ٹیسلا کی فلائنگ کار لانچنگ کی فرضی خبر کے ساتھ ایلون مسک کی ترمیم شدہ تصاویر وائرل

سوشل نٹورکنگ سائٹس پر ٹیسلا کے مالک ایلون مسک کی تصاویر شیئر کی جا رہی ہیں، جس میں فلائنگ کار بھی نظر آرہی ہے۔ تصاویر سے متعلق صارفین کا دعویٰ ہے کہ ایلون مسک نے دنیا کی پہلی فلائنگ ٹیسلا پروٹوٹائپ کی نقاب کشائی کرتے ہوئے اس کی افتتاح کی ہے۔

تصاویر کے ساتھ فیس بک صارف نے کیپشن میں لکھا ہے “ایلون مسک نے دنیا کی پہلی فلائنگ ٹیسلا پروٹو ٹائپ کی نقاب کشائی کی۔ ایک انقلاب جس نے دنیا کو دنگ کر دیا”۔

آرکائیو لنک یہاں، یہاں اور یہاں دیکھیں۔

Fact Check/Verification

ہم نے سب سے پہلے وائرل تصاویر کی حقیقت جاننے کے لئے اے آئی مواد کا پتہ لگانے والے ٹولز سائٹ انجن اور ہائیو ماڈریشن کی مدد لی۔ جہاں ایلون مسک کی فلائنگ ٹیسلا پروٹو ٹائپ کی تصاویر میں ہائیو ماڈریشن نے 92.6 فیصد اے آئی سے تیار کردہ مواد ہونے کا امکان ظاہر کیا ہے، جبکہ سائٹ انجن ٹول نے اس تصویر کے 99 فیصد ڈیپ فیک ہونے کا امکان ظاہر کیا ہے۔

پھر ہم نے گوگل پر ایلون مسک، فرسٹ فلائنگ ٹیسلا پروٹوٹائپ کیورڈ سرچ کیا۔ لیکن ہمیں ایسی کوئی معبتر خبر موصول نہیں ہوئی، جس میں ایلون مسک کی کمپنی ٹیسلا کی جانب سے فلائنگ پروٹوٹائپ لانچ کا ذکر ہو۔البتہ 22 فروری کو شائع ہونے والی فائننشل ایکسپریس کی ایک رپورٹ کے مطابق امریکہ میں مقیم ایلف ایروناٹکس نامی کمپنی نے کیلیفورنیا میں فضا میں اڑنے والی کار کا میاب تجربہ کیا ہے۔ گجیٹ ٹیک نے بھی فضا میں اڑنے والی کار کی ویڈیو اپنے ایکس ہینڈل پر شیئر کی ہے۔

مزید ہم نے ایلون مسک اور فلائنگ کار کی تصاویر کو گوگل لینس کی مدد سے الگ الگ تلاش کیا۔ اس دوران ہمیں دسمبر 2022 کو شائع ہونے والی این بی سی نیوز کی ویب سائٹ پر ایلون مسک کے کالے سوٹ والی تصویر موصول ہوئی۔ جس میں اس تصویر کو 3 ستمبر 2020 کو برلن میں نئی ​​ٹیسلا گیگا فیکٹری کی تعمیراتی جگہ کے معائنے کا بتایا گیا ہے۔ وائرل تصویر این بی سی نیوز ویب سائٹ پر موصول ہوئی تصویر کے موازنے سے واضح ہوا کہ اصل تصویر کے ساتھ چھیڑ خانی کی گئی ہے۔

مزید تصدیق کے لئے ہم نے فلائنگ کار والے حصے کو کراپ کرکے گوگل لینس پر سرچ کیا تو ہمیں کئی یوٹیوب چینلز اور ویب سائٹس موصول ہوئے، جس میں فلائنگ کار کی اسی ہوبہو تصویر کے ساتھ ایلون مسک کی جگہ چینی صدر و دیگر فرد کی تصاویر والے تھمنیل دیکھنے کو ملے۔ جس سے یہ بات پختہ ہو گئی کہ یہ تصاویر ترمیم شدہ ہیں۔

یہ بھی پڑھیں: ٹیسلا اور ایکس(ٹویٹر) کے مالک ایلون مسک نے اسلام قبول کر لیا ہے؟

Conclusion

لہذا آن لائن ملنے والے شواہد سے یہ ثابت ہوا کہ ایلون مسک نے فلائنگ ٹیسلا پروٹوٹائپ لانچ نہیں کیا ہے، خبر فرضی ہے اور جو تصاویر سوشل میڈیا پر شیئر کی جا رہی ہیں وہ بھی ترمیم شدہ ہے۔

Sources
HiveModeration tool
Sightengine tool
Report published by Financial Express on 26 Feb 2025
Report published by NBC News on 14 Dec 2022