سیلابی ریلے کی یہ ویڈیو اتراکھنڈ کی نہیں بلکہ ہماچل پردیش کی ہے

رواں ماہ کی 6 تاریخ کو شائع ہونے والی آج تک کی ایک رپورٹ کے مطابق اتراکاشی کے درالی میں بادل پھٹنے کے باعث بڑی تباہی ہوئی ہے۔ جس میں 6 افراد ہلاک جبکہ 50 سے زائد لاپتہ ہیں۔ تیز سیلاب کی وجہ سے سڑکیں، مکان، دکان و کئی گاڑیاں بہہ گئیں ہیں۔ اسی حادثے سے منسوب کرکے ایک ویڈیو شیئر کی جارہی ہے۔ جس میں سیلابی ریلے اور اس سے تباہ ہوئی سڑکیں اور مکان نظر آ رہے ہیں۔ جسے اتراکھنڈ کے اترکاشی کے درالی میں آنے والی حالیہ تباہی کا بتاکر شیئر کیا جا رہا ہے۔ صارف نے ویڈیو کے ساتھ لکھا ہے “اتراکھنڈ میں عذاب الٰہی کی ایک جھلک”۔

Fact Check/Verification

اتراکھنڈ کا بتاکر شیئر کی گئی سیلابی ریلے کی ویڈیو کے ایک فریم کو ہم نے گوگل لینس کی مدد سے تلاش کیا۔ جہاں سماچار فرسٹ نامی فیس بک پیج کی جانب سے ایکسکلوسیو وائٹر مارک کے ساتھ ہوبہو اینگلس سے فلمائی گئی ویڈیو موصول ہوئی۔ جس میں اس ویڈیو کو منڈی کے تھوناگ کا بتایا گیا ہے۔

پھر ہم نے کیفریم کے ساتھ ‘تھوناگ سیلاب تباہی’ کیورڈ تلاش کیا۔ اس دوران ہمیں ہماچل پردیش تھوناگ میں گزشتہ ماہ سیلاب کی وجہ سے ہونے والی تباہی سے متعلق کئی رپورٹس موصول ہوئے۔ لیکن ان میں وائرل ویڈیو جیسا مناظر دیکھنے کو نہیں ملا۔

البتہ دی پوئنٹ ہماچل پردیش نامی یوٹیوب چینل پر رواں ماہ کی 1 تاریخ کو اپلوڈ کی گئی ویڈیو میں وائرل ویڈیو جیسے منظر دیکھنے کو ملے۔ جس میں بھی اسے ہماچل پردیش کے تھوناگ میں سیلاب کی وجہ سے ہوئی تباہی کا بتایا گیا ہے۔

اس کے علاہ جولائی 2023 کو انڈین ایکسپریس اور آج تک اور انڈیا ڈاٹ کام کی ویب سائٹ پر ہوبہو مقام کی الگ اینگل سے فلمائی گئی ویڈیوز کے ساتھ شائع شدہ رپورٹس موصول ہوئیں۔ جس میں بھی اس مقام کو ہماچل پردیش کے تھوناگ کا بتایا گیا ہے۔

Conclusion

لہٰذا نیوز چیکر کی تحقیقات سے یہ ثابت ہوا کہ سیلابی ریلے کی یہ ویڈیو اتراکھنڈ کی نہیں بلکہ ہماچل پردیش کے تھوناگ کی ہے۔

Sources
Facebook post by Samachar First on 05 Aug 2025
Video uploaded by YouTube channel The Point/Himachal on 01 Aug 2025
Reports AajTak, The Indian Express and India.com on Jul 2023