کے سیوری کے ملک پور علاقے کا بتایا گیا ہے۔

پھر ہم نے وائرل ویڈیو کے کیفرم کے ساتھ مذکورہ کیورڈ تلاش کئے۔ جہاں ہمیں 28 جنوری 2025 کو ٹی وی9 بنگلہ کے آفیشل یوٹیوب چینل پر ایک ویڈیو رپورٹ موصول ہوئی۔ جس میں وائرل ویڈیو والے مناظر کو بخوبی دیکھا جا سکتا ہے۔

ٹی وی9 بنگلہ کے مطابق یہ ویڈِیو مغربی بنگال کے سوری کا ہے۔ جہاں ترنمول کانگریس کے کارکنوں کے دو گروپوں کے درمیان لڑائی ہوگئی تھی۔ جس پر قابو پانے کے لئے پولس موقع واردات پر پہنچی تو سفید لباس میں ملبوث شخص نے انسپکٹر انچارج کا کالر پکڑ لیا تھا، جس کی وجہ سے پولس نے اس پر لاٹھی چارج کی تھی۔ رپورٹ میں مذکورہ سفید شرٹ اور نیلی جینس میں ملبوث شخص کو ٹی ایم سی پارٹی کا مقامی غنڈا بتایا ہے۔ لیکن ہم آزادانہ طور پر مذکورہ شخص کے بارے میں یہ ثابت نہیں کر سکے کہ اس کا تعلق کس مذہب سے ہے۔ اس حوالے سے دیگر میڈیا رپورٹس یہاں، یہاں اور یہاں پڑھ سکتے ہیں۔

یہ بھی پڑھیں: ٹرین حادثے کی یہ ویڈیو پریاگ راج ریلوے اسٹیشن کی نہیں ہے

Conclusion

اس طرح آن لائن ملنے والے شواہد سے یہ ثابت ہوا کہ ہماچل پردیش میں مسلمان شخص کی پولس اہلکاروں کی جانب سے پیٹائی کا بتاکر شیئر کی جارہی یہ ویڈیو مغربی بنگال کی ہے۔ جہاں ترنمول کانگریس کے کارکنوں کے دو گروپوں کے مابین ہوئی لڑائی پر قابو پانے آئی پولس نے ایک مقامی غنڈے کی پٹائی کی تھی۔

Result: False

Sources
Facebook post by Piyush on 28 jan 2025
Video report published by TV9 Bangla on 28 jan 2025
Reports published by Anand Bazar, Indian Prime Time and The Telegraph India on jan 2025

نوٹ: کسی بھی مشتبہ خبر کی تحقیق، ترمیم یا دیگر تجاویز کے لئے ہمیں واہٹس ایپ نمبر 9999499044 پر آپ اپنی رائے ارسال کر سکتے ہیں۔ ساتھ ہی ہمارے واہٹس ایپ چینل کو بھی فالو کریں۔