یہ تصویر بھارت-چین کی توانگ میں حالیہ کشیدگی کی نہیں ہے

Authors

Abrar Bhat

بھارت چین حالیہ کشیدگی کے حوالے سے سوشل میڈیا پر کافی ویڈیوز اور تصاویر وائرل ہورہی ہیں۔ جن سے متعلق دعویٰ ہے کہ یہ حالیہ دنوں میں دونوں ممالک کی افواج کے درمیان توانگ میں ہونے والی جھڑپوں کی ہیں۔

بھارت کے سب سے بڑا ڈیجیٹل میڈیا ادارہ کہلائے جانے والے ای ٹی وی بھارت نے ایک رپورٹ کے ساتھ تصویر شیئر کی ہے اور تصویر کے کیپشن میں لکھا ہے کہ ‘اروناچل پردیش کے توانگ میں 9 دسمبر کو چینی پیپلز لبریشن آرمی کے ساتھ جھڑپ کے دوران زخمی ہونے والے بھارتی فوج کے چھ فوجیوں کو گوہاٹی کے واششٹ میں واقع فوج کے 151 بیس اسپتال میں داخل کرایا گیا۔ موصولہ اطلاعات کے مطابق اس دوران دونوں ممالک کے فوجی زخمی ہوئے’۔

سوشل میڈیا صارفین بھی اسی تصویر کو شیئر کررہے ہیں اور دعویٰ ہے کہ یہ دونوں ممالک کی افواج کے درمیان توانگ میں حال ہی میں ہونے والی جھڑپ کی ہے۔

وائرل تصویر کا لنک آپ یہاں اور یہاں دیکھ سکتے ہیں۔

Fact Check/ Verification

وائرل تصویر بھارت چین حالیہ سرحدی کشیدگی کی ہے۔ نیوز چیکر نے اس سلسلے میں تحقیقات کی۔ ہم نے اس تصویر کو چند کیورڈز کے ساتھ گوگل امیج سرچ کیا۔ سرچ کے دوران میں بھارت چین تنارع سے متعلق کافی رپرٹز ملیں۔

وائس آف امریکہ کی وئب سائٹ پر شائع رپورٹ کے ساتھ اس تصویر کو بھی شائع کیا گیا ہے۔ تصویر کے کیپشن میں لکھا گیا ہے کہ یہ تصویر 2020 میں دونوں ممالک کی فوج کے درمیان ہونے والی جھڑپ کی ہے۔

بھارت چین حالیہ کشیدگی سے منسوب یہی تصویر ہمیں دکن ہیرالڈ کی وئب سائٹ پر بھی ایک رپورٹ کے ساتھ ملی، یہاں بھی تصویر کے متعلق کہا گیا ہے کہ یہ تصویر وسط جون 2020 میں گلوان وادی میں دونوں افواج کے درمیان ہونے والی جھڑپ کی ویڈیو سے لی گئی ہے۔

ہندوستان ٹائمز وئب سائٹ پر 23 نومبر 2021 کو شائع ایک رپورٹ کے ساتھ بھی یہ تصویر شیئر کی گئی ہے۔

Conclusion

نیوز چیکر کی تحقیقات میں یہ بات صاف ہوئی کہ تصویر دراصل 2020 میں دونوں ممالک کی فوج کے درمیان گلوان وادی میں ہونے والے تصادم کی ہے، اس تصویر کا حالیہ توانگ جھڑپ سے کوئی تعلق نہیں ہے۔

Result: Missing Context

نوٹ: کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کر سکتےہیں۔9999499044

Authors

Abrar Bhat