روس میں آئے زلزلے کے بعد آنے والی سونامی کی نہیں بلکہ اے آئی کی مدد سے بنائی گئی ہے یہ ویڈیو

Claim

گزشتہ دنوں روس میں آئے زلزلے کے بعد وہاں آئی سونامی کا بتاکر ایک ویڈیو شیئر کی گئی ہے، جس میں پانی کی ایک تیز لہر اٹھتی ہوئی نظر آ رہی ہے۔ ایسا معلوم ہوتا ہے کہ یہ ویڈیو کسی طیارے کے اندر سے فلمائی گئی ہے۔

ویڈیو کے ساتھ ایک فیس بک صارف نے لکھا ہے کہ “روس میں آنے والے شدید 8.8 درجہ کے زلزلہ سے بننے والی سونامی لہر نے چند سکینڈز میں مربع پر مشتمل علاقے کو اپنے اندر سما لیا! اندازہ لگائیں کہ یہ آسمان سے بنائی گئی ایک کلپ ہے لہر کس قدر تیز، گہری اور بلند ہوگی!!۔”

Fact

ویڈیو کی حقیقت جاننے کے لئے ہم نے سب سے پہلے ویڈیو کے کیفریم کو ریورس امیج سرچ کی مدد سے تلاش کیا۔ اس دوران ہمیں گوگلز آن نامی یوٹیوب چینل پر ہوبہو ویڈیو 29 اپریل 2025 کو اپلوڈ شدہ موصول ہوئی۔ اس ویڈیو کے ساتھ کیپشن میں لکھا ہے “30000 فٹ سے، میں نے یہ دیکھا”۔

تاہم ویڈیو کے ڈسکرپشن میں بتایا گیا ہے کہ یہ ویڈیو مصنوعی یا ترمیم شدہ ہے۔ ویڈیو کے ساتھ اے آئی آرٹ اور اے آئی ویڈیو کے ہیش ٹیگ بھی استعمال کئے گئے ہیں۔

اس چینل کا تجزیہ کرنے پر ہم نے پایا کہ اس پر ایسی ہی متعدد ویڈیوز موجود ہیں اور چینل کے ڈسکرپشن میں واضح لکھا ہے کہ اس میں موجود مواد اے آئی سے تیار کردہ ہیں۔

لہٰذا نیوز چیکر کی تحقیق سے یہ ثابت ہوا کہ روس میں آئے زلزلے کے بعد بننے والی سونامی لہر کا بتاکر شیئر کی گئی ویڈیو دراصل اے آئی کی مدد سے تیار کردہ ہے۔

Sources
Self Analysis
Video published by Youtube channel on Goggles On 29 April 2025