مسلمان دکاندار پر ہندو انتہا پسندوں کے حملے کا بتاکر شیئر کی گئی ویڈیو میں نہیں ہے کوئی فرقہ وارانہ رنگ

بھارت میں مسلمان دکاندار پر کئے گئے حملے کا بتاکر 30 سیکنڈ کا ایک سی سی ٹی وی فوٹیج شیئر کیا جا رہا ہے۔ جس میں 4 افراد چہرے پر کپڑا لپیٹے ہوئے ایک دکاندار پر اچانک لاٹھی وغیرہ سے حملہ کرتے ہوئے نظر آرہے ہیں، دکاندار سمجھداری دکھاتے ہوئے موقع سے دکان کا شٹر گرا لیتا ہے اور اپنی جان بچانے میں کامیاب ہو جاتا ہے، لیکن اس کے باوجود حملہ آوروں کو شٹر کھولنے کی کوشش کرتے ہوئے اور آخر میں ایک شخص کو شٹر پر فائرنگ کرتے ہوئے بھی دیکھا سکتا۔ جب حملہ آوروں کو ناکامی ملی تو وہاں سے سب راہ فرار اختیار کر لیتے ہیں۔

صارفین ویڈیو کو فرقہ وارانہ رنگ دےکر شیئر کررہے ہیں۔ دعویٰ ہے کہ ویڈیو میں جس دکاندار پر حملہ کیا جا رہا ہے وہ مسلمان ہے اور جو حملہ کر رہا ہے وہ غیر مسلم طبقے سے تعلق رکھتے ہیں۔

ویڈیو کے ساتھ ایکس صارف نے کیپشن میں لکھا ہے”ایک انڈین مسلم کی حاضر دماغی نے ہندو انتہا پسندوں سے اسے بچا لیا ابھی بھی پاکستان میں کچھ لوگ 5 اگست کو آزادی کے لیے نکلے گئیں”۔

ویڈیو کے ساتھ ایک فیس بک صارف نے لکھا ہے کہ “انڈیا میں ہندو انتہا پسندوں نے ایک مسلمان دکاندار پر حملہ کر دیا۔ لیکن دکاندار نے غیرمعمولی حوصلہ اور ہوشیاری سے کام لیتے ہوئے بروقت قدم اٹھایا، جس سے وہ اللہ کے فضل سے محفوظ رہا۔ یہ واقعہ بھارت میں اقلیتوں، خاص طور پر مسلمانوں، کو درپیش خطرات کی ایک مثال ہے”۔

آرکائیو لنک یہاں، یہاں اور یہاں دیکھیں۔

Fact Check/ Verification 

فرقہ وارانہ رنگ دے کر شیئر کی گئی دکاندار پر حملے کی ویڈیو کے ایک فریم کو گوگل لینس کی مدد سے سرچ کیا۔ اس دوران ہمیں ایم پی تک اور یونائٹیڈ نیوز آف ایشیاء کے آفیشل یوٹیوب چینلز پر وائرل کلپ سے متعلق ویڈیو رپورٹس موصول ہوئیں۔

ان رپورٹس کے مطابق دکاندار پر کئے گئے حملے کی ویڈیو مدھیہ پردیش کے شیوپوری کا ہے۔ یونائٹیڈ نیوز آف ایشیاء کے مطابق یہ معاملہ مدھیہ پردیش کے شیوپوری کے پچھور کے بھونتی تھانہ علاقے کا ہے۔ جہاں “راجہ پروویژن” کے دکاندار رشبھ گپتا پر لاٹھی، کلہاڑی اور پستول سے کچھ لوگوں نے حملہ کیا تھا۔ حملہ آوروں نے دکان پر فائرنگ بھی کی جو وہاں لگی سی سی ٹی وی میں قید ہو گیا۔ متاثرہ نے ایس پی سے انصاف کی اپیل بھی کی ہے۔

مذکورہ رپورٹس سے واضح ہوا کہ جس دکاندار پر حملہ کیا گیا ہے وہ مسلمان نہیں ہے۔ مزید سرچ کے دوران ہمیں این ڈی ٹی وی کی ویب سائٹ پر 2 اگست کو شائع ہونے والی ایک رپورٹ ملی۔ جس کے مطابق یہ واقعہ 29 جولائی 2025 کی رات تقریباً 10 بجے پیش آیا تھا۔ راجا عرف رشبھ کے مطابق حملہ آوروں میں پرمود شرما، کارتک شرما اور دیپک شرما کے علاوہ تین نامعلوم ملزمان شامل ہیں جن کی شناخت نہیں ہو سکی۔ البتہ شکایت کے بعد پولس معاملے کی جانچ کر رہی ہے۔

مزید تصدیق کےلئے نیوز چیکر کی ٹیم نے پچھور کے ایس ڈی پی او دیویندر سنگھ کشواہا سے فون پر رابطہ کیا۔ انہوں ہم نے سے واہٹس ایپ پر وائرل ویڈیو طلب کیا۔ ہم نے جب انہیں وائرل کلپ بھیجا تو کچھ وقفے بعد انہوں نے ہمیں کال بیک کیا اور بتایا کہ اس معاملے میں کسی بھی طرح کا مذہبی رنگ نہیں ہے۔ ویڈیو میں جس دکاندار پر حملہ کیا گیا ہے وہ گپتا خاندان سے اور جن لوگوں کی جانب سے حملہ کیا گیا، وہ شرما خاندان سے تعلق رکھتے ہیں۔ اس معاملے میں متاثرہ کی شکایت پر دفعہ 109 کے تحت شکایت درج کرلی گئی ہے۔

یہ بھی پڑھیں: انڈیگو فلائٹ میں مسلمان مسافر کو تھپڑ مارے جانے کی ویڈیو گمراہ کن اور فرقہ وارانہ دعوے کے ساتھ وائرل

Conclusion

اس طرح نیوز چیکر کی تحقیقات سے یہ ثابت ہوا کہ مسلمان دکاندار پر ہندو انتہا پسندوں کے حملے کا بتاکر شیئر کی گئی ویڈیو میں کسی بھی طرح کا مذہبی اینگل نہیں ہے۔ دراصل حملہ آور اور دکاندار دونوں ہی کا تعلق ہندو طبقے سے ہے۔

Sources
Video reports published by UNA | United News of Asia and MP Tak on 01, 03 Aug 2025
Report published by NDTV on 02 Aug 2025
Telephonic Conversation with SDOP Pichhore, Devendra Singh Kushwaha