کیا یوگی آدتیہ ناتھ نے سابق بی جے پی ترجمان نوپور شرما کی حمایت میں کہی یہ بات؟

Claim

سوشل میڈیا پر ایک ویڈیو کلپ شیئر کر دعویٰ کیا گیا ہے کہ یوپی کے سی ایم یوگی آدتیہ ناتھ نے نوپور شرما کی حمایت کی ہے۔

Fact

دعوے کی حقیقت جاننے کے لیے ہم نے ویڈیو کلپ کو غور سے دیکھا۔ ویڈیو میں ہم ‘ناتھ مٹھ مندرغازی آباد’ لکھا ہوا نظر آیا۔ گوگل پر ‘ناتھ مٹھ مندرغازی آباد’ کیورڈ سرچ کیا۔ جہاں ہمیں معلوم ہوا کہ وہاں ایک دودھیشورناتھ مہادیو مٹھ مندر ہے۔ اس کے بعد ہم نے فیس بک پر ‘دودھیشورناتھ مندر یوگی آدتیہ ناتھ’ سرچ کیا۔ اس دوران ہمیں منیش سریواستو نامی فیس بک صارف کی 2017 میں شیئر کی گئی ایک پوسٹ ملی۔ پوسٹ میں یوٹیوب ویڈیو و کیپشن میں ‘مئی 2015 میں منعقدہ وشو ہندو مہاسنگھ کے صوبائی کنونشن میں یوگی آدتیہ ناتھ کی تقریر’ لکھا تھا۔ ساتھ ہی کیپشن میں منیش نے اپنا عہدہ اور موبائل نمبر بھی لکھا تھا۔

نیوز چیکر نے منیش سریواستو سے رابطہ کیا۔ انہوں نے بتایا کہ سوشل میڈیا پر وائرل کلپ سات سال پرانی ہے۔ غازی آباد کے دودھیشورناتھ مندر میں ایک کنونشن ہوا تھا، جس کا کنوینر میں خود تھا۔ یوگی آدتیہ ناتھ نے 9 اور 10 مئی 2015 کو اس پروگرام میں شرکت کی تھی۔ جس میں تنظیم سے متعلق مسائل اور کاموں پر تبادلہ خیال کیا گیا تھا۔

منیش سریواستو کی جانب سے فیس بک پوسٹ کے ساتھ فراہم کردہ یوٹیوب لنک پر کلک کرنے پر15 مئی 2015 کو اپلوڈ کئے گئے اس ویڈیو کے 26 منٹ کے بعد وائرل کلپ کو دیکھا جا سکتا ہے۔ اس طرح یہ واضح ہے کہ وائرل ویڈیو سات سال پرانی ہے، جسے گمراہ کن دعوے کے ساتھ شیئر کیا جا رہا ہے۔

میڈیا رپورٹس کے مطابق یوپی کے سی ایم یوگی آدتیہ ناتھ نے اپنے وزراء کو بی جے پی کی سابق ترجمان نوپور شرما کے معاملے میں بیان دینے سے گریز کرنے کا مشورہ دیا ہے۔

Result: False Context/Missing Context

یہ آرٹیکل اصل میں ہندی سے ترجمہ کیا گیا ہے۔

نوٹ: کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کر سکتےہیں۔9999499044