کیا یہ امریکہ میں برفانی طوفان کے بعد کی تصویر ہے؟

Claim

امریکہ میں حالیہ برفانی طوفان کے سلسلے میں سوشل میڈیا پر مختلف تصاویر اور ویڈیوز گردش کررہے ہیں۔ برف سے ڈھکی گاڑیوں کی ایک تصویر متعدد سوشل میڈیا صارفین شیئر کررہے ہیں جس سے متعلق دعویٰ ہے کہ یہ امریکہ میں حالیہ برفیلی طوفان کے بعد کی تصویر ہے۔ ایک ٹویٹر صارف نے تصویر شیئر کی اور کیپشن میں لکھا ہے کہ “امریکہ میں برفباری کے نظارہ”۔

میڈیا رپورٹز کے مطابق برفانی طوفان کی وجہ سے امریکہ میں نظام زندگی درہم برہم ہے۔ 26 دسمبر 2022 کو شائع بی بی سی اردو کی ایک رپورٹ کے مطابق امریکہ کی مختلف ریاستوں میں برفانی طوفان کے باعث کم از کم 34 افراد کی موت ہوچکی ہے، وہیں لاکھوں شہری بجلی سے محروم ہیں۔

Fact

امریکہ میں ہوئے حالیہ برفانی طوفان کے بعد کا بتاکر شیئر کی جارہی تصویر کو جب ہم نے گوگل ریورس امیج سرچ کیا۔ اس دوران ہمیں بیوٹ آف پلانیٹ ارتھ نامی کے فیس بک پیج پر 31 جنوری 2019 کو شیئر شدہ ہوبہو تصویر ملی۔ جس میں اس تصویر کو شکاگو کا بتایا گیا ہے۔

اس کے علاوہ سرچ کے دوران ہمیں پلیزر نامی بیلجیم ایک فوٹو ویب سائٹ پر 28 دسمبر2010 کو شائع وہی تصویر ملی، جسے ان دنوں امریکہ میں ہوئے حالیہ برفانی طوفان کے بعد کا بتاکر شیئر کیا جارہا ہے۔ اس ویب سائٹ کے مطابق تصویر نیویارک سٹی کی ہے۔

اس طرح واضح ہوا کہ امریکہ میں ہوئے حالیہ برفانی طوفان کے بعد کا بتاکر شیئر کی گئی تصویر انٹرنیٹ پر پچھلے 12 برس سے موجود ہے۔

Rating: Partly False

نوٹ: کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کرسکتے ہیں۔ 9999499044