ظہیر اقبال کے ہمراہ اداکارہ سوناکشی سنہا کے عمرہ ادائیگی کی یہ تصاویر مصنوعی ذہانت کی مدد سے تیار کی گئی ہے

اداکار ظہیر اقبال کے ہمراہ ادکارہ سوناکشی سنہا کی چند تصاویر سوشل نٹورکنگ سائٹس پر خوب شیئر کی جا رہی ہیں۔ پہلی تصویر میں سوناکشی سنہا سیاہ برقعےمیں اور ظہیر اقبال کو احرام نما لباس میں دیکھا جا سکتا ہے۔ وہیں دوسری تصویر میں دونوں کی پشت پر خانہ کعبہ کو دیکھا جا سکتا ہے۔ صارفین کا دعویٰ ہے کہ اداکارہ سوناکشی سنہا ظہیر اقبال سے شادی کے بعد اپنے شوہر کے ہمراہ عمرہ ادائیگی کے لئے سفر پر گئیں ہیں۔

تصاویر کے ساتھ ایک فیس بک صارف نے کیپشن میں لکھا ہے “سوناکشی سنہا کی مسلمان ہونے اور اپنے شوہر ظہیر اقبال کے ہمراہ عمرہ ادائیگی کی تصاویر انٹرنیٹ پر وائرل”۔

Fact Check/ Verification

ہم نے سب سے پہلے دونوں تصاویر کو غور سے دیکھا تو ہمیں تصویر کے دائیں جانب ذیل میں گروک ایکس کا لوگو نظر آیا۔ تحقیقات کرنے پر معلوم ہوا گروک ایلون مسک کی کمپنی ایکس کا اے آئی چیٹ بوٹ ہے۔ جس کے ذریعے کسی بھی مشہور شخصیت کی تصاویر کو مختلف حلیے میں حاصل کیا جا سکتا ہے۔

پھر ہم نے ان تصاویر کو مزید تصدیق کے لئے اے آئی ڈی ٹیکٹر ٹولس سائٹ انجن، از اٹ اے آئی اور ہائیو ماڈریشن ٹولس کی مدد لی۔ جہاں اداکار ظہیر اقبال اور اداکارہ سوناکشی سنہا کی تصاویر میں از اٹ اے آئی نے 67 فیصد، سائٹ انجن نے 99 فیصد اور ہائیو ماڈریشن نے 99.9 فیصد اے آئی سے تیارکردہ مواد ہونے کا امکان ظاہر کیا ہے۔

یہ بھی پڑھیں: سانتا کلوز کے لباس میں ملبوث ڈاکٹر ذاکر نائک کی اے آئی سے تیارکردہ تصویر فرضی دعوے کے ساتھ وائرل

مزید تصدیق کےلئے ہم نے سوناکشی سنہا اور ظہیر اقبال کے آفیشل سوشل میڈیا ہینڈلز کو کھنگالا۔ لیکن ہمیں ایسی کوئی تصاویر یا پوسٹ موصول نہیں ہوئی، جس میں عمرے کی ادائیگی وغیرہ کا ذکر ہو۔

Conclusion

لہٰذا نیوز چیکر کی تحقیقات سے یہ ثابت ہوا کہ اداکار ظہیر اقبال کے ہمراہ اداکارہ سوناکشی سنہا کے عمرہ ادائیگی کی یہ تصاویر مصنوعی ذہانت کی مدد سے تیار کی گئی ہیں، حقیقت سے اس کا کوئی واسطہ نہیں ہے۔

Sources
True Media tool
Hive Moderation tool
Sight engine tool
xAI Grok tool