سوشل نٹورکنگ سائٹس پر دو مختلف تصاویر کو کابل کی مسجد میں ہونے والے دھماکے سے منسوب کرکے شیئر کیا جارہا ہے۔ پہلی تصویر جس میں عمارت کے اندر دھواں نظر آرہا ہے اور دوسری جس میں ایک شخص کو زمین پر زخمی حالت میں دیکھا جاسکتا ہے۔

فیس بک پر پہلی تصویر جس میں عمارت کے درمیان سے دھوان نکلتا ہوا نظر آرہا ہے، اس کے ساتھ صارف نے کیپشن میں لکھا ہے کہ “کابل شہر کی مسجد میں نماز کے دوران بم دھماکہ درجنوں افراد شہید اور زخمی”۔

ٹویٹر پر افغان اردو نامی ٹویٹر ہینڈل نے زمین پر زخمی حالت میں پڑے شخص کی تصویر کے ساتھ کیپشن میں لکھا ہے کہ “کابل میں کل رات ہونے والے بم دھماکے میں 21 افراد جاں بحق ہوئے، کابل پولیس کے ترجمان خالد زدران نے بتایا کل نماز مغرب میں شہر کے 17 ویں ڈسٹرکٹ کی مسجد میں بم دھماکہ ہوا جس میں 21 افراد جاں بحق 33 زخمی ہو گئے، پولیس واقعے کی تفتیش کر رہی ہے”۔

میڈِیا رپورٹس کے مطابق 17 اگست بروز بدھ کی شام کابل کی مسجد میں نماز مغرب کے دوران دھماکہ ہوا تھا۔ اس حادثے سے منسوب کرکے سوشل میڈیا پر مختلف تصاویر شیئر کی گئیں۔ انہیں میں سے دو ایسی تصاویر بھی سوشل میڈیا پر گردش کر رہی ہیں۔ جس کا فیکٹ چیک یہاں کیا جا ئے گا۔

Fact Check/Verification

نیوز چیکر نے کابل کی مسجد میں ہونے والے دھماکے سے منسوب کرکے شیئر کی گئی پہلی تصویر کو ریورس امیج سرچ کیا۔ جہاں ہمیں ووکس ڈاٹ کام پر ہوبہو وائرل تصویر کے ساتھ شائع 1 جولائی 2019 کی ایک رپورٹ ملی۔ تصویر کے کیپشن میں لکھا ہے کہ کابل، افغانستان میں ہوئے بم دھماکے کے بعد اٹھتا ہوا دھواں۔ اس تصویر کا کریڈٹ ہارون سبوان/آنادولو ایجنسی اور گیٹی امیج کو دیا گیا ہے۔

1st Image

پھر ہم نے گیٹی امیج کی ویب سائٹ پر مذکورہ کیورڈ سرچ کیا تو ہمیں وہی تصویر ملی، جسے سوشل میڈیا پر حالیہ بم دھماکے سے منسوب کرکے شیئر کیا گیا ہے۔ ویب سائٹ پر دی گئی معلومات کے مطابق افغانستان کے کابل میں 01 جولائی 2019 کو ایک خودکش بم دھماکہ ہوا تھا۔ جس میں جائے وقوع سے اٹھ رہے دھویں کی تصویر ہے۔ ملنے والی معلومات کے مطابق دھماکے میں کم از کم 10 افراد ہلاک اور 65 زخمی ہوگئے ہیں۔ جس کی تصدیق حکام اور مقامی میڈیا نے بھی کی ہے۔ یہاں یہ واضح ہوچکا کہ پہلی تصویر جولائی 2019 کی ہے اور حالیہ دھماکے سے اس کا کوئی تعلق نہیں ہے۔

دوسری تصویر جس میں زمین پر زخمی حالت میں پڑا شخص نظر آرہا ہے۔ سچائی جاننے کے لیے ہم نے تصویر کو ریورس امیج سرچ کیا تو ہمیں ٹائم ڈاٹ کام، رائٹرز اور نیو یارک ٹائمس پر شائع 2017 کی رپورٹز ملیں۔ رائٹرز ویب سائٹ کی رپورٹ کے مطابق زمین پر پڑے شخص کو 31 مئی 2017 کے کابل دھماکے میں زخمی بتایا گیا ہے۔

2nd Image

یہ بھی پڑھیں:افغانستان کے مزار شریف مسجد میں ہوئے دھماکے کی نہیں ہے یہ تصویر

Conclusion

مذکورہ رپورٹز سے واضح ہوا کہ دونوں تصاویر حالیہ کابل کی مسجد میں ہونے والے بم دھماکے کی نہیں ہیں، بلکہ پہلی تصویر 2019 کی ہے اور دوسری 2017 کی ہے، جسے حالیہ دھماکے سے منسوب کرکے شیئر کیا جارہا ہے۔

Result: False

نوٹ: کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کر سکتےہیں۔9999499044