بھارت میں بادل پھٹنے کا بتاکر شیئر کی گئی یہ ویڈیو مصنوعی ذہانت کی مدد سے تیار کی گئی ہے

ایکس اور فیس بک پر 13 سیکنڈ کی ایک ویڈیو بھارت میں بادل پھٹنے کا بتاکر شیئر کی جارہی ہے۔ جس میں ایک گلی کے اندر اسکوٹی و دیگر گاڑیاں نظر آرہی ہیں اور اچانک اوپر کی جانب سے کثیر مقدار میں پانی گرتا ہے اور پوری گلی سیلاب میں تبدیل ہوجاتی ہے۔ صارفین کا دعویٰ ہے کہ یہ منظر بھارت میں بادل پھٹنے کا ہے۔

اس ویڈیو کو دیگر ایکس صارف نے بادلوں کے پھٹنے کے باعث سیلاب کا بتاکر شیئر کیا ہے۔

آرکائیو لنک یہاں، یہاں اور یہاں دیکھیں۔

Fact Check/Verification

بھارت میں بادل پھٹنے کا بتاکر شیئر کی گئی ویڈیو کا ہم نے بخود تجزیہ کیا۔ جہاں ہم نے غور کیا پانی کے تیز بہاؤ کے باوجود گاڑیاں اپنی جگہ سے ہل تک نہیں رہی ہیں۔ اس سے ہمیں شبہ ہوا کہ یہ ویڈیو اے آئی کی مدد سے بنائی گئی ہے۔

پھر ہم نے وائرل کلپ کے ایک فریم کو گوگل لینس کی مدد سے تلاش کیا۔ اس دوران ہمیں یہی ویڈیو کاندھا اڑیسیز وائنس نامی انسٹاگرام پر رواں ماہ کی 5 تاریخ کو شیئر شدہ موصول ہوئی۔ جس میں اس ویڈیو کو اے آئی سے تیارکردہ بتایا گیا ہے۔ ساتھ ہی یہ بھی واضح کیا گیا ہے کہ اسے محض تفریحی مقاصد کے لئے بنایا گیا گیا ہے۔ مزید ہم نے اس سلسلے میں میڈیا رپورٹس بھی تلاش کئے لیکن وائرل کلپ سے متعلق ایسی کوئی رپورٹ موصول نہیں ہوئی۔

مزید تصدیق کے لئے ہم نے اے آئی کا پتا لگانے والے ٹولز ہائیو ماڈریش اور واز اٹ اے آئی کی مدد لی۔ ہم نے وائرل ویڈیو کو ہائیو ماڈریشن پر سرچ کیا تو ہائیو نے اپنے تجزیہ میں اس ویڈیو میں 94.6 فیصد اے آئی یا ڈیپ فیک سے تیار کردہ مواد ہونے کا امکان ظاہر کیا ہے۔

وائرل ویڈیو کے چند فریموں کو ہم نے واز اٹ اے کی مدد سے تلاش کیا۔ واز اٹ اے آئی نے اپنے تجزیے میں تصاویر یا اس کے اہم حصے کو اے آئی سے تیارکردہ بتایا ہے۔

مزید تصدیق کےلئے وائرل ویڈیو کو ہماری ٹیم نے ڈیپ فیک اینالیسس یونٹ کو بھیجا۔ جہاں انہوں نے مختلف ٹولس کی مدد سے وائرل ویڈیو کا تجزیہ کیا۔ تاہم ویڈیو کی خراب کوالٹی کے باعث کئی ٹولز کوئی پختہ نتائج نہیں دے سکے۔ البتہ انہوں نے کہا کہ ویڈیو میں اے آئی کے استعمال کے واضح نشانات موجود ہیں۔

Conclusion

اس طرح نیوز چیکر کی تحقیقات سے یہ ثابت ہوا کہ بھارت میں بادل پھٹنے کے منظر کا بتاکر شیئر کی گئی یہ ویڈیو دراصل اے آئی کی مدد سے تیارشدہ ہے۔

Our Sources
Self Analysis
Instagram post by @kandha_odysseys_vines on 05 Aug 2025
Hive Moderation Tool
Was it ai tool
Analysis by DAU team