جمعرات, اگست 18, 2022
جمعرات, اگست 18, 2022

HomeFact Checkکیا اس تصویر میں پوتن واقعی عمران خان جیت کی خبر دیکھ...

کیا اس تصویر میں پوتن واقعی عمران خان جیت کی خبر دیکھ رہے ہیں؟

سوشل میڈیا پر روسی صدر ولادمیر پوتن کی ایک تصویر وائرل ہے۔ جس میں دعوی کیا جارہا ہے کہ روسی صدر پوتن ایک ٹی وی کے سامنے بیٹھے ہوئے پاکستان کے سابق وزیر اعظم عمران خان کی جیت کی خبر دیکھ رہے ہیں۔

مذکورہ تصویر شئیر کرتے ہوئے ایک فیس بک صارف نے کیپشن میں لکھا ہے کہ “روسی صدر ولادیمیر پوتن 17 جولائی کو پاکستان میں ہونے والے بڑے بریک تھرو کی نیوز دیکھ رہے ہیں. انہوں نے عمران خان کی جیت پر اطمینان کا اظہار کرتے ہوئے عمران خان کو حیران کن شخصیت قرار دیا”۔

کیا عمران خان کے جیت کی خبر روسی صدر پوتن نے دیکھی؟ یہاں جانیں سچ
Courtesy:Facebook/lal.zada.5203

روسی صدر کی مذکورہ تصویر کو اسی دعوے کے ساتھ ٹویٹر پر بھی شیئر کیا جارہا ہے۔

Fact Check/Verification

وائرل تصویر کے ساتھ کیے گئے دعوے کی سچائی جاننے کے لیے ہم نے “روسی صدر پوتن نے عمران خان کی جیت کی خبر دیکھی” کیورڈ سرچ کیا۔ لیکن ہمیں کچھ بھی اطمینان بخش نتائج نہیں ملے۔ پھر ہم نے وائرل تصویر کو گوگل ریورس امیج سرچ کیا۔ اس دوران ہمیں فرانس کی یورو نیوز ویب سائٹ پر 26 جنوری 2022 کی ایک رپورٹ میں روسی صدر پوتن کی مزکورہ تصویر کے ساتھ شائع خبر ملی۔ البتہ اس تصویر میں جو ٹی وی اسکرین نظر آرہا ہے اس میں عمران خان کی جگہ کئی لوگوں کی تصویر نظر آرہی ہے۔

تصویر کے کیپشن کے مطابق،26 جنوری 2022 کو روسی صدر ولادمیر پوتن نے اٹلی کے تاجروں سے ماسکو کے باہر نوو اوگاریوو رہائش گاہ پر ویڈیو کانفرنس کے ذریعے میٹنگ کی۔ بتادوں کہ یورو نیوز نے اس تصویر کا کریڈٹ اسپتنک ویب سائٹ کو دیا ہے۔ یہی تصویر ہمیں نیوز ایجنسی اے ایف پی کی ویب سائٹ پر بھی ملی۔

Courtesy: euronews

پھر ہم نے اس ٹی وی اسکرین کو اویسم اسکرین شارٹ کی مدد سے ریورس امیج سرچ کیا، ہمیں آر ٹی نیوز کی ایک ویڈیو رپورٹ آرکائیو ورژن میں ملی۔ جس میں اینکر کے پیچھے اسکرین پر عمران خان کا ٹویٹ نظر آرہا ہے۔ رشیا ٹوڈے کی یہ رپورٹ دن کے 2 سے ڈھائی بجے کے درمیان 18 جولائی 2022 کو براڈکاسٹ کی گئی تھی۔ آر ٹی نیوز کے ویڈیو سے اسکرین شارٹ لیکر روسی صدر کی تاجروں کے ساتھ میٹنگ والی تصویرپر چسپاں کرکے فرضی دعوے کے ساتھ شیئر کیا جارہا ہے۔

Courtesy:RT / Arcchive.org

درج ذیل تصویر دیکھ کر آپ بخوبی فرق واضح کر سکتے ہیں۔

Conclusion

اس طرح ہماری تحقیقات سے یہ واضح ہوا کہ جو تصویر اس دعوے کے ساتھ کہ “عمران خان کی جیت کی خبر روسی صدر پوتن نے ٹی وی پر دیکھی” شیئر کی جا رہی ہے وہ ترمیم شدہ ہے۔

Result: Altered Photo

Our Sources

Media Report published by euronews.com on 26/jan/2022
Media Report published by RTNews on 18/july/2022
Self Analysis by Newschecker

نوٹ: کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کر سکتےہیں۔9999499044

Mohammed Zakariya
Mohammed Zakariya
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation from Lucknow University.
Mohammed Zakariya
Mohammed Zakariya
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation from Lucknow University.

LEAVE A REPLY

Please enter your comment!
Please enter your name here

Most Popular